اقسمت بالله عليك رود علي ( تمت الإجابة عليه )

[الله ناصرى]

السلام عليكم

أولا يا فضيلة الشيخ أتمنى انك ترد عليه بأسرع وقت ممكن لأن المشكلة اللى أنا فيها صعبة جداً

أنا من سنة الا اربع شهور قرأت الفاتحة لي على أحد زملائي في الشغل وبجد والله إنسان مشهود له بآداب وأخلاق والصلاة وهذا الشخص لما جاء عندنا في البيت أعجبوا به وقالوا عليه أنه كويس المهم انا كنت خلاص هنزل أشترى شبكتى ومن هنا المشكلة بدأت أنا عندي 25 سنة وكانت قد قرأت فاتحتي من قبل كدة من سنة وتركت الإنسان الأول دة بسبب أمة لأن معروف عنها أنها (مش كويسة) ليس في السمعة ولكن لسانها سليط المهم هنا الشخص هذا رجع ثانيةً وأنا (مقريةفاتحتي) ولأن معه فلوس ومبسوط وسيجهز يريدوني أترك الذي (مقرية فاتحتي) عليه وأتزوج هذا وكثيرا تكلمت وقولت إن الرسول (صلى الله عليه وسلم) قال لا تخطب على خطبة أخيك ولا حياة لمن تنادى طبعا الكلام دة من سنة الا اربع شهور الحمد للة بعد معناة جبت الشبكة واتخطبت وفهمت الانسان اللى معايا على كل حاجة عشان يبقى عارف فى اية لو عايز يكمل معايا يكمل ولو مش عايز ربنا يوفقة والحمد لله انسان عندة اصل وردى بالوضع طبعا طول مدة ااخطبة مشاكل مش قادرة اقولك كانت اخر مشكلة انا شغالة ويوم الجمعة دة اجازة عندى بعمل البيت بنظفة المهم خلصت وواقفة بتوضاء راحت مية نزلت منى على الارض من الوضوء المهم امى اعديت تزعق روحت انا بصيت لها انى بجد ارفانة من اللى هى بتعملة المهم انا مديها ضهرى راحت جت عشان تضربنى وامى اصلا كبيرة فى السن عندها 62 سنة المهم انا والله معملتش حاجة غير انى مسكت ايدها بحوش عن نفسى طبعا ابويا كان موجود فى الواقعة دى المهم قالت انى ضربتها وجات واحدة من اخواتى ضربتى ضرب يموت وابويا كان بيضربنى معاها على الرغم من انة شهد وقال انى معملتلهاش حاجة بس هو عشان انا شغالة وبدهوش فلوس وهما بيعدوا يقولوا دى المفروض تدفع فى البيت وقسما بالله احنا مش محتاجين فلوس وابويا دة معاة فلوس فى البنك وحالنا الحمد لله كويس المهم المشكلة دلوقتى ان امى اخديت كل الهدوم اللى فى جهازى واديتنى منها فتافيت وابويا مش عايز يجيب حاجة وبيقولى انتى شغالة جيبى انتى مع العلم انى جبت حاجات ب 4000 جنية والله ومبكولش فى البيت انا بس بروح انام لوكندة يعنى وشيالة نفسى فى كل حاجة اكل وشرب ولبس انا بقبض 900 جنية وانا فى منطقة بعيدة جدااا عن مكان الشغل سفر مواصلاتى فى الشهر 400 جنية غير الاكل وبجهز فى نفسى الموقف هذا حصل قبل كدةا مع أخي الوحيد على 6بنات مشى ساب البيت وخرج منة بالقميص والبنطلون بتاعة اتجوزالإنسانة التي هو كان عايزها لأنهم وقفوا له في أكثر من زيجة طبعا أخواتي منهم3 هما االلى مولعين البيت حريقة نار عشان اسيب دة واخد التانى اللى هما كانوا عايزينى اخدة عشان جاهز ومعاة فلوس وطلعوا علية انى كنت اعرف اللى انا مخطوبة لية دلوقتى وأنا مستحيل اعمل دة أنا اعدت أفكر وقلت ممكن لو أنا ظلمت إنسان ربنا ينكدعلي عيشتي مع الغنى دة ، امى سايبة نفسها لعيالها وانا خلاص مبقتش احس بيها كام اذا كان ربنا وصانا بالوالدين احسانا هو كمان وصاهم علينا وكمان شوية تكلمنى حلو وشوية وحش وأنا صالحتها أكثر من مرة لحد ما فاض الكيل طفح مع العلم منزلتش تجيب معي شبكتي مع العلم أن أمي دى جربت في أخي الوحيد وكانت تبكي بدلا من الدموع دما اعمل اية

