عندي مشكلة بحاجة لمساعدتكم

[لمسة ملاك]

في عندي مشكلة مع جيراني
انا انتقلت للسكن في فيلا ولكن هذه الفيلا من الخارج توحي بأنها فيلا واحدة ولكن هي بالداخل كانها عمارة فيها درج داخلي وشقق فانا اسكن في آخر طابق
كل جيراني هنود شي بيعبد النار وشي نصراني وشي الله اعلم ايش ديانته كلهم هنود
ومشكلتي معهم لا بيفهمو لا عربي ولا انجليزي كما اتضح لي
فالمشكلة تكمن بأنهم بيرمو كل اوساخ البيت للخارج على الدرج
بقومو بكنس البيت ورمي الغبرة والاوساخ خارجا
فالدرج من عند طابقي حتى الطابق الثاني بيلمع لمع ولون البلاط ابيض ولكن
لما أوصل لعند طابقهم مافي لون للبلاط اوساخ وغبرة وشعر
شي مقزز
فالوضع بطل يطاق عندي كل مابحكي لزوجي كلمهم واحكيلهم مايرمو الوسخ
بيحكي هلا بيحكو مافي رجل نضافة ونحنا ايش دخلنا
فاليوم وانا مروحة من الشغل وطلعت على الدرج
طفح الكيل فيي فطرقت على كل الابواب ففتحت لي واحدة فقط
حكيت معها اللي فيه النصيب باللغة الانجليزية حكتلها ازا بيضل الوضع هيك بكرة بجد جرذان وافاعي وحشرات مابيسير هيك إزا مافي ووتش مان نعفن هي انا بنضف لهون وانتو كملو لتحت كيف صابرين على هيك منظر وهي تهز براسها شعرتها مو فاهمة انجليزي
كلمتها عربي مكسر زي لغة هندي عربي مافهمت آخر شي صرت أأشر واشير على الاوساخ وحكت كم كلمة هندي الله اعلم ايش تفسيرهم
محتارة ايش اعمل معهم شكلها مافهمت ايش الحل فأنا مش ملحقة عليهم تنضيف لأني جربت نضف للطابق الاول ولكن بالفعل تعب لأني مابصدق وانا روح على البيت والجو هنا كثير الحر إزا حد بيعرف لغة هندية يساعدني يكتبلي رسالة وانا بطبعها وبعطيهم ياها وبلصقها على الحائط والمدخل
وكمان شي هون مو متل بلادنا نجيب واحد يشطف وينضف مقابل مبلغ شهري
انا رح موت منهم والله لازم صورلكم وضع المدخل عندهم مو عارفة كيف صابرين على حالهم وكيف بيقدرو يعيشو بهيك جو وسخ لأنهم بيضلو يضعو زيت على شعرهم ولأنهم بدون حجاب بيتساقط شعرهم على الدرج
صار نفسي ترك البيت وأرحل ولكن انا عقد البيت سنوي
مين عنده حل ينورني فيه يمكن يكون راح عن بالي
انا صبرت عليهم كتير ومافي فائدة

[أمة_الله]

السلام عليكم ورحمة الله وبركاته
الله يكون في عونكم أختي لمسة ملاك
مع إن أمر النظافة لا يحتاج شرح ولا تفسير ولا الواحد يكون مسلم ولا غيره من الديانات ،،، الله المستعان
عموما لست هنا أكيد لأساعدك بخصوص أمر اللغة الهندية ،،، لذلك ممكن تحاولي تستخدمي خدمة الترجمة عبر غوغل فهي ستساعدك بإذن الله ،،، فقد حاولت قبل قليل
(فقط لتتأكدي من الترجمة (لأني لا أثق كثيرا بتلك الخدمة) لما تحصلي على الترجمة من العربي للهندي اعملي لها نسخ وأعيدي ترجمتها من جديد لكن هذه المرة (من الهندي إلى العربي) .
بالتوفيق ،،، ولكن حبيت اذكرك إنك ما تعصبي معاهم في الحديث ،،، فانت سفيرة مسلمة لنا هناك وفقك الله وأعانك
في حفظ الله

[@أبو الوليد@]

انا أنصحك بأن تكتبي عدة رسائل ورقية بعد ان تترجمي اللغة العربية إلى الهندية على قوقل وأن توجهي فيها كلمة خير ومعروف وإسلامنا حث على النظافة وهكذا لعلهم بذلك يعرفون اخلاق الإسلام وبتكوني ضربتي عصفورين بحجر
هذا والله اعلم

[إسلامنا نور]

الله يعينك أختى الحبيبه وانا مع رأى اختى امة الله وأخى أبو الوليد جزاهم الله خير وياريت بعد ان تنحل هذه المشكله حاولى مثلا فى يوم تعملى أكل وتبعتيلهم وتقوليلهم رسولنا علمنا ووصانا بالجار والله أنتى فى يدك غنيمه لعل الله يكتب لهم الاسلام على يدك

