الدرس الحادي عشر من دروس فقه العبادات

[الفراشة المتألقة]

الوضوء وسننه و واجباته

تعريف الوضوء: إستعمال ماء طهور في الأعضاء الأربعة على صفة مخصوصة .

سمي غسل الأعضاء على الوجه المخصوص وضوءا لتنظيفه المتوضئ وتحسينه.

سنن الوضوء:
سُنَن جمع سُنة و تعريفها لغة: الطريقة .
إصطلاحا: ما يثاب الإنسان على عمله ، ولا يعاقب على تركه.

والسنن هي:
1- السواك عند المضمضة .

2- غسل الكفين ثلاث مرات في أول الوضوء.

3- البدء بالمضمضة ثلاثا ثم الإستنشاق ثلاثا قبل غسل الوجه (عند الحنابلة واجبة ، وبقية المذاهب سنة ) .

4- المبالغة في المضمضة والإستنشاق لغير الصائم ( فهي للصائم مكروهة حتى لا يدخل الماء إلى جوفه فلو دخل عند الحنابلة لا يفطر / وعند الشافعية يفطر ).

معنى المبالغة في المضمضة: إدارة الماء في جميع فمه.

معنى المبالغة في الإستنشاق: جذبه بنفسه إلى داخل أنفه.

5- تخليل اللحية والأصابع.

معنى تخليل اللحية: يأخذ بيده كف من ماء يضعه من تحتها بأصابعه مشبكة ثم يعركها.

معنى تخليل الأصابع: أن يدخل الماء إلى ما بين أصابع يديه ورجليه.

6- التيامن ( يعني البدء بالجزء الأيمن ) .

7- أخذ ماء جديد للأذنين بعد مسح رأسه .

8- الغسلة الثانية والثالثة إذا كانت الأولى تعم المفروض.

يجوز الإقتصار على واحدة ، والثنتان أفضل ، والثلاثة أفضل منهما ، ولو غسل بعض أعضاء الوضوء أكثر من بعض فلا يكره .

وليس من السنة مسح العنق ، ولا التحدث أثناء الوضوء.

واجبات أو فروض الوضوء:
الفرض في اللغة: يقال لمعان.
في الإصطلاح: ما يثاب فاعله ويعاقب تاركه.

يجب التسمية في الوضوء للصلاة ، أو وضوء الغسل ، وكذلك التيمم مع الذكر.

أي أن يقول: بسم الله ، لا يقوم غيرها مقامها لحديث : ( لا صلاة لمن لا وضوء له ، ولا وضوء لمن لم يذكر اسم الله عليه ).
تسقط مع السهو والنسيان ، فمن نسيها فلا حرج عليه .

واجبات الوضوء 6 وهي:
1- غسل الوجه ، و الفم ، والأنف من الوجه .
فلا تسقط ، لا في الوضوء ، ولا في الغسل .
لا عمدا ، ولا سهوا.

2- غسل اليدين مع المرفقين.

3- مسح الرأس كله ومعه الأذن مرة واحدة.

4- غسل الرجلين مع الكعبين

5- الترتيب سنة ، لحديث: (هذا وضوء لا يقبل الله الصلاة إلا به ) .

6- الموالاة ( أن لا يؤخر غسل عضو إلى أن يجف الذي قبله)

ليس للوضوء أي أذكار
إلا
التسمية في أوله .
وفي النهاية يرفع السبابة وينظر للسماء - إن أمكن- ويقول: أشهد أن لا إله إلا الله وحده لا شريك له ، له الملك وله الحمد، يحيي ويميت ، وهو على كل شيء قدير ، اللهم إجعلني من التوابين وإجعلني من المتطهرين .

بهذا نكون قد إنتهينا من الدرس الحادي عشر .

لأي سؤال أنا جاهزة
حياكم الله .

[بنوتة سوريا * نورة]

السلام عليكم غاليتي ..
يا الله كتيررر راح علي دروس ..
بس ان شاء الله لي عودة عليهن ..

