بيت ربي...بيت ربي

[عابرة سبيل 78]

السلام عليكم ورحمة الله وبركاته ...


.. بيتُ ربـــي
بسم الله



عن عبد العزيز بن أبي رواد قال: دخل قوم حجاج ومعهم امرأة تقول: أين بيت ربي؟
فيقولون: الساعة ترينه. فلما رأوه قالوا: هذا بيت ربك أما ترينه؟
فخرجت تشتد وتقول: بيت ربي بيت ربي حتى وضعت جبهتها على البيت. فوالله ما رفعت إلا ميتة.
مــــاتت من شوقها لربِّها،،
شوف المعنى جميل ازاي ... واحده بتحب ربنا ... بس مش أي حب ... بتحبه أوي
حاسس قد أيه كانت مشتاقه للكعبه ... ماتت من شوقها لبيت ربها ... بل ماتت من شوقها لربها
وأنت بالله عليك مش مشتاق لبيت ربنا ؟
مش مشتاق تزوره ... مش مشتاق تحس بالأمان والحنان
يعني مش نفسك تحج !!!!؟!!
طيب أكيد كلنا نفسنا نحج ... بس العذر حبسنا أياً كان هذا العذر
طيب أيه رأيك تاخد ثواب الحج وأنت في بيتك
آه والله أنا بتكلم بجد
إسمع لحبيك صلى الله عليه وسلم وهو بيقول :
"إن أقواما بالمدينة خلفنا ما سلكنا شعبا ولا واديا إلا و هم معنا فيه حبسهم العذر" (صحيح البخارى)
يعني أيه ؟؟ يعني احنا هنا ونفسنا نحج وقلوبنا مشتاقه أوي لبيت ربنا
بس غصب عننا محرومين ومش قادرين نروح
يبقى هناخد أجر الحج بهذه النيه (الصادقه)
شوفت كرم ربنا
يبقى لازم دايما توجه قلبك للكعبه والحج ... حس كأنك مع الحجاج .. وأبكي وقل :
اللهم قد حبسني العذر فلا تحرمني الأجر
شوفت دعاء جميل ازاي ... بس المهم صدقك في هذا الطلب
فاللهم قد حبسنا العذر فلا تحرمنا الأجر ... واكتب لنا زيارة بيتك الحرام عاجلاً غير آجل يا كريم
قولو آمييييييين


ايه رأيك هقولك

أعمال توازي الحج والعمره ( 6حجات يومياً )

عندنا أعمال بسيطه جداً تاخد بيها ثواب الحج والعمره ... اسمع وهتصدق

(1) النيه الصادقه : زي ما اتفقنا
(2) صلاة الجماعه : قال صلى الله عليه وسلم " من خرج من بيته متطهراً إلى صلاه مكتوبه
فأجره أجر الحاج المحرم " صححه الألباني .. ( وأنت أختي الكريمه في بيتك تاخذي الأجر بنيتك
مع المحافظه على الصلاه في أول الوقت )
(3) جلسة الضحى : قال صلى الله عليه وسلم " من صلى الغداة "أي الفجر" في جماعه
ثم جلس يذكر الله حتى تطلع الشمس ثم قام فصلى ركعتين انقلب بأجر حجه وعمره " صححه الألباني

كده عندنا 5 صلوات في اليوم = 5 حجات
وجلسة ضحى = 1 حجه
يبقى عندنا أجر 6 حجات كل يوم ... والله يضاعف لمن يشاء
من سيتنافس على هذا الخير ؟
والله لن يسبقني إلى الله أحد

[اخت الاسلام]

السلام عليكم ورحمة الله وبركاته
بارك الله فيك أختي الغالية
ووفقنا واياك لما يحبه ويرضاه
لكن أرجو منك أن تكتبي باللغة العربية حتى يتمكن الكل من الفهم