نبكي صدام ونبكي زمانه ونبكي ذلنا والإهانه

[الداعيه الى الله]

في سنه 2003 سقط دوله صدام حسين
وثقوا بالله اني شاهدت مقطع فيديوا يتكلم
الصدر فيه انه الذي لف المشنقه حول رقبته
وكان يستهزئ به وكان الصدر هارب وخايف من ان يقتله صدام لكن الان اصبح هو الدوله في العراق
انا لله وانا اليه راجعون
هذه قصيده للشاعر الكبير عباس جيجان في صدام



ويه الفجر
يوم العيد
وي نحر النحور
صدام قدم للوطن روحه
إجه مثل الأسد مجروح
يمشي وتضحك جروحه
هم شايف جبل ينقاد
وإذا شفت الجبل مقيود
تلقى العله بسفوحه
مثل النخل مات وقوف
شاخص شامخه صروحه
لك لو هيك الرجال تموت
لو غم الرجال بموت ماصخ مابه ملوحه
بكيت وما بكيت عليك
بكيت على الزمان الضمك بلوحه
بكى حتى الفرات عليك
ونهر دجله انتحر موحه
إذا ً تستاهل ينوح عليك
شاعر ما بطل نوحه
لأن إنت الوحيد الذي خليت
المشانق للرجال تصير مرجوحه
رغد يا رغد لا تبكين
بس دمعة حزن للزين مسموحه
أبوك ألكتب اسمه بجبهة التاريخ
الزمن يشهد لأبو الليثين
ولو آنه شهادتي بصدام مجروحه
ما دنك براسه وانحنى للجلاد
رغم سلسلوا رجله وشدوا جفوفه
رفض يلبس نقاب الموت
وضحك على الموت سنه وعينه تشوفه
عجل والله يتباهى يسجل التاريخ
عنه وتكتب حروفه
مو حبل على الرقبه طلع ملفوف
رقبه على الحبل طلعت الملفوفه
إذا ًحقها العرب تحزن عليه وتنوح
وقع خيَّالها والشمس مكسوفه
من صغره عجيد عنيد وضد الاستعمار
ابوك الوصل سابع جار معروفه
وإذا البصره حزنت مصباح يوم العيد
يم تكريت طلعت تبكي الكوفه
وإجت نينوى نينوى محنية الظهر وتصيح
وين ابن الرمادي الباشطه سيوفه
سووها العلوج ودنسوا بغداد
وعاصمة الرشيد أصبحت مكتوفه
إذا ً تستاهل عليك ينوح
شاعر ما بطل نوحه
لأن إنته الوحيد إلذي خليت
المشانق للرجال تصير مرجوحه