*****************

6- التيامن ( يعني البدء بالجزء الأيمن ) .

معقول سنة ؟؟ بعرف انو فرض ...

جزاكِ الله خيراااااااااااااا

الدرس كتير حلووو ..

[الفراشة المتألقة]

المشاركة الأصلية كتبت بواسطة بنوتة سوريا * نورة

بنوتة سوريا*نورة

السلام عليكم غاليتي ..
وعليكم السلام ورحمة الله وبركاته
مية أهلا وسهلا ، منورة يا سكرة

يا الله كتيررر راح علي دروس ..
بس ان شاء الله لي عودة عليهن ..
إي بسيطة ولا يهمك ، ليكي رابط الفهرس للدروس هاد هو

فهرس دروس في فقه العبادات ( بقلمي )

منشان ما تتغلبي بالبحث عن الدروس بين الموضوعات ، إفتحي ع الدرس دغري من الفهرس بتوصلي بسهولة إن شاء الله

يسعدك الله.

*****************

6- التيامن ( يعني البدء بالجزء الأيمن ) .
معقول سنة ؟؟ بعرف انو فرض ...
يلا هاي فرصة منشان نغير الأشياء الغلط يلي نعرفها

هي سنة لأنه الحبيب عليه الصلاة والسلام كان بيحب كل إشي خير يصير باليمين ، وأي إشي شر يصير بالشمال.

الأكل ، لبس الثوب ، لبس الحذاء ، السواك ، السلام وكل إشي خير غيرهن بيصير باليمين لأنه بهيك عم نقتدي بسنة حبيبنا عليه الصلاة والسلام مو منشان هالشي عليه ذنب لو ما عملناه .

التنظيف للخارج من السبيل أو تنظيف الأنف أو تنظيف الأرض ورفع القاذورات منها ، والخروج من الخلاء ، والخروج من المسجد ، وشو كمان ما عم بفتكر ، بس يعني أي شي من هالقبيل كلو بالشمال ، طب ليه؟ منشان إنه حبيبنا عليه الصلاة والسلام هيك عمل ، وهو هيك بيحب ، مو لأنه الله أوجبها علينا متل الصلاة.

يعني إنتِ لو ما صليتِ بتاخدي ذنب لأنه فرض ، لكن لو خرجتِ من الخلاء باليمين مارح تاخدي ذنب ، بس إنك ضيعتي ع حالك أجر السنة والإقتداء بالرسول عليه الصلاة والسلام.

وضح الفرق بين الفرض والسنة عيني ؟

جزاكِ الله خيراااااااااااااا
وإياااااااااااااااااااك ولووو هاد واجبي يا عيني.

الدرس كتير حلووو ..
مبسوطة أنا لأنه عجبك يسعدك الله دائما وأبدا يارب.
شرفتي و نورتي
يحميكِ الله.

[لمسة ملاك]

بارك الله فيك هون رح تكتر اسئلتي أختي معلش استحمليني
لأنو حكتلك لازم احذف الخطأ اللي تعلمته وعزز الصح
ولكن بالنسبة للموالاة مالمقصود بها ممكن التوضيح أكتر؟
وبالنسبة للوضوء في رمضان أنا كنت من أنا صغيرة لحد رمضان العام الماضي كنت لما اعطش اتوضأ ومش بس أنا اغلب افراد العائلة عنا بيعملو هيك
ومرات كنت ارتوي من المضمضة وعن طريق الصدفة اكتشفت انو غلط
ونبهني لذلك الشيخ بتار الله يبارك فيه وحكالي لازم اسأل مفتي عما سبق وحتى الآن لم يصلني خبر عليها
وبالنسبة لمسح الرقبة انا بمسحها فهل استمر عادي ولا خلص
وكمان شي لما الواحد يستحم بيسير ينوي الوضوء قبل الاستحمام وهل يجب ان يكتفي بالاستحمام الكامل أم يجب فعل خطوات الوضوء خلال الاستحمام؟

