يوميات تعبان أفندي أحمد الفلسطيني

[أمة الحق]

السلام عليكم ورحمة الله وبركاته

اليوم الجمعة .. استيقظ تعبان افندي وإستحم وتوجه للمسجد قراء سورة الكهف وصلى صلاة الجمعة ثم عاد للمنزل وكعادة اغلب الفلسطينيين وجد طعام الغداء جاهز تناوله ثم ارتدى ملابسه ليذهب لزيارة أمه كما يفعل دائما .
قبل يديها وجبينها وجلس بجوارها :
- كيفك ياما ( بالفلسطيني تعني أمي ) وأن شاء الله مرتاحخة علي علاجك الجديد .
- والله الحمد لله يا بني والعلاج منيح احسن من اللي قبله وانت ليه ما جيت الخميس مش كنت أجازة .
- لا والله يا ما غيروا وبطلوا عن أجازة السبت والخميس الحمد لله .
- طيب يا بني بدي اخبرك وخايفة تكون ناسي .
- ايش ياما قولي خدي راحتك
- بدوا يسجلوا للحج يا بني وانت وعدتني نحج السنة ولا غيرت رايك .
- لا ياما ما غيرته خلص بكرة اسئل ادارة الجوازات كيف نستخرج زواج .
- الله يخليكي لي ياولدي ويوفقك .

في صباح اليوم الثاني حمل الأوراق الثبوتية وتوجه لمكتب جهز له ملف الأوراق ودخل وزارة الداخلية بغزة لتقديم الجواز :

- السلام عليكم ورحمة الله الله يصبحك بالخير يا خوي بدي اقدم للجواز شو أعمل .
- وعليكم السلام والله يا أخي ما بعرف ايش بدي اقلك يا خوي انت جهزت الملف .
- نعم وهي الملف بأيدي شو المشكلة .
- المشكلة أنه زمان كنا نخلي المواطن يضع علي كل جواز طوابع بمئتين وخمسين شيكل وهلا صدر قرار من مكتب الرئيس برام الله يرفع الخدمات عن سكان غزة يعني من غير طوابع لكن صدر قرار اخر من مكتب رئسة الوزراء اللي بغزة التابع لحركة حماس بعدم رفع رسوم الجواز مشان هيك والله يا خي ما بعرف شو أعمل اخاف أخد منك بطوابع يرفضوا فيرام الله الجواز واخاف ما أخد يرفضوه بغزة وما بعرف شو اعمل بصراحة لذا افضل ان تنتظر قليلا ً.
- يا ريت أقدر لازم الحق موسم الحج طيب عندي اقتراح شو رايك احط طوابع بنصف المبلغ وهيك ما بزعل الطرفين !!!!!!!

وما كان يدري المسكين انه يا ريت علي قد هيك كمان مش بس ما في جواز كمان ما في معابر لان اليهود حاصروا غزة من كل جانب حتى الصيد منعوه
وكل يوم يموت الكثير من المرضى الذين تم تحويلهم للعلاج بالخارج لعدم توفر المعدات اللازمة وما قدروا
وغيروا الدواء اللي ناقص في المستشفيات
والله المستعان

تـمــــت

مسكين تعبان الفلسطيني