بعد 4 اريام من استخدام القطران ....

[ابوصقر222]

السلام عليكم ورحمة الله وبركاته


سبق وان نزلت موضوع على أني تشفيت من الصدفية وكان مجرد شفاء مؤقت

اول شي قبل مابداء انا صدفيتي في الراس من ثمان سنوات تقريبا بدت تنتشر بسيط في الرقبة كنت مجرد مااضع عليها الفازلين تزول ويبقى لون احمر غير ملاحظ خلال الثمان سنوات لله الحمدلله مازرت طبيب كان دليلي الاول هذا الملتقى
خلال الثمان شنوات مافي اي علاج طبيعي الا استخدمته من حلبة وزيت كتان وسنا مكي وشيك اوف وصابونة كركم ورجيم قاسي مع اني مو سمين مره وشاي اخضر وابيض لامانه كنت اعتبرها مجرد تصبيره ممكن جسمي استفاد منها لكن صدفيتي لا كانت تختفي ايام وترجع ايام كنت اهملها تختفي واحيانا العكس
بديت قبل سنة استخدم شامبو ionil t
خفت القشور من راسي تماما المره الثانية لما استخدمته حسيت مفعوله اقل مع اختفا القشور بس لما احك راسي المس قشور عنيدة
نصحني الصيدلي استخدم شامبو ducray
تقريبا سعره 90 ريال مافاد معاي
المهم نسيت موضوع الصدفية لين بدت الصدفية والقشور داخل اذني صار الموضوع خطييير
صار يوميا يسئلني صديق ليش ماتنظف اذنك وانا اقول في نفسي ماتدري اني اغسلها في اليوم بالشامبو مرتين وعود الاذان مايفارق يدي وماخليت حتى العسل
المهم صرت اجتنب اطلع النهار وخصوصا لما اركب السيارة ويكون احد جنبي الاحظ انه يطول النظر في اذني
تذكرت نصيحة الاخت ريم استخدم القطران فرصتك وخصوصا اني ماسبق استخدمت اي مرهم او كورتيزون
قلت اجرب القطران فرصتي مادامني في الرياض وماكنت اعرف الا اسمه اخذت اجازة من العمل وخصصت 9 ساعات متواصله في البحث في هالمنتدى قراءة الكتاب اللي في توقيع الاخت ريم لين عرفت كل شي عن القطران شريت قطران ادمه قبل اسبوع الحين في الخامس من الاستخدام من دون مرهم للعلم اختفت وتساوت عندي المنطقة
صدفية داخل الاذن مالها اي اثر بعد ماكنت مجرد مااحط اصبعي تطلع قشور مالها اخر واستمر في تقشريها كل يوم
منطقة خلف الاذن اختفت تماما صرت ادهن راسي بالقطران يومي في نقطة في البطن مااستجابت تماما للقطران يمكن عشان منطقة الراس رقيقة مثل ماذكر الاستاذ قيس
المهم ماهمني منطقة البطن او حتى الرجل المهم اختفت الصدفية من المكان اللي كان يسبب لي حرج شديد وينظ البعض لها على انها وسخ

-شامبو ionil t

يحتوي على salicylic acid
احسه يقشر عشان كذا مااستخدمت المرهم


اكثر شي عانيت منه من صدفية داخل الاذن لما اصحى الصباح وانا رايح الدوام ادهن الفازلين داخل الاذن والجو عندنا حاااار وكان كثر ماكان الفازلين يرطب كان يلمع ويلفت النظر ويختلط مع القشور


مااقدر الا اشكر وادعي للمرحوم اسماعيل
اسئل الله ان يرحمه وويوفق ويفتخ ابواب الرزق على استاذنا قيس العبيدي واختنا ريم
وجميع القائمين على هذا الصرح دون استثناء









- اذكر مايؤلمني حاليا بعد ما تحسنت حالتي اني اتذكر اخوان لي يعانون مثل ماكنت اعاني بس ماوصل لهم موضوع القطران
انا كنت مطلع دائما ومع هذا كنت اتحاشى اي موضوع عن القطران ماادري هو ثقة مني في انه الشفا الاخير بعد امر الله او همال مني