[الفراشة المتألقة]

المشاركة الأصلية كتبت بواسطة لمسة ملاك

لمسة ملاك

بارك الله فيك هون رح تكتر اسئلتي أختي معلش استحمليني لأنو حكتلك لازم احذف الخطأ اللي تعلمته وعزز الصح
وفيكِ بارك الله حبيبة قلبي ، إي ولا يهمك خدي راحتك ع الآخر ، وأي سؤال يخطر في بالك وتخبيه بتعرفي دغري إني زعلانة . إتفقنا
أبدا أبدا ما تخبي ولا سؤال ، وخدي راحتك ، وكل راحتك كمان
ولكن بالنسبة للموالاة مالمقصود بها ممكن التوضيح أكتر؟
بدك تعرفي عيني إنه الترتيب والموالاة هن أخوات توأم . طيب؟
الترتيب: يعني تغسلي كل عضو ورى أخوه ، بدون تأخير أو تقديم من الراس ، متل ما يعمل الأطفال لما نكون ندربهن ع الوضوء يا سـلاااااااام تعي واتفرجي بس :d
الموالاة : إنه يكونوا ورى بعض دغري ، بدون تأخير لحد ما يجف أخوه وتبلشي بالتاني ، متل ناس بتكون تتوضأ ، ويرن الجوال تروح تحكي وترجع تكمل ، بتكون الأعضاء يلي غسلتها جفت من فترة وهي جاية لتكمل ، هاد غلط ، لأنه أخلت بشرط وهو الموالاة .

لازم لما نتوضأ نحقق التوأمين ( الترتيب و الموالاة )
الترتيب إنه أو اليد ثم المضمضة ثم الإستنشاق ثم غسل الوجه وهكذا ، لما الواحد يغسل يده بعدها يغسل رجله بعدها يرجع لمسح الرأس ، هيك غلط الوضوء ،،، ليش؟ لأنه أخل بشرط وهو الترتيب.
الموالاة إنه الواحد لما يتوضأ ما يقطع وضوءه لأجل شيء غير مهم ، ولو كان مضطر إنه يقطع متل حدا عند الباب بيسأل سؤال وإنت قطعتِ لتجاوبي ورجعتِ تكملي وضوءك ، لو إنه الأعضاء لسا ما جفت بيصير تكملي ، ولو جف المي بتعدي الوضوء من الأول .

وضحت يا عيني ؟

وبالنسبة للوضوء في رمضان أنا كنت من أنا صغيرة لحد رمضان العام الماضي كنت لما اعطش اتوضأ ومش بس أنا اغلب افراد العائلة عنا بيعملو هيك
ومرات كنت ارتوي من المضمضة وعن طريق الصدفة اكتشفت انو غلط
ونبهني لذلك الشيخ بتار الله يبارك فيه وحكالي لازم اسأل مفتي عما سبق وحتى الآن لم يصلني خبر عليها
طيب ، أول شيء مهم تعرفي شو يعني المبالغة بالمضمضة؟ يعني تدوير المي بالتم .
لأنه ناس كتير بتدخل المي لتمها ودغري تخرجه ، ما بتلف المي بكل تمها ( هاد العمل صحيح لكنه لو بالغ يعني لف المي بتمه لكان أخد أجرين: أجر إتباع السنة ، وأجر وضوءه).

طيب ، هـلأ حكم المبالغة بالمضمضة مكروه للصائم ، ونحن إتفقنا من البداية شو يعني مكروه؟
يعني الأفضل تركه ، لكن لو عمله لا مشكلة .