[لمسة ملاك]

الله المستعان رح جرب

[لمسة ملاك]

المشاركة الأصلية كتبت بواسطة بستان العابدين

الله يعينك أختى الحبيبه وانا مع رأى اختى امة الله وأخى أبو الوليد جزاهم الله خير وياريت بعد ان تنحل هذه المشكله حاولى مثلا فى يوم تعملى أكل وتبعتيلهم وتقوليلهم رسولنا علمنا ووصانا بالجار والله أنتى فى يدك غنيمه لعل الله يكتب لهم الاسلام على يدك

والله فكرة رح جرب
ممكن
ولكن اكيد رح الجأ لخبرتكم
لأني انا اصلا عم بتعلم من جديد
كل الامور ملخبطة كتير عندي
لهيك بتابع مع الاخت الفراشة المتألقة
بأمور الدين

[شروق الاجزجي]

الله عز وجل جعل بيننا جميعا لغات كثيرة مشتركة مثل اللغة الكلامية و الانفعالات ولغة الاشارة والاهم " الصورة "
اعملي صورة وعلقيها على المدخل وخليها جزئين
الجزء الاول هو لبيت غير نظيف والاطفال مرضى وفي حقنه وطبيب وجرذان وعليه علامة خطأ
والثاني عليه بيت نظيف جميل وعائلة مبتسمة وعليه علامة صح
ولما يشوفي الصورة شاوري على الحلوة وقولي نعم وعلى السيئة وقولي لاااا
وهكذا تكوني علمتيهم كلمتين نعم - لا
هذه خطوة
الخطوة التانية عن طريق انك تحضري زرعة او اصيص زرع هدية لكل جار يضعه امام البيت ليهتم به وكمان اشيري له على الصورة النظيفة لانك تردي ان يكون بيتكم هكذا
الخطوة الثالثة ممكن تعلميهم لان ممكن ان بثقافة البعض ما عندهم قيمة النظافة الله يعافينا ، فممكن تقولي لهم انه يوم تتجمعوا وتنظفوا البيت وهذا طبعا راح تعمليه بالصورة
وبعدها ممكن تسوي لهم حلويات وترسليها لهم
لكن افترضي فيهم الجهل بالنظافة والجهل باللغة لانك لو افترضتي انهم يعرفون انه لابد ان يكون البيت نظيف وهم لا يريدون ان ينظفوا سيفرغ صبرك سريعا ، لكن اعمليها دعوة ان شاء الله الله يهديهم
ولا تنسي تهادوا تحابوا ..يعني الزرع والحلويات ستكون لها انشاء الله الاثر الطيب على السيدات اللواتي يسكن معك
وعن الجيران الذين لا يتجاوبون فلا تيأسي منهم ابدا حتى ييأسوا هم من الاعراض
وعليك بالصورالمشجعه على النظافة وان كان هناك اطفال فالصورة بالنسبة لهم ستكون امر رائع
ولا تنسي التشجيع لو رأيت موقف طيب منهم
وايضا لابد ان تتعلمي كلمة السلام عليكم- كيف الحال- احسنت لانك ستخدميها كثيرا

بارك الله فيك وهداهم بك

[لمسة ملاك]

بارك الله فيكم
ولكن لو شفتو ايش صار معي
استيقظ للعمل وانا نازلة على الدرج وهاكلة هم
الممر من عندهم وحضرت عبايتي ورفعتها
ونزلت وماوصلت لعندهم فكرت نفسي اخطأت بالطريق
وجدتهم نضفو كلشي الدرج ابيض ومش بس هيك حتى مكملين لتحت
والله انبسطت كتير وبحكي كلامي جاب نتيجة ولغة الاشارة
لهيك قررت كافئهم واعطيهم حلويات

[~ نور الإيمان ~]

احلى خطوة هي المكافأة وهما اكيد فهموا عليكي .

لوكنت قريبة منك كنت جيتك يوم افهم عليهم وافهمهم لأني بفك الخط بالهندي شوي .

لكن انتي اغتنمي الفرصة واعملي شيء حلو وفرقيه عليهم .

راح اعلمك كلمة شيء جميل كثير أوحسن كثير .

bohot achi

بهوت أتشي .

يعني شيء حسن او حلو very good

اتشي يعني حلو اوحسن

بهوت يعني كثير .

وممكن لما تودعيهم تقولي

khoda hafiz

خودا حافز

يعني بحفظ الله .

وفيه كثير جمل حلوة لو بدك ابعثهملك على رسالة .

[لمسة ملاك]

ياريت يانور بارك الله فيك
لاحظت في هندوسية سكنت جديد
وبنتنضف بيتها وبتطلع كل الاوساخ برا
ياريت تكتبيلي عبارة انو تنبهها على المحافظة على النظافة
وماترمي بأوساخها خارجا
بتضيع تعب الباقي اللي بنضفو
انا طرقت عليها الباب لفهمها لو بإشارة مافتحت
فاكتبيلي نص اطبعه