|
|||||||
| ملتقى الأمومة والطفل يختص بكل ما يفيد الطفل وبتوعية الام وتثقيفها صحياً وتعليمياً ودينياً |
 |
|
|
أدوات الموضوع | انواع عرض الموضوع |
|
#1
07-07-2010, 03:02 PM
|
|||
|
|||
بركولى الحمد لله اشتريت السخان
السلام عليكم ورحمة الله وبركاته إخوانى الكرام .... أخواتى الكريمات هنا أتقبل التهانى بعد عشر سنوات زواج منّ الله على وأكرمنى بشراء سخان غاز 10 لتر مصانع ( حاجة حلوة ومحترمة ما شاء الله لا قوة إلا بالله ) قد يكون الموضوع بعنوانه لا يلقى قبول لديكم إخوانى وأخواتى ... لكن يعلم الله أنى لا أريد أن تضيع فرصة هذا الموضوع دون أن أذكر لكم المعنى الحقيقى وراء وحول هذا الموضوع المعنى الذي أردت أن يصل إليكم إخوانى وأخواتى وباختصار ومن غير لف ولا دوارن ولا فلسفة .... هو أن الحياة الزوجية هي بداية ( لتأسيس بيت ) نعم إخوانى وأخواتى هي بداية لتأسيس بيت .... وليست النهاية و تعالوا معى نذكر هذه الكلمات التى نبدأ بها مشروع الزواج احنا بنأسس بيت احنا بنبتدى حياة جديدة يعنى المنطقى والطبيعى في بداية التأسيس يوجد نواقص لهذا البيت .... يعنى حاجة غريبة جداً بنقول بنأسس بيت جديد ونجد التطبيق العملى لهذا القول بعيد كل البعد عن الحقيقة ما هى المشكلة ... إيه بيغير قوانين الموضوع من بداية ... إلى نهاية تزوجت من عشر سنوات والحمد لله كان جهاز الشقة بسيط يعنى المطلوب حتى تستقيم به الحياة كان ناقص حاجات كتيرة وكنت دائماً أقول لزوجتى نصبر شوية احنا بنأسس بيت يعنى أيه المشكلة مفيش تلاجة .... نمشى الحال و بعدين هتفرج والله أيه يعنى مفيش غسالة فول اتوماتيك والله هتفرج .... والله يا ستى هبقى أساعدك في يوم الغسيل أيه لزوم السفرة كفاية نجيب نيش صغير نلم فيه شوية الصينى إللى ملهومش أي لزمة أصلاً ... طبعاً مش ضروري خالص التلفزيون أنا الحمد لله عندي كمبيوتر بنتيوم 3 حاجة جبارة ( طبعاً من عشر سنين الكلام ده ) وعليه كمان يا ستى كارت Tv يعنى مش ضرور بقا ندفع فلوس في تلفزيون ... يعنى أيه نجيب دهب وشبكة بكام ألف يا ستى والله نمشي الحال بدبلتين و محبس وسلسلة و صدقينى بكرا تفرج بس نصبر شوية .... يا ستى مش مشكلة السخان نمشى حالنا و أهو الحمد لله عندنا بوتجاز نبقى نسخن عليها الميه ... طبعاً ياستى بلاش نصرف فلوس في حجرة أطفال خلي كل شيء بأوانه ... بصى بقا احنا نجيب في حجرة الضيوف سجادة وفي الصالة كمان يلا إنشالله محد حوش لكن بصي بقا خلى حجرة النوم من غير مشيات وموكيت والكلام الفارغ ده نجيب كام مشاية حصير بلاستك الشريف وهى يعنى حاجة محترمة و كويسة ثم غرفة النوم محدش هيدخلها غيرنا .... ثم بقلك أيه أنا هعمل المطبخ والحمام النص بس سيراميك ... وصدقينى بكرا تفرج و هيكمل للسقف..... نصبر داحنا بنأسس بيت المهم والله يا إخوانى ويا أخواتى تكلمت مع زوجتى في هذا الموضوع ... وكانت والله نيتى خالصة وصادقة أنى أريد العفاف .... وكمان كنت واقعى هى دى إمكانياتى الحقيقية... فأنا أري أنى أستطيع الباءة ( تكليف الزواج يعنى ) ( ثم كان في نقطة مهمة كمان يعنى كان الواحد سنه في الوقت ده 27 سنة يعنى لو ربنا أكرمنا بأطفال يكون في نسبة وتناسب في الأدمغة ( يعنى ميكونش في صراع أدمغة وأجيال ) زوجتى قالت لي طيب هتعمل أيه في الفرح قلتلها متقلقيش الحمد لله انا مرتب كل حاجة هتتعمل في المسجد في الدور التانى في دار المناسبات والحمد لله كانت زوجتى عون لي تقنع أهلها وتساعدنى في اجتياز العقبات والحمدلله عشر سنين زواج حاجة بفضل الله جميلة ( لدرجة إن الواحد بيفكر يخوض