صار الحكم الفقهي كالتالي:
عندنا كحنابلة : حكم المبالغة في الوضوء للصائم مكروهة ، ولو بالغ لا يفطر ، لأنه لو بالغ في المضمضة بالطريقة الصحيحة التي ذكرناها هو فقط يخفف عن نفسه جفاف لسانه وغالبا من يحتاج لمثل ذلك المرضى الذين يتناولون أدوية تعمل على جفاف الريق ، لكن من الناس من يفهم بأن المبالغة في المضمضة يعني توصيل الماء إلى الحلق ، هذا الشيء خطأ وليس من المبالغة التي فعلها الرسول عليه الصلاة والسلام .
عند الشافعية : الصائم الذي يبالغ في المضمضة يفطر .

وضحت يا قمرة؟

وبالنسبة لمسح الرقبة انا بمسحها فهل استمر عادي ولا خلص
إتركيها لأنها لا من الواجبات ، ولا من سنن الحبيب عليه الصلاة والسلام ، فليش تعمليها ؟

هـلأ لما بنسمع قصص مغلسين الأموات ، بيحكوا :
نحن نعرف الشخص المحافظ ع الوضوء ويلي ما بيحافظ لما بنغسّلهن ، بيكون الجسم طري ، والأعضاء كإنه الإنسان حي مش ميت ، بتضلها طرية وتتحرك معهن بسهولة ، في ناس لما يجوا يغسلوهن بتكون الأعضاء متخشبة نسأل الله السلامة وحسن الخاتمة فبيعرفوا إنه هالشخص بحياته ما كان عم بيحافظ ع الوضوء ، فيا لطيف بتصير فضيحة لهالمخلوق الله يجيرنا .

لأجل هيك ، كتير مفيد إنه الإنسان يحافظ ع الوضوء ، لكن كمان لا يكون موسوس ، ولا يكون مفرط ، ولا يكون من كتر محافظته يدخل أشياء ما إلها فايدة ، ولا هي من الوضوء ، لهيك عيني أنا حبيت هالدرس حطوا لأجل كلنا نتعلم شو هو الفرض يلي لازم نعمله وشو هو السنة يلي لو عملناه بناخد عليه أجر إقتداءنا بحبيبنا عليه الصلاة والسلام ، ومن خلالها بنعرف لو إننا بعمل أشياء ما إلها فايدة خلص نبطل منها .

وصلت الفكرة يا أحلى الحلوات؟

وكمان شي لما الواحد يستحم بيسير ينوي الوضوء قبل الاستحمام وهل يجب ان يكتفي بالاستحمام الكامل أم يجب فعل خطوات الوضوء خلال الاستحمام؟
لما الواحد يدخل للإستحمام ويطلع دغري وبدو يصلي وهو ما نوى الوضوء ، ما بيصح عمله ، لازم يتوضأ .

لأنه الإستحمام من أجل النظافة بدون نية الوضوء ما يعتبر وضوء ، لكن لو هو دخل للإستحمام ونوى الوضوء مع الإستحمام صحيح عمله بإذن الله.

التفصيل لهاي النقطة جاي معنا في درس الإغتسال بإذن الله ، حتى ما تتخربطي عيني ، يكفيني هـلأ إنك تعرفي لازم من النية .

الله يفتح عليكِ ويثبتك .

[لمسة ملاك]

المشاركة الأصلية كتبت بواسطة الفراشة المتألقة

بارك الله فيك هون رح تكتر اسئلتي أختي معلش استحمليني لأنو حكتلك لازم احذف الخطأ اللي تعلمته وعزز الصح

وفيكِ بارك الله حبيبة قلبي ، إي ولا يهمك خدي راحتك ع الآخر ، وأي سؤال يخطر في بالك وتخبيه بتعرفي دغري إني زعلانة . إتفقنا
أبدا أبدا ما تخبي ولا سؤال ، وخدي راحتك ، وكل راحتك كمان
ولكن بالنسبة للموالاة مالمقصود بها ممكن التوضيح أكتر؟
بدك تعرفي عيني إنه الترتيب والموالاة هن أخوات توأم . طيب؟
الترتيب: يعني تغسلي كل عضو ورى أخوه ، بدون تأخير أو تقديم من الراس ، متل ما يعمل الأطفال لما نكون ندربهن ع الوضوء يا سـلاااااااام تعي واتفرجي بس :d
الموالاة : إنه يكونوا ورى بعض دغري ، بدون تأخير لحد ما يجف أخوه وتبلشي بالتاني ، متل ناس بتكون تتوضأ ، ويرن الجوال تروح تحكي وترجع تكمل ، بتكون الأعضاء يلي غسلتها جفت من فترة وهي جاية لتكمل ، هاد غلط ، لأنه أخلت بشرط وهو الموالاة .

