يا أنا بقى يا الصدفية بقى !!!

[Yasminah]

بارك الله فيك على التوضيح

[فكرى دياب]

ألأخ العزيز .. هنا القاهرة .
أشكرك أخى الحبيب على هذا التوضيح . من ناحية العلاج . ومن ناحيتك أنت شخصيا ..
فأذا بدئنا بك . فأننى والله أتعجب من وصول الصدفية ألى أنسان يحمل كل هذة الروح المرحة الطيبة . طبعا دى حقيقة . مش تسجيد ولا حاجة . ولكن الله يفعل مايشاء .
أما عن الجانب العلاجى : فسبحان الله أخى . لقد قمت بأتباع تعليمات الدكتورة مكتشفتة . دون أى أتصالات معها وعدم وجود هذة التعليمات (داخل نشرة المرهم ) .
ومنها أن سيادتها كانت تنصح أن يتم عمل تخفيف للمرهم فى حالة حدوث أحمرار وحكة للجلد . ولكن ذلك كانت تقتصرعملة على الصيدلية المجاورة لها ولا ندرى ان كانت تتبعها ام لا . وليس هذا بموضوعنا . ولكن كما ترى أنك قمت بعمل هذا التخفيف للمرهم بطريقتين . أولهما هو أنك أنقصت عدد مرات الدهان منة وترك فاصل زمنى بين كل دهان وآخر . وكانت الدكتورة كذلك توصى من يشتكى من الأحمرار والحكة أن يأخذ أى حبوب حساسية بين الدهانات . وأنت قد فعلت ذلك . وهذا يدل على أنك أنسان فعلا تفكر جيدا فى البحث عن ألطريقة المثلى نحو علاج ناجح . عكس بعض ألأخوة ألذين يستخدمون علاجا لأيام قليلة يمكن ثلاثة أو أربعة أيام . ويتوقفون عنة ويقولون أن العلاج لم يفيدهم . وكأنة علاج علاء الدين وصف لهم من المصباح السحرى حقة .
وأنت قمت بدهان الجلد أثناء الحكة بالدهان المخدر الموضعى . وهذا قام بالمطلوب فى عمل تهدئة مؤقتة للحكة حتى يؤتى العلاج ألأساسى بمفعولة المرجو منة . كذلك توجهت وحدك وبتفكيرك الشخصى فى علاج الحالة من الداخل ( عمل تحاليل الكبد ) وعرفت موطن الداء وحاولت علاجة . وهذا عين العقل . انك تهتم بالخارج والداخل معا . وهذا مانفتقدة عند غالبية ألأخوة الباحثين على العلاج .
وآسف أخى للأطالة . ولكنى دائما فى ردودى لا أعتبر نفسى أتكلم مع صاحب الموضوع فقط ولكنى أوجة كلامى لكل من سيقرأه وذلك للأفادة .
بارك الله فيك وشفانا واياك وجميع المرضى . انة ولى ذلك والقادر علية .

[محمد شرف]

السلام عليكم ورحمة الله وبركاته ...
الله يتمم شفاءك على خير أخي هنا القاهرة , و نتمنى من الله عز و جل أن ينعم علينا جميعا بالشفاء التام ان شاء الله ..

[المتفائله444]

ماشالله تبارك الله الله يتم عليك الشفاء بأذن الله

[boukerch]

اشكر عزيزي على هذ الوضيحات القيمة في الشفا من الصدفية ولكن اريد المتابعة لان ابي مريض بالطبح الجلدي ولكن لم اهتد الى اليوم الى العلاج منه وشكرا...

[muna2000sa]

ماشاء الله اللهم اجعلها عافيه تامه واحفضها من الزوال

[البنان2]

أتمنى لك الشفاء اخي الكريم
ولكن اللبن او الحليب المتعارف عليه في الخليج يسبب الجفاف للجلد والله اعلم
ولكن هل فعلا الجلسرين يخفف الاحمرار اتمنى الافاده بارك الله فيك

[عمار الشاطر]

جزاك الله خير

[هنا القاهرة]