التجربة دي تانى ) المهم عاوز من حضراتكم تحسبوا انا وفرت كام ألف جنيه .... الكام ألف دول لمّا نحولهم لزمن شوفوا بقا كام سنة عزوبية ( عذاب ) ... أنا علي حساباتى وفرت حوالى 4 سنين ( وكنت بقول ساعة جواز خير من 10 سنين عزوبية ) كمان عاوز من حضراتكم تشوفوا كام فرحة فرحنا بيها أنا وزوجتى علي مدار 10 سنين فرحة التلاجة وفرحة الغسالة الأتوماتيك ... والسفرة وحجرة العيال والتلفزيون والدش و و و و و ... إلخ .... حتى اكتملت الفرحة والحمد لله بشراء السخان مش عارف أوصفلكم فرحة زوجتى وفرحة العيال وكمان فرحتى .... الحمد لله أصل كنا بنأسس بيت وربنا أكرمنا بفضله ... و على رأى الشاعر احمــد ربـك يرضي عليــك واقنع بالمكتوب .... لا تمد عنيك دأهــل زمــان قالـوا زمان أصـل الـرزق دمش بأديــك هتجـري يمين هتجـري شمال ولّـه ميكتـرعنــدك مــال دأهــل زمــان قالـوا زمان راحة البــال مش كترت مـال ........... وانت يا خــويا ياللي عريس اسمـع مني بصـوت مسموع غلا في جهازك دشيء ممنوع وأوعي تكون عليه مفجــوع هتعيش مديون وتموت موجوع زوجـة و جتلك عايـزه تعيش قانعه و راضيه بزوجهـا الأخ دأهــل زمـان قالـوا زمان أوعي تكون مصيده أو فـخ 
|
|
#2
07-07-2010, 03:03 PM
|
|||
|
|||
رد: بركولى الحمد لله اشتريت السخان
هذا اول موضوع لى فى المنتدى قصة قرأتها فأعجبتنى فأردت ان اشارككم بها لأن القيمة التي يعالجها هذا الموضوع قد اندثرت، وأحياها صدق المقولة والقائل. مش عارف الفكرة وصلت ولا لأ ....
|
|
#3
10-07-2010, 03:56 PM
|
||||
|
||||
رد: بركولى الحمد لله اشتريت السخان
مباااااااااارك عليك البيت ربنا يملائه موده وسكينه ورحمه يارب
ربنا يجعل زوجتك واولادك قرة عين لك اللهم آآآمين ويارب البيت يبقى دايما عامر بطاعة الله والذكر والصلاه وزو ماجمعكم فى الدنيا على حبه ويجمعكم فى الاخره تحت ظل عرشه يوم لاظل إلا ظله جزاك الله خيرا على هذه النصائح الطيبه
__________________
@اللهمـ ^بلغنا^ رمضااان@....^_^  
|
|
#4
11-07-2010, 02:38 AM
|
||||
|
||||
|
رد: بركولى الحمد لله اشتريت السخان
السلام عليكم و رحمة الله و بركاته. مبروكة عليكما البيت و السخان، واتمنى لكما دوام الصحة و الصبر على الزمان. أقول. بالنسبة للسخان يجب عليك الحذر منه. 1 المكان يكون واسع لكي يستوعب الأكسجين. 2 نافدة صغيرة لكي يدخل الأكسجين. 3 عدم المكوث فيه كثيرا(أكسيد الكربون خطر على الصحة). *** بارك الله فيكما ولكما. في حفظ الله.
|
|
#5
11-07-2010, 12:51 PM
|
|||
|
|||
|
رد: بركولى الحمد لله اشتريت السخان
سلام عليكم اخى ربنا يكرمك ويعــــزك على الموضوع والنقل الرائع ..
معاك حق فعلااا لازم المعنى دا يرجع تانى .. وكل شاب وفتاة يعرفو فعلاا انهم بيأسسو بيت . ( هنبداء مع بعض ) وااااالف مبــــــــروك الساخن  بس ياترى نوعه ايه 
__________________
|
|
#6
14-07-2010, 12:27 PM
|
|||
|
|||
|
رد: بركولى الحمد لله اشتريت السخان
اقتباس:
جزاكم الله خيرا اللهم امين
|
|
#7
14-07-2010, 12:28 PM
|
|||
|
|||
|
رد: بركولى الحمد لله اشتريت السخان
اقتباس:
جزاكم الله خيرا على هذه النصائح القيمة وبارك الله فيك
|
|
#8
14-07-2010, 12:29 PM
|
|||
|
|||
|
رد: بركولى الحمد لله اشتريت السخان
اقتباس:
جزاكم الله خيرا اختنا الكريمة واعزكم الله وبلاش نوعالسان احسن تبقى دعاية ............ 
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
|
|
Powered by vBulletin V3.8.5. Copyright © 2005 - 2013, By Ali Madkour |
العرض العادي