لازم لما نتوضأ نحقق التوأمين ( الترتيب و الموالاة )
الترتيب إنه أو اليد ثم المضمضة ثم الإستنشاق ثم غسل الوجه وهكذا ، لما الواحد يغسل يده بعدها يغسل رجله بعدها يرجع لمسح الرأس ، هيك غلط الوضوء ،،، ليش؟ لأنه أخل بشرط وهو الترتيب.
الموالاة إنه الواحد لما يتوضأ ما يقطع وضوءه لأجل شيء غير مهم ، ولو كان مضطر إنه يقطع متل حدا عند الباب بيسأل سؤال وإنت قطعتِ لتجاوبي ورجعتِ تكملي وضوءك ، لو إنه الأعضاء لسا ما جفت بيصير تكملي ، ولو جف المي بتعدي الوضوء من الأول .

وضحت يا عيني ؟

وبالنسبة للوضوء في رمضان أنا كنت من أنا صغيرة لحد رمضان العام الماضي كنت لما اعطش اتوضأ ومش بس أنا اغلب افراد العائلة عنا بيعملو هيك
ومرات كنت ارتوي من المضمضة وعن طريق الصدفة اكتشفت انو غلط
ونبهني لذلك الشيخ بتار الله يبارك فيه وحكالي لازم اسأل مفتي عما سبق وحتى الآن لم يصلني خبر عليها
طيب ، أول شيء مهم تعرفي شو يعني المبالغة بالمضمضة؟ يعني تدوير المي بالتم .
لأنه ناس كتير بتدخل المي لتمها ودغري تخرجه ، ما بتلف المي بكل تمها ( هاد العمل صحيح لكنه لو بالغ يعني لف المي بتمه لكان أخد أجرين: أجر إتباع السنة ، وأجر وضوءه).

طيب ، هـلأ حكم المبالغة بالمضمضة مكروه للصائم ، ونحن إتفقنا من البداية شو يعني مكروه؟
يعني الأفضل تركه ، لكن لو عمله لا مشكلة .

صار الحكم الفقهي كالتالي:
عندنا كحنابلة : حكم المبالغة في الوضوء للصائم مكروهة ، ولو بالغ لا يفطر ، لأنه لو بالغ في المضمضة بالطريقة الصحيحة التي ذكرناها هو فقط يخفف عن نفسه جفاف لسانه وغالبا من يحتاج لمثل ذلك المرضى الذين يتناولون أدوية تعمل على جفاف الريق ، لكن من الناس من يفهم بأن المبالغة في المضمضة يعني توصيل الماء إلى الحلق ، هذا الشيء خطأ وليس من المبالغة التي فعلها الرسول عليه الصلاة والسلام .
عند الشافعية : الصائم الذي يبالغ في المضمضة يفطر .

وضحت يا قمرة؟

وبالنسبة لمسح الرقبة انا بمسحها فهل استمر عادي ولا خلص
إتركيها لأنها لا من الواجبات ، ولا من سنن الحبيب عليه الصلاة والسلام ، فليش تعمليها ؟

هـلأ لما بنسمع قصص مغلسين الأموات ، بيحكوا :
نحن نعرف الشخص المحافظ ع الوضوء ويلي ما بيحافظ لما بنغسّلهن ، بيكون الجسم طري ، والأعضاء كإنه الإنسان حي مش ميت ، بتضلها طرية وتتحرك معهن بسهولة ، في ناس لما يجوا يغسلوهن بتكون الأعضاء متخشبة نسأل الله السلامة وحسن الخاتمة فبيعرفوا إنه هالشخص بحياته ما كان عم بيحافظ ع الوضوء ، فيا لطيف بتصير فضيحة لهالمخلوق الله يجيرنا .