السلام عليكم
أمس كنت كتبت كام كلمة كده وحبيت أضيفها هنا لكنا ما أخلفنا الموعد بوسعنا
المهم : اليوم ضايقني كثيراً الموضوع الذي كتبته الأخت ياسمينة عن حالة زوجها نسأل الله له الشفاء التام ونذكرها بقول الرسول صلى الله عليه وسلم :
ما جعل الله من داء إلا وله دواء
ويليتها تتابع معنا هذا البرنامج
أما حبيب قلبي الأخ فكري ...خبرة بقى 21 سنة "اسأل العليل"
ويا عمنا فيه شوية قناعات لو الإنسان وصل إليها هيعرف إن الدنيا لو كانت تسوى عند الله جناح بعوضة ماسقى الكافر منها شربة ماء
وعلى فكرة .... روح الدعابة والمرح إللي انت بتتكلم عنها مش متوفرة عندي في كل الأحوال .... هيه بتيجي كده لكن أنا والعياذ بالله من كلمة أنا لاحظت إني لما با كون عصبي بارتكب حماقات غريبة فابختصار بحاول أبرمج نفسي نخش بقى في الموضوع إللي كنت عايز أقوله
متخفش يا دوب إبرة إيمانية

نقول :

بسم الله الرحمن الرحيم

"أفحسبتم أنما خلقناكم عبثاً وأنكم إلينا لا ترجعون"

قال عنها الرسول صلى الله عليه وسلم

: لو قرأت على جبل لزال

ممكن نقرأها بتدبر وتمعن على

الصدفية ؟لعلها تزول!!

أيه دليلي أن الرسول قال مثل هذا القول ؟

!! وما مدى صحة الحديث ووووووو ..... الكثير من أسئلتنا نحن العرب؟ طيب .... أنا ممكن أذكر كل التفاصيل والواقعة التي قيل فيها هذا الحديث وما سيرد في التعليقات اللاحقة وإن كنت أفضل أن يكون هذا على الخاص كلما أمكن كي لا تضيع أهمية الموضوع في نقاشات جانبية أما الأسئلة العامة حول المرض والنتائج فمرحباً بها .... متفقون ؟؟؟؟؟نكمل؟

" من بات آمناً في سربه معافاً في بدنه حائزاً لقوت يومه فقد جمعت له الدنيا" حديث شريف
اللهم كما أنعمت علينا بنعمتي الأمن والرزق لا تحرمنا الثالثة ( دعوة ليست مأثورة ولكنها من تأليفي أسأل الله بها الشفاء من كل داء)
هه

... أكمل ؟

" خمس من خصال الفطرة : الختان ، والاستحداد ، وقص الشارب ، وتقليم الأظافر ، ونتف الإبط " حديث شريف

أيه علاقة ده بموضوعنا ؟
بالنسبة لي أنا شخصياً ألاحظ أن صدفية الأظافر تزداد سوءاً كلما تركت الأظافر تطول وكذلك الأماكن

( لا .. مش الأماكن كلها بتاعت محمد عبده !!!) تحت الأبط وتحت السرة (العانة) لا تسوء حالتها إلا إذا طال الشعر فيها !!!
أما الختان ملناش بقى دعوة بختان الإناث علشان منقعش في مشكلة مع الجماعة بتوع حقوق المرأة إن قلنا "مع" أو مع المنادين بضرورته إن نحن قلنا "ضد" .... مش موضوعنا يا عم الحاج وصبح صبح


تسمحوا لي بقى أقول حاجة ؟

ماشي متشكر ...

أنا عايز أقول هنا ليه منجعلش

من العادة عبادة ؟ يا سلااااام عمرو خالد يا جماعة ؟؟

يعني كلنا بنقلم الأظافر مثلاً ... طب لو عملنا كده صباح يوم الجمعة من كل أسبوع قبل الصلاة مش نبقى أصبنا السنة ؟ وكسبنا أجر الاقتضاء بالرسول صلى الله عليه وسلم ؟ وكلنا بيشيل الشعر الزائد تحت الأبط وحول الأعضاء التناسلية طيب لو حرصنا على عدم تركه ينمو لأكثرمن أربعين يوم مش برضه نبقى أصبنا السنة وكسبنا أجر النية ؟ كماااااااان كلنا بنستحما يعني نتروش يعني ناخد شاور ...... طيب لو بدأنا بالوضوء وغسلنا الرأس والعنق بالماء مع تخليل الشعر بالماء ثم صببنا الماء على الشق الأيمن وانتهينا بالأيسر مش كده نبقى اغتسلