الاسلام ..؟؟؟

[ام الشفاء]

بارك الله فيك بالاسلام نرتقي على سؤالك
راغبه في رضا الله تعجز الكلمات عن شكرك
كم كنت قريبه فيما نشعر به اتجاه هذه الكلمه
كم كنت صادقه في حبك وتوضيحك ووحدانيتك
كم انت رائعه
شكرا لك بكل معاني الشكر
لي عوده باذن الله للموضوع

[بالاسلام نرتقي]

اللهم صل ع سيدنا محمد و ع اله و صحبه و سلم ...
بالفعل كلمات الراغبة في رضا الله غير شكل
الله يزيدك من علمو و يفتح عليكي بواب العلم و المعرفه وينور دربك بنور الهدى ..
اشعر بدني و الله ...كلماتك كلها روحانية ...
حسيتها طالعه من قلبك لهيك استشعرت فيها ما احلى الاسلام و ما احلى معانيه ...
الحب ..الطيبة ...المسامحة ...الاخلاص ...الصدق ...الوفاء
كل المعاني الحلوة بتجسد فيه
يا ريت امة محمد تفهمو هل فهم قول و فعل ...لما كان وصلنا لهل مواصيل ..
بزعل و بحترق لما بشوف مفهوم الاسلام كيف العالم فاهمينو

طيب مدام الاسلام بهل حلاوة و هل سمووهل بساطة
كبير و صغير بيفهمو متعلم و امي بيفهمو عربي و اجنبي بيفهمو ليش المسلمين اوضاعن هيك ...؟ليش لهلا ما انتصر الاسلام ...؟؟؟
حيات المسلمين نكسات و نكبات !!!!

طيب اذا عشنا حياتنا كمسلمين ما رح نرتاح و نريح ...؟؟؟

نحن كمسلمين فاهمين جوهرو ليش عم نبعد عنو وما عم ننصرو ...؟؟؟ اكيد في خلل ...في غلط ...

طيب اذا قلتيلي الغرب هيك بدو واميركا و اسرائيل وووو اعداء الاسلام و المسلمين..
سؤالي ...
في انسان "مسلم مسيحي علماني يهودي ملحد " بالحياة ما بحب الي قلتي بينفر من الي ذكرتي "حب طيبة مسامحة اخلاق سمو رقي " ..؟؟؟


طيب سؤال تاني ...
لما فتت ع النت شفت كتير مشايخ وشفت كتير محدثين شفتت ناس متعلمة بتفهم تحكي بتقنعك عندها اساليب و لا ارقى و لا اجمل ...
ومانن واحد و اتنين
يعني ناس كتار .... بجوز بعدد صفحات الشفاء ...
هدول وين دورن ع ارض الواقع !!!!!!!

ع التي في ..مشايخ ودعات وقنوات اسلامية ووو كمان شو عم بساوو ع ارض الواقع
المنتديات الاسلامية ...صفحات الفيس الاسلامية و لا اكتر منها
هاي ع شو بتدل ...بتدل ان في ناس كتير بتحب الاسلام بتريدو ينتشر يتوسع ..
وبتدل ع امرو كتير
بس معقول هدول يكونو عم بطبقوا بس حديث الدال على الخير كفاعله !!!!!
يعني وين عم يجسد الاسلام بارض الواقع
"كاخلاق مو بس كعبادات "

بتعرفي
انا ربيت ببيت مسلم ما بقول متدينين ...فيك تقولي ملتزمين وبحبو الاسلام
كان حلمي صير داعية اهدي الناس انشر الاسلام
ما انذكر بيوم من الايام ببيتنا "طوائف او احزاب او واو "
كنت فكر المسلمين ايد وحدة و للمسلمين عدو واحد

ويوم ورا يوم ...وبجوز الايام فرجتني هل شي و الظروف فيكي تقولي ...
فرجتني ان المسلمين مقسمين واعدائن كتار حتى من المسلمين ذاتن ...
بالفترة الاخيرة صرت شك بحالي ...
ع قد التخوين ع قد التكفير ع قد الاتهامات و قد ووو ...
صرت شك بحالي يا ترى انا مسلمة و لا شو
حسيت ان بعد ما كان حلمي صير داعية و لازم انشر الاسلام ...
حسيت ان لازم افهم الاسلام ..
لان شفت العجب العجاب ...
كل شي بدوخ ...
وما بقى عم تعرفي مين الصح ومين الغلط ومين بدك تايدي و مين بدك تعارض و مين بدك تحبي و مين لازم تحاربي ...
ما بعرف ...و الله يا اختي هاد مو بس شعوري ..
كل ابناء جيلي عم بدورو بنفس الدويخة ...
كلمة بتاخدنا يمين و كلمة بتاخدنا شمال

مو قله ايمان والله ...
بس من كتر المتلاعبين بالدين و كتر المتفهمننين الجهلا ...عم حس ان عم نضيع
ومع هيك لما بفكر بيني و بين حالي و اقعد بالساعات بفكر بهل موضوع ...بتوصل للحكي الي ذكرتي بردك وبرتاح ...بس قبل ما قوم بحس حالي رجعت لنفس الدويخة ...
يعني في شي غلط ... وشو لازم نساوي
ما بعرف !!!!!!!
مرات بقول انا علي بنفسي صومي و صلاتي و لباسي وما اعصي ربي ...
و العالم حدا جهنم من شاء فليؤمن و من شاء فليكفر ...ماني فايتة بقبر حدا ..علي بنفسي و بس
بس بحس بهل قرار اني انانية ...
بقول لا انا لازم ساوي شي مو معقول كون نكرة ...
برجع بقول ...ما الافهم مني ما عم يطلع بايدو شي انا بدي ساوي ...
اصلا انا شبه ضايعه وبدي مين يهديني ...
ما بعرف ...
كيف لازم نعيش و شو المطلوب منا والله العظيم تعبنا من التفكير اكتر من العمل

عم تفهمي علي و شو عم اقصد بكلامي !!!؟؟؟






في حديث تعلمنا من نحن وصغار بس ما بعرف صرلو فترة ما عم بروح من بالي ...
لا يؤمن احدكم حتى يحب لاخيه ما يحب لنفسه
طيب
معقول هل امة كلها مو مؤمنة ...معقول الايمان ما دخل بقلوبنا لسى
ما عم شوف هل شي مجسد بالطبيعه "الا من رحم ربي "
صار عمري عشرين سنة ما شفت الا قله قليله جدا من المسلمين بحبو للناس متل ما بحبو لانفسن

من غشنا فليس منا ...حافظينو من ايام المدرسة وحاطينو بصندوق ومسكرين عليه
لما بفكر فيه ...
كمان بقول معقول ماننا من امة محمد عليه الصلاة و السلام ...
اغلب المسلمين بغشو "ما بقصد بالغش المفهوم الي نحن اخدينو اي انك تنقلي بالمدرسة او الجامعه وهيك ...بقصدو بمفهومو الاوسع "

طيب هل حديثين بس بغض النظر عن باقي الايات و الاحكام و الاحاديث ...
بتبرء ناس كتير من الايمان و من الانتماء لدين الحبيب المصطفى عليه السلام "وان شاء الله ما نكون منن "

المشاركة الأصلية كتبت بواسطة ام سامي

بارك الله فيك بالاسلام نرتقي على سؤالك
الله يسلمك و يبارك بعمرك يا رب
راغبه في رضا الله تعجز الكلمات عن شكرك
كم كنت قريبه فيما نشعر به اتجاه هذه الكلمه
كم كنت صادقه في حبك وتوضيحك ووحدانيتك
كم انت رائعه
شكرا لك بكل معاني الشكر
بالفعل صدقتي خاله ام ماسة بكل كلمة ...ولا اروع من هيك كلمات
لي عوده باذن الله للموضوع

اهلا و مرحبا بكي في كل الاوقات بتنوري