لأجل هيك ، كتير مفيد إنه الإنسان يحافظ ع الوضوء ، لكن كمان لا يكون موسوس ، ولا يكون مفرط ، ولا يكون من كتر محافظته يدخل أشياء ما إلها فايدة ، ولا هي من الوضوء ، لهيك عيني أنا حبيت هالدرس حطوا لأجل كلنا نتعلم شو هو الفرض يلي لازم نعمله وشو هو السنة يلي لو عملناه بناخد عليه أجر إقتداءنا بحبيبنا عليه الصلاة والسلام ، ومن خلالها بنعرف لو إننا بعمل أشياء ما إلها فايدة خلص نبطل منها .

وصلت الفكرة يا أحلى الحلوات؟

وكمان شي لما الواحد يستحم بيسير ينوي الوضوء قبل الاستحمام وهل يجب ان يكتفي بالاستحمام الكامل أم يجب فعل خطوات الوضوء خلال الاستحمام؟
لما الواحد يدخل للإستحمام ويطلع دغري وبدو يصلي وهو ما نوى الوضوء ، ما بيصح عمله ، لازم يتوضأ .

لأنه الإستحمام من أجل النظافة بدون نية الوضوء ما يعتبر وضوء ، لكن لو هو دخل للإستحمام ونوى الوضوء مع الإستحمام صحيح عمله بإذن الله.

التفصيل لهاي النقطة جاي معنا في درس الإغتسال بإذن الله ، حتى ما تتخربطي عيني ، يكفيني هـلأ إنك تعرفي لازم من النية .

الله يفتح عليكِ ويثبتك .

أول مرة بعرف هاد المصطلح الموالاة وتوضيحك رائع اختي بارك الله فيك
في استفسار بسيط بخصوص انو مانترك العضو يجف
شوفي أنا مرات بتطر لما اتوضأ بالعمل وكون لا بسة حذاء رياضي بعمل هيك
انو بخلع الحذاء والجراب ووببقي جنبي منشفه لماببدأ بالوضوء ولما اوصل للقدم اليمنى بغسلها للكعب ثلاث وبنشفها بسرعة وبلبس الجراب وبعدها بنتقل للقدم الأخرى وبكرر نفس الشي ولكن مابكون فرق بينهم اقل من دقيقة وانا اللي بنشفها مو هي بتنشف
وأول مرة بعرف لازم نتمضمض ونحرك المي بكل تمنا انا بدخلها وبتطلعها ومرات بفشي اسناني وبغسل فمي ثلاث فهل غسل الاسنان يعني عن التحريك الماء بالفهم
وهل ايضا ينطبق للاستنشاق
انا كنت اسحب الماء لأنفي استنشقه ويسير يحرقني فسرت على الخفيف دخلها وما اسحبها للداخل

[الفراشة المتألقة]

