حوار لطيف بين زوج وزوجته

[أبو حمزة 90]

حوار لطيف بين زوج وزوجته


هو:

حبيبتي أنا هأطلب بيتزا, عايزة حاجة؟!

هي:

لا يا حبيبي

هو:
أوك
هي:
ولا أقولك..؟
هو:
ها, أطلب لك كمان؟!
هي:
مش عارفة
هو:
مش عارفة إذا كنتي عايزة؟
هي:
لا
هو:
انتي جعانة؟
هي:
يعني.
هو:
يعني إيه يعني ..؟
هي:
يعني مش متأكدة إذا كنت جعانة ولا لا
هو:
الواحد لما يكون جعان بيعرف
هي:
لأ, بس يمكن أجوع بعدين
هو:
يعني أطلب لك بيتزا؟
هي:
طيب وإذا ما كنتش جعانة وقتها..؟
هو:
ما تاكليش
هي:
بس كدة يبقى تبذير
هو:
خلاص, تبقي تاكليها بكرة
هي:
وإذا ما كانش لي نفس آكل بيتزا.؟
هو:
مش محتاجة نفس, الواحد عادي ممكن ياكل بيتزا بأي يوم
هي:
أنا لا .. أنا مش باكل بيتزا إلا لما يكون عندي نفس للبيتزا
هو:
طيب بلاش, أطلب حاجة تانية.؟
هي:
بس أنا مش عايزة حاجة تانية
هو:
يعني عايزة بيتزا؟!
هي:

لا
هو:
يعني مش عايزة حاجة؟
هي:
لأ برده
هو:
جننتيني, طيب أعمل إيه؟
هي:
اطلب انت لنفسك
هو:
الحمد لله .. أخيراً .! ماشي ..
هي:
بس اطلب بيتزا بالتونة
هو:
نعم؟ أنا مش بحب البيتزا بالتونة
هي:
بس أنا بحبها
هو:
وانتي مالك؟ هو أنا هأطلب ليا ولا ليكي؟
هي:
ليك طبعاً
هو:
طيب أطلبها ليه بقى بالتونة؟
هي:
يمكن أجوع لما يوصل الأكل .
هو:
وبعدين؟
هي:
يا سلام ! يعني تفتكر آكل حاجة مش عاجباني؟
هو:
ليه هو انتي - أصلا - عايزة تاكلي؟
هي:
ليه لأ؟
هو:

يا مثبت العقل.. هو أنا حأطلب بيتزا لي, عشان احتمال انتي تاكليها إذا كنتي جعانة؟

هي:
بالضبط
هو:
وأنا بلاش آكل؟
هي:

يمكن وقتها أكون مش جعانة فتاكلها انت


ملاحظة:
محكمة الجنايات قررت تبرئة الزوج من تهمة:
" قتل الزوجة مع يبق الإصرار والترصد "

وتحويل التهمة إلى:

" قتل الزوجة دفاعاً عن النفس "

[زهـرة المحبة]

ههههههه
كتر خير زوجها منها

[أتعبها الزمن الغدار]

ههههههه
لازم يقتلها اليوم