هل تحبه ؟!هل تحبيه؟؟؟

[قرآنى جنتى]

قبل ما نسأل السؤال

انا هتكلم عن درجه الأحساس بالحب!!!!!!!



عارف لما حد يسألك بتحب أخوك؟



فممكن يكون قريب منك جدا وصاحبك فتقول

اه بحبه قوىقوى ده أحنا أصحاب وعلطول مع بعض

و.............
وممكن تكون علاقتكم عاديه ومشغولين عن بعض فتقول

(( بحبه ))

حد ميحبش اخوه يعنى


وممكن تتسأل عن البقال الى تحت بيتكم فتقول

لا بحبه ولا بكرهه عادى



أنا عايزة أقول أيه ؟؟؟؟؟؟؟؟


عايزه أقول ان الحب درجات فلو انت علاقتك بحد بعيده مش هتحس إنك بتحبه ولو اتسألت بتحبه ولا لأ ؟

هتقول بحبه لأن معندكش سبب يخيلك تكرهه أو لأنك لازم تحبه
ولكن لو اتسألت عن حد تانى وكنت بتحبه بدون تفكير هتقول بحبه جدا وتتكلم عنه


مش كده!!!!!!!



طب نرجع لسؤالنا الأول .


بتحبه؟؟

بتحبيه؟؟


ياترى أحنا بنحب ربنا؟؟


أنا عارفه ان أفعال كثير لا تدل على ذلك

ولكن أنا بسأل فى الأول عن إحساسك !!

لما تتسأل ياترى أول اجابه هتكون إيه ؟

ولا السؤال هيبقى بالنسبه لك مفاجأه !!

ربنا ..آآآآه !!

أكيد يعنى أمال هيكون ايه !!!


زمان أول مره إتسألت السؤال ده فيها مكنتش حسه بالمعنى


قلت أيه السؤال الساذج ده !!!!


هو ربنا وأكيد يعنى بنحبه !


لكن أكتشفت بعد مرور سنين


انها تفرق وتفرق كثير



تشبيه جميل قوى...








شبه ابن القيم رحمه الله شبه الإنسان فى طريقه الى الله


بالطائر


رأسه هو حب الله


وجناحيه

الخوف من الله

وحسن الظن بالله

فاذا طغى جانب عن أخر إختل توازن الطير


واذا انقطع الرأس مات الطير



فأهم حاجه نحبه لأن ده هيسهل علينا

الطاعات ويغير حياتنا


السؤال

أزود حبى له أزاى ؟؟؟؟

1- معرفة الله تعالي ومطالعة أسمائه وصفاته.
2-استشعار نعم الله عليك .
3-كثرة ذكر الله تعالي .
4-تلاوة القران بالتدبر والتفكر .
5-الانكسار والذل بين يديه سبحانه .
6-المحافظة علي صلاة الجماعة .
7-كثرة النوافل.
8-الخلوه للمناجاه.
9-معامله الله بالصدق والاخلاص ومخالفة الهوي .
10-تذكر نعيم أهل الجنه ورؤيتهم لربهم .
11_محبه أولياء الله .
12-محبة الصحابة.
13-مجالسة المحبين الصالحين .
14 -الزهد في الدنيا .
15-أداء الأمانه .
16-صدق الحديث .
17-حسن الجوار .
18-الابتعاد عن الاسباب التي تحول بينكوبين الله.
19-المبادرة الي طلب القرب منه.
20-الدعاء.


بـــــرقــة روحـي وخفقــة قلبي
بســــر ســـــرى في كياني يلبي
ســــــألتك ربـي لترضى وانــي
لأرجو رضـاك إلهــــي بحـــبي
واعذب نجوى سرت في جناني
وهزت كياني " احــــبك ربـي "
وماكنت بالحب يـــومــا شــقــيا
ولو فجر الحب دمعــي العـصيا
فهذا ســكوني ودمع عــيــونــي
يناجـــي .. يــنادي نــداء خفــيا
تباركت ربـي – تعاليت ربــي
وينفذ عمــري ولم اثــن شـــــيا