المشاركة الأصلية كتبت بواسطة لمسة ملاك

لمسة ملاك

أول مرة بعرف هاد المصطلح الموالاة وتوضيحك رائع اختي بارك الله فيك
الحمدلله إنه صار واضح إلك هـلأ يا قمرة ، الله يسعدك.
في استفسار بسيط بخصوص انو مانترك العضو يجف
إي إتفضلي
شوفي أنا مرات بتطر لما اتوضأ بالعمل وكون لا بسة حذاء رياضي بعمل هيك
انو بخلع الحذاء والجراب ووببقي جنبي منشفه لماببدأ بالوضوء ولما اوصل للقدم اليمنى بغسلها للكعب ثلاث وبنشفها بسرعة وبلبس الجراب وبعدها بنتقل للقدم الأخرى وبكرر نفس الشي ولكن مابكون فرق بينهم اقل من دقيقة وانا اللي بنشفها مو هي بتنشف
طيب شو رايك بلا هالغلبة كلها ، تمسحي :d هاد هو درسنا لليوم ، المسح ع الخفين.
بتعرفي إنه أنا بالجامعة لما بتوضا بمسح وريح حالي بلا هالغلبة كلها .
دين الإسلام سهل يا روحي بس بدنا نتعلموا لحتى نخلص حالنا من غلبات بنوقع فيها حالنا بحالنا رغم إنه الإسلام سهلها علينا .
يلا تعي معي ع الدرس الثالث عشر وبتعرفي الجواب لهالسؤال بالتفصيل
وأول مرة بعرف لازم نتمضمض ونحرك المي بكل تمنا انا بدخلها وبتطلعها
إي عملك هاد صحيح مو غلط ، بس إنتِ ممكن تاخدي أجر أكتر بعمل بسيط وهو المبالغة في المضمضة بإنك تدوري المي بتمك ، هو مو لازم لأنك لو ما عملتِ ما رح تاخدي ذنب ، بس رح تخسري أجر كان ممكن إنك تجنيه بهيك عمل بسيط.
فهمتي علي عيني؟

المضمضة يلي هي لازمة بالوضوء إنك تدخلي المي بتمك وتطلعي (هاي لو ما صارت عند الحنابلة الوضوء ناقص ، وعند البقية مافي مشكلة ) لكن المبالغة في المضمضة وهي بإنك تدوري المي بتمك هاي سنة كان الرسول حبيبنا عليه الصلاة والسلام بيعملها ، والمسلم يلي بيعملها الله بيعطيه أجر أكبر من مسلم تاني إتمضمض فقط .

وصلت عيني؟ عرفتِ الفرق بين المضمضة والمبالغة في المضمضة؟

ومرات بفشي اسناني وبغسل فمي ثلاث فهل غسل الاسنان يعني عن التحريك الماء بالفهم
تفريش الأسنان هاد مولازم وقت الوضوء ، هاي إضافة والأفضل نتركها ، لأنك لو إتوضيتِ وشافك عم تعملي هيك مسلم ضعيف العلم رح يفكرك أعلم منه ورح يقلدك ، وبيهك رح نخرب الإسلام ع الناس .

إنت لو فرشتي قبل الوضوء أو بعده مافي مشكلة ، بس أثناء الوضوء هاي تعتبر إضافة لا رب العزة أمرنا فيها ، ولا الرسول عليه الصلاة والسلام أمرنا فيها ، فالأفضل نتركها .

هو المطلوب المضمضمة أو لزيادة الأجر المبالغة في المضمضة ، غير هيك لا .

لو راجعتِ الدرس الثامن ( درس السواك ) بتشوفي إنه من السنة تفريش الأسنان قبل الوضوء ، وقبل الصلاة يعني بعد الوضوء ، فإنت لما تفرشي أسنانك قبل و بعد ، خلي نيتك إنها إتباع السنة مو تنظيف فقط ، بتاخدي أجر ع إتباع السنة .
وهل ايضا ينطبق للاستنشاق
انا كنت اسحب الماء لأنفي استنشقه ويسير يحرقني فسرت على الخفيف دخلها وما اسحبها للداخل
هو في الأول فعلا بيحرق بس بعدها خلص بتحسي إنك ما بترتاحي إلا لما تعملي هيك ، الطب الحديث أثبت إنه عملية الإستنشاق يلي بيعملها المسلم في وضوءه بتقوي شعيرات الأنف ، وتزيد من قوة حاسة الشم عند الإنسان ، وتزيد من كمية الأكسوجين الداخل للدماغ لأنه عملية الشم سليمة وقوية فغالبا ما يكونوا أذكياء لأنه الدماغ بيتغذى بالأكسوجين منيح.
والناس يلي عندها إلتهابات في الجيوب الأنفية أو حساسية في الجيوب الأنفية ، كتير مفيدة إلهن عملية الإستنشاق وبتكون فيها العلاج والشفاء سبحان الله .
إنتِ ممكن تعمليها ع الخفيف ، وممكن تعودي حالك ع إنه تدخليها ، لأنه الله ما بؤمرنا إشي وهو ضار إلنا أبدا أبدا ، وبنفس الوقت ( لا يُكَلِّفُ اللهُ نَفْسًا إِلَّا وُسْعَهَا ) يعني في ناس ما تئدر تتحمل الألم غلط إنه نحكيلها إلا لازم تعملي ، كل واحد متل ما يئدر يعمل ، يلي بئدر يدخلها ع الخفيف يعمل ويلي يئدر يدخلها للداخل يعمل ، وبكرة رب العالمين بيحاسب الكل ع كل شيء.
يسعدك الله

