ماما/بابا مين تحب/ي أكتر أنا ول أخي .... ماذا تجيب/ي

[الفراشة المتألقة]

يوميا مع التغير في الطريقة حسب الوقت وما يخطر في البال من إجراءات مشاكسات وحركشات
أنـا وأخي الذي يصغرني بـ 5 سنوات - رغم أني فتاة يانعة 21 وهو أصبح شاب يافع 16 - إلا أننا نقوم بالتالي

نتسابق لحضن ماما ونسألها // ماما مين تحبي أنـا أو مجاهد // ، وأحيانا كلنا الأربعة نروح ونسألها

ترد ماما

ما أحب ولا أحد

حينها نعمل هجوم ع ماما أنـا وأخي وأخواتي التنين الصغار تلاقي فيه ماما من البوسات الكتيييير على يدها وخدها وكتفها وراسها ، وكل واحد يتسابق يكون في حضنها دون التاني ، ونضل ندافع بعض حتى ناخد حضن ماما كامل

وأحيانا نعمل هجوم بدون ما نطرح السؤال لأنه خلص حفظنا الجواب

واحد يحكي أنا رح أروح لماما أول ، وأكون بحضنها لوحدي ( غالبا تكون أختي الصغيرة 4 سنوات ) زهقانة وشايفتنا كلنا مشغولين تقوم تحكي هيك

وكلنا جري ع ماما بس نسمع هاي العبارة

مرات واحد يحل واجب والتاني يدرس وراه امتحان وواحد يحكي رح أروح لماما نترك الي بيدنا وجري عليها الأربعة

وتكون أحلى الأوقات

هي تحكي يا بزورتي قوموا زاكروا الله يهديكم ونحن نكمل لعب و هجوم عليها

طبعا دااااايما تخرج منها أختي الصغيرة وهي تبكي ، لأنه ماما تكون بصفها وتحاول تقربها لحضنها - لصغرها ليس إلا- ونحن نبعدها ، وقتها كلنا الموضوع عندنا مزح وضحك الا أختي الصغيرة تاخد الموضوع بجد وتضل طوول الوقت >>

===================

أما بابا طبعا يكون السؤال معه بطريقة مختلفة

لأني أنام بحضن بابا متل ما اعمل مع ماما وأخي كمان بيخجل

لكن بنعمل حوله دائرة - تكون مفاجأة إما واحد يكون بيسأل بابا والتانين يجوا جري ع سماع السؤال أو هيك - وكل واحد يمسك ايده والي راسه والي كتفه ونحكي بابا مين تحب أكتر بابا حبني أنا أكتر
أنا أحكي بابا أنا الكبيرة لازم تحبني أكتر
وأخي يحكي لا أنا الوحيد أنا أكتر
وأختي تحكي أنا الوسطانية أكيد أنا أكتر
وأختي الصغيرة تحكي بابا انت تحبني أكتر لأنه أشتريت لي حلاوة و أخدتني معاك وووووووو
وكلنا بصوت واحد كل واحد يحكي شي حول بابا

لكن بابا بالآخر يفصل ويحكي كل مرة شي
مرة يقول أحبكم بالكبر ( يعني ع حسب ترتيب أعمارنا ) طبعا وقتها اكون انا اكتر كلهم يعترضوا
يقوم يقول طيب أحبكم كل واحد على قد مو حافظ من القرآن طبعا انا وأخي ختمنا حفظ القرآن سرنا متعادلين وهاد مرفوض نبغا نعرف مين الأكتر

ونضل هيك ساعة ، كل شوي بابا يحكي شي

بالآخر يقول كلكم أولادي وبحبكم كلكم يعني لو ما حبيتكم رح أحب مين أولاد الشارع !!

نروح ع ماما ونحكيلها بابا يحبنا وانتي؟
تقول ماما ، الله يهني أبوكم فيكم ، أنا ما أحب أحد ، ونرجع نعمل هجوم ع ماما

لحد ما نتعب من الضحك كل واحد يقوم يكمل شغله

وبالآخر ما عرفنا لحد اللحظة مين أكتر واحد ماما و بابا بيحبوه

من أفعالهم .. لا فرق بين أخي الوحيد أو أنا الكبيرة أو أختي الوسطانية أو الدلوعة الصغيرة ( هي الصغيرة كلنا بندلعها )

كل واحد وقت حاجته بيلاقي الي يفرح قلبه - الحمدلله -

وهادي أفضل طريقة منعا للغيرة بين قلوب الأبناء ، عدم التصريح بمن يميل اليه القلب ، والمساواة في التعامل << من دراستي أتعلمتها لكني أرفضها واقعيا وأصر معرفة مين أكتر واحد بيحبوا بابا وماما