انا مبقولش غير حسبى اللة ونعم الوكيل دى سترت بنت انا بس عايزة اسالك على حاجة ان شاء الله لما اتجوز يجوز لى انى مروحش البيت دة تانى بعد اللى اتعمل فية لانى بجد خلاص مش قادرة اشوف حد منهم خالص ارجوك ريحنى ريح قلبى انا تعبانة جدااااوادعيلى براحت البال وهديان السر
وان ربنا ميحوجنيش لحد
ادعيلى
حسبى الله ونعم الوكيل

ولو اى استفسار انا مع حضرتك

اسفة للاطالة

[الشيخ أبوالبراءالأحمدى]

المشاركة الأصلية كتبت بواسطة اللة ناصرى

السلام عليكم
أولا يا فضيلة الشيخ أتمنى انك ترد عليه بأسرع وقت ممكن لأن المشكلة اللى أنا فيها صعبة جداً
أنا من سنة الا اربع شهور قرأت الفاتحة لي على أحد زملائي في الشغل وبجد والله إنسان مشهود له بآداب وأخلاق والصلاة وهذا الشخص لما جاء عندنا في البيت أعجبوا به وقالوا عليه أنه كويس المهم انا كنت خلاص هنزل أشترى شبكتى ومن هنا المشكلة بدأت أنا عندي 25 سنة وكانت قد قرأت فاتحتي من قبل كدة من سنة وتركت الإنسان الأول دة بسبب أمة لأن معروف عنها أنها (مش كويسة) ليس في السمعة ولكن لسانها سليط المهم هنا الشخص هذا رجع ثانيةً وأنا (مقريةفاتحتي) ولأن معه فلوس ومبسوط وسيجهز يريدوني أترك الذي (مقرية فاتحتي) عليه وأتزوج هذا وكثيرا تكلمت وقولت إن الرسول (صلى الله عليه وسلم) قال لا تخطب على خطبة أخيك ولا حياة لمن تنادى طبعا الكلام دة من سنة الا اربع شهور الحمد للة بعد معناة جبت الشبكة واتخطبت وفهمت الانسان اللى معايا على كل حاجة عشان يبقى عارف فى اية لو عايز يكمل معايا يكمل ولو مش عايز ربنا يوفقة والحمد لله انسان عندة اصل وردى بالوضع طبعا طول مدة ااخطبة مشاكل مش قادرة اقولك كانت اخر مشكلة انا شغالة ويوم الجمعة دة اجازة عندى بعمل البيت بنظفة المهم خلصت وواقفة بتوضاء راحت مية نزلت منى على الارض من الوضوء المهم امى اعديت تزعق روحت انا بصيت لها انى بجد ارفانة من اللى هى بتعملة المهم انا مديها ضهرى راحت جت عشان تضربنى وامى اصلا كبيرة فى السن عندها 62 سنة المهم انا والله معملتش حاجة غير انى مسكت ايدها بحوش عن نفسى طبعا ابويا كان موجود فى الواقعة دى المهم قالت انى ضربتها وجات واحدة من اخواتى ضربتى ضرب يموت وابويا كان بيضربنى معاها على الرغم من انة شهد وقال انى معملتلهاش حاجة بس هو عشان انا شغالة وبدهوش فلوس وهما بيعدوا يقولوا دى المفروض تدفع فى البيت وقسما بالله احنا مش محتاجين فلوس وابويا دة معاة فلوس فى البنك وحالنا الحمد لله كويس المهم المشكلة دلوقتى ان امى اخديت كل الهدوم اللى فى جهازى واديتنى منها فتافيت وابويا مش عايز يجيب حاجة وبيقولى انتى شغالة جيبى انتى مع العلم انى جبت حاجات ب 4000 جنية والله ومبكولش فى البيت انا بس بروح انام لوكندة يعنى وشيالة نفسى فى كل حاجة اكل وشرب ولبس انا بقبض 900 جنية وانا فى منطقة بعيدة جدااا عن مكان الشغل سفر مواصلاتى فى الشهر 400 جنية غير الاكل وبجهز فى نفسى الموقف هذا حصل قبل كدةا مع أخي الوحيد على 6بنات مشى ساب البيت وخرج منة بالقميص والبنطلون بتاعة اتجوزالإنسانة التي هو كان عايزها لأنهم وقفوا له في أكثر من زيجة طبعا أخواتي منهم3 هما االلى مولعين البيت حريقة نار عشان اسيب دة واخد التانى اللى هما كانوا عايزينى اخدة عشان جاهز ومعاة فلوس وطلعوا علية انى كنت اعرف اللى انا مخطوبة لية دلوقتى وأنا مستحيل اعمل دة أنا اعدت أفكر وقلت ممكن لو أنا ظلمت إنسان ربنا ينكدعلي عيشتي مع الغنى دة ، امى سايبة نفسها لعيالها وانا خلاص مبقتش احس بيها كام اذا كان ربنا وصانا بالوالدين احسانا هو كمان وصاهم علينا وكمان شوية تكلمنى حلو وشوية وحش وأنا صالحتها أكثر من مرة لحد ما فاض الكيل طفح مع العلم منزلتش تجيب معي شبكتي مع العلم أن أمي دى جربت في أخي الوحيد وكانت تبكي بدلا من الدموع دما اعمل اية
انا مبقولش غير حسبى اللة ونعم الوكيل دى سترت بنت انا بس عايزة اسالك على حاجة ان شاء الله لما اتجوز يجوز لى انى مروحش البيت دة تانى بعد اللى اتعمل فية لانى بجد خلاص مش قادرة اشوف حد منهم خالص ارجوك ريحنى ريح قلبى انا تعبانة جدااااوادعيلى براحت البال وهديان السر
وان ربنا ميحوجنيش لحد
ادعيلى
حسبى الله ونعم الوكيل
ولو اى استفسار انا مع حضرتك