[لمسة ملاك]

وبالنسبة للذكر الخاص بالوضوء
انا تعلمته من جدي الله يرحمه وهو بعد غسل الارجل قول الشهادة وقول اللهم ثبت اقدامي على السراط المستقيم

[الفراشة المتألقة]

المشاركة الأصلية كتبت بواسطة لمسة ملاك

وبالنسبة للذكر الخاص بالوضوء
انا تعلمته من جدي الله يرحمه وهو بعد غسل الارجل قول الشهادة وقول اللهم ثبت اقدامي على السراط المستقيم

هو مهم إننا نعرف إنه الوضوء ما إله أي أذكار .

لأنه في ناس لما بتتمضمض تقول : اللهم طهر لساني من كل ذنب ، ولما تغسل يدها اليمين تقول: اللهم يمن كتابي يوم تنشر الكتب ، ولما تغسل الشمال تقول: اللهم لا تجعلني مما يأخذ كتابه بشماله .... إلخ ، هذا كله غير صحيح وهو مخالف للسنة ويعتبر بدعة وزيادة في أمور الدين .

الوضوء ما إله إلا ذكر البسملة في الأول وفي النهاية الدعاء يلي ذكرناه بالدرس.

بالنسبة للدعاء يلي حكيتيه ( اللهم ثبت قدمي ع الصراط المستقيم ) هذا ما ثبت عن الرسول عليه الصلاة والسلام ، والأفضل تركه ، والعمل بما ثبت عن الرسول عليه الصلاة والسلام .

فقط ورد حديث عظيم ، فيه أجر جدا كبير ، كلنا نتمناه هالأجر وهو بشغلة بسيطة كتير ، وكلنا نئدر نعملها .

إسمعي شو قال الحبيب عليه الصلاة والسلام.

عنْ عُمَر بْنِ الخَطَّابِ رضي اللَّه عَنْهُ عنِ النَّبِيِّ صَلّى اللهُ عَلَيْهِ وسَلَّم قَالَ : « ما مِنْكُمْ مِنْ أَحدٍ يتوضَّأُ فَيُبْلِغُ أَو فَيُسْبِغُ الوُضُوءَ ثُمَّ قَالَ : أَشْهدُ أَنْ لا إِله إِلاَّ اللَّه وحْدَه لا شَريكَ لهُ، وأَشْهدُ أَنَّ مُحمَّدًا عبْدُهُ وَرسُولُه ، إِلاَّ فُتِحَت لَهُ أَبْوابُ الجنَّةِ الثَّمَانِيَةُ يَدْخُلُ مِنْ أَيِّها شاءَ » رواه مسلم .
وزاد الترمذي : « اللَّهُمَّ اجْعلْني من التَّوَّابِينَ واجْعلْني مِنَ المُتَطَهِّرِينَ » .

[سامية الحرف]

وفقكِ الله ورزقكِ التقى والعفاف والغنى