رجااااءا شيخ واصف عميره

[~ شذى الروح ~]

السلام عليكم ورحمة الله وبركاته
انا كنت فتاة غير مبالية في ديني الا بالفرائض ومن شيء شهر صرت محافظة والحمد لله لكن صارت معي اشياء غريبة
انا صرت بصلي الفروض في وقتها واصلي صلاة الضحى
واقرا بعد كل صلاة صفحتين من القرآن واستغفر في اليوم اكثر من 1000 مرة واقرأ اية الكرسي والمعوذات بعد كل صلاة
لكن المشكلة صرت لما اقوم اصلي الفجر بعد الصلاة اجلس لقراءة القرآن وانا عم بقرأ القرآن بسمع اشياء غريبة بالمطبخ مثل في حدا عم يفتح الحنفية مع علما لايوجد احدا وفي اصوات بالمطبخ غريبة وامبارح كان في حدا عم يفتحادراج المطبخ وفي اصوات وحسيت في شي عم يلحقني
المشكلة انو يصير هذا بس في وقت الفجر ولما اكون عم اقرأ القرآن وبس بصراحة انا عزيمتي كانت اقوي لانني ما براعي لاي شيء حتى اخلص قراءتي لصفحتين من القرآن ممكن احد المشايخ يفهمني ليش هذا الشيء يصير معي ا

[واصف عميره]

أختي الكريمة إما أنك مُصابة روحيا (سحر، حسد، عين ، مس) وما تسمعين بسبب العارض ليشغلك عن ذكر الله، وأما أن الأسرة مسحورة وهذا من خدام السحر الموجودون في المنزل، وإما أن عمار منزلكم كفرة قد تأذوا من القراءة.\

سؤال : من من أهل بيتك يسمع هذه الأصوات أم أنك الوحيدة التي تسمعينها

[~ شذى الروح ~]

يا شيخ انا مصابة بحسد يتبعه مس وانا عم بتعالج منو
انا وحدي التي اسمع الاصوات

[~ شذى الروح ~]

وانا بس يلي اقرا القرآن في صلاة الفجر

[مسك يافا]

شفاكي الله وعافاكي اختى
بس هلا عندي سؤال للشيخ هلا انا عملت الطريقة الخاصة بالشيخ البتار الساطع لاخراج السحر الماكول او المشروب " العسل + زيت حبة البركة" ،فامبارح بعد صلاة الفجر وبعد قراءة اذكار الصباح اخدت ملعقة من الخلطة المذكورة وهلا لما اجيت انام رحت شغلت سورة البقرة "بسماعات الهيدفون " ، هلا انا ماكنت نايمة ومش عارفة كانو كنت بحلم بس الشغلة كانت بالحقيقة ، شفت شيء كانو جنى وشيء بيضوى وال كسرلي شاشة الاب توب جزاء الى لانى فتحت سورة البقرة وما اهتميت انا وقمت الصبح من النوم على اساس اني بفكر الشاشة مكسور لانو الشغلة كانت زي الحقيقة فلقيتها مش مكسورة وزي ماهيا " الحمد لله طبعا".
هلا السؤال :- في اشي ممكن اعمله امنع الشغلات هاي انها تسير معي ؟؟؟
مع العلم انى بالسابق كنت باسمع ضحكات جنى وحدا بيجرى على الدرج وكنت انا صاحية وحتى انى حاولت اني انادي اخي بس كنت كانى مربطة ومش قادرة اعمل شيء" يعني الشغلة بالحقيقة بتسير بس هيا خيال".

[~ نور الإيمان ~]

الله يشفيكم يارب ويحفظكم اخواتي .
اهم مافي الموضوع من تجربتي لا تخافوا إن كيدهم ضعيف، انا كنت احس ان احدا يقف على رجليا وانا نائمة ويتحرك فوقهما ولااعرف ماذا افعل، أما الآن بمجرد إحساسي آية الكرسي بصوت واطرده ليس لديا وقت له أريد النوم .

وبالفعل لا احس به بتاتا .

اعان الله جميع المسلمين .

[لمسة ملاك]

بارك الله فيك يانور
ان كيد الشطان كان ضعيفا
لقد قلتها له مرارا البارحة
وقرأت اية الكرسي ولكن
مايحدث معي كنت بشكي لجارتي ماحدث بيني وبينه ليلة أمس واخبرتها
بما قلته له وقرأت امامها آية الكرسي بثقة وياللخزي
اعلم الناس القراءة وانا اتلعثم بآية الكرسي ونسيت اجزاء وهي تصوب لي الآية
حكتلها والله حافظة لها ولكن احيانا هكذا اتعلثم وانسى الجزء الاخير لااستطيع اكماله وان تلعثمت اعيد من الاول حتى اكملها

[واصف عميره]

المشاركة الأصلية كتبت بواسطة مسك يافا

شفاكي الله وعافاكي اختى
بس هلا عندي سؤال للشيخ هلا انا عملت الطريقة الخاصة بالشيخ البتار الساطع لاخراج السحر الماكول او المشروب " العسل + زيت حبة البركة" ،فامبارح بعد صلاة الفجر وبعد قراءة اذكار الصباح اخدت ملعقة من الخلطة المذكورة وهلا لما اجيت انام رحت شغلت سورة البقرة "بسماعات الهيدفون " ، هلا انا ماكنت نايمة ومش عارفة كانو كنت بحلم بس الشغلة كانت بالحقيقة ، شفت شيء كانو جنى وشيء بيضوى وال كسرلي شاشة الاب توب جزاء الى لانى فتحت سورة البقرة وما اهتميت انا وقمت الصبح من النوم على اساس اني بفكر الشاشة مكسور لانو الشغلة كانت زي الحقيقة فلقيتها مش مكسورة وزي ماهيا " الحمد لله طبعا".
هلا السؤال :- في اشي ممكن اعمله امنع الشغلات هاي انها تسير معي ؟؟؟
مع العلم انى بالسابق كنت باسمع ضحكات جنى وحدا بيجرى على الدرج وكنت انا صاحية وحتى انى حاولت اني انادي اخي بس كنت كانى مربطة ومش قادرة اعمل شيء" يعني الشغلة بالحقيقة بتسير بس هيا خيال".

أختي هذا ما يسمى بالجاثوم يما تكوني مثبتة ولسانك ممسوك وما تقدري تنادي عحد ، والكابوس تبع اللابتوب أمر عادي وطبيعي جدا ومع العلاج بيروح، هلأ كيف تبعديها خلينا نجرب تشغيل سورة الصافات على وضع تكرار ونشوف شو رأيك؟

[مسك يافا]

المشاركة الأصلية كتبت بواسطة واصف عميره

أختي هذا ما يسمى بالجاثوم يمتى تموني مثبتة ولسانك ممسوك وما تقدري تنادي عحد ، والكابوس تبع اللابتوب أمر عادي وطبيعي جدا ومع العلاج بيروح، هلأ كيف تبعديها خلينا نجرب تشغيل سورة الصافات على وضع تكرار ونضوف شو رأيك؟

ان شاء الله حاعمل هيك

[مسك يافا]

طيب هلا ياشيخ بالنسبة للمسك الحجري الابيض
هلا في عندي مسك لونه ابيض مايل على الصفرة جابلي اياها زميلي لما حج هل انو هاي المسك بتنفع لخلطة المس العاشق ؟