اسفة للاطالة

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ

بسم الله الرحمن الرحيم
أختى الكريمة / يامن ينصرك ربك
السلام عليكم ورحمة الله وبركاته
وبعــــــــــــــــــــد
اعلمى رحمنى الله وإياك أن
على الولد أن يبر والديه ، ومن هنا أشعر بمرارة ماأسمعه منك وأحس بمسألتك جيدا ولكن نصيحتى أن تلتزمى البر لوالديك
وتمسكى بخطيبك الذى أحبك وأحببتيه ، واصبرى يكن الله معك
بارك الله فيك

[الله ناصرى]

يا شيخ انا عارفة انك عمرك ما هتقولى اقطعى رحمك بس انا عوزة اعرف الناس دى جزائها اية اب وام مش عوزين سترة بنتهم واخوات هما اللى مولعين البيت نار قسما بالله انا مش ببالغ فى ولا كلمة وربنا شهيد على كل كلمة قولتها انا عوزاك تريح قلبى وقولى الناس دول جزائهم اية عند ربنا

ادعيلى ربنا يفك كربى وييسرلى زواجى
وانا توصلت لحل انى هبيع شبكتى واجيب حاجاتى
بس بالله عليك ادعيلى
بظهر الغيب

[أبو الشيماء]

السلام عليكم و رحمة الله و بركاته.

أختي الفاضلة.

قولك..

قسما بالله انا مش ببالغ فى ولا كلمة وربنا شهيد على كل كلمة قولتها انا عوزاك تريح قلبى وقولى الناس دول جزائهم اية عند ربنا

من ناحية الجزاء يجب التفريق بين أمرين..
الوالدين ثم الإخوة و الأخوات..
قال تعالى..
وَجَعَلْنَا بَعْضَكُمْ لِبَعْضٍ فِتْنَةً أَتَصْبِرُونَ وَكَانَ رَبُّكَ بَصِيراً(الفرقان)
الوالدين...وبكل اختصار ليس لهما حل إلا الصبر..
من عظيم حق الوالدين أن الله أمر به في محكم كتابه مقروناً بالنهي عن الإشراك به، فالجنة تحت قدمي الأم،(عدم التحذيق في عينها و التطاول عليها) والفلاح مرتبط بدعوة الأب، فيا لحقارة ونذالة من عض اليد التي أحسنت إليه وعطفت عليه، ويا لفوز وفلاح من أطاعهما حتى موتهما، فدخل بطاعتهما جنة مولاه، وحاز على رضاهما ورضاه.(عظم الجزاء من عظم البلاء).
.

بالنسبة الإخوة و الأخوات وغيرهم فعقابهم متروك لله تعالى إن دعوت عليهم فينتقم منهم بما شاء و كيف شاء ومتى شاء...لكن غالبا ما يكون العقاب من جنس العمل.
(البر لا يبلى و الذنب لا ينسى و الديان لا يموت ،إعمل ما شئت ، كما تدين تدان.).
وأعتقد أنهم يدخلون(باستثناء الوالدين) في الآية الكريمة..
*إنَّ الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا
فَلَهُمْ عَذَابُ جَهَنَّمَ وَلَهُمْ عَذَابُ الْحَرِيقِ (10) البروج.
والله أعلى و أعلم.
في حفظ الله.