حوار بين الأب والأم مع إبنهما

[أم عبد الله]

ما أحلى أن يجتمع افراد الأسرة الواحدة ويتبادلون أطراف الحديث الذى يقرب بينهم ويزيد من ارتباطهم معا ويوطد أواصر الصداقة بين الأهل والأبناء
هذا نموذج للحديث الدافئ الذى قد يدور فى أى بيت عربى, وسنرى من خلاله مدى التفاهم والإتفاق بين الوالدين على اسلوب تربية ابنهما وتوعيته بالأخلاق السليمة فى إطار من الوعى المثقف والحب والتفانى فى اخراج ولد صالح للمجتمع
هيا بنا نقرأ الحوار الرائع علنا نستفيد منه ونتخذه قدوة فى حياتنا وتعاملاتنا مع أبنائنا



الأب مخاطب الابن : تعال وَلَه

الابن و بكل براءة : نعم

الأب :نعامة ترفصك ... تعال وله

الابن : ليش شو سويت؟

الأب : سواك ضريب يخلع رقبتك

الابن : شو فيه؟

الام : شاوي يشوي عضمك ....رد على ابوك بأدب وله

الابن : هوه انا حكيت شي؟

الأب:حكحكوا جنابك بالعصايه اوقف عدل يا حيوان

الابن : حاضر

الأم :يحضروا على قبرك انشالله .... لما ابوك يحكي انت بتخرس

الابن :أخرس؟

الأب : ايوه ان شالله خرْسِه

الابن: ماشي

الأم: أجاك مشش بركبك ما تقوم منه انشالله

الابن :مشش ؟؟؟ شو ها المشش؟؟

الأب: اما إنك قليل حيا ...وبترد على امك كمان ؟ هات العصاي وتعال وله

الابن: انا رديت على امي؟ يمّـه احكي كلمه

الأم: مَوَا يمزع نيـعـك وله ....حكيتلك اخرس

الابن الان اصبح مغلوب على امره ومش فاهم الموضوع وسكت

الأب: أما جيل قليل حيا...احكي وله ... مالك انخرست

الابن : شو احكي؟ اذا حكيت بتقولوا عني قليل حيا وبتشوفوني غلط

الام :حيه الي تقرصك انشالله ... قلتلك تأدب وانت بتحكي مع ابوك

الأب : ايش "بتشوفوني غلط" هاي .... شايفنا عميان ولا حول ؟

الابن : لا اله الا الله

الأم : الله يوخذك انشالله .... يا ريتني خلفت ابن الجيران ولا انت

الأب: انا مش عارف هاذا الولد متى بده يصير زلمه....دايما فاظحني بين الرجال

الابن: طيب شو اعمل عشان تشوفني زلمه ؟

الأب: قلتلك اخرس وله

الابن: يا الله ..... يا الله ... يا جماعه شو مالكوا ... شو فيه ؟

الأم: آه صحيح انت ليش ناديت عالولد يا زلمه ؟

الأب :بتصدقي يا حرمة اني نسيت.... نسّاني شو كنت بدي منه هالكلب, خلص روح ارجع على غرفتك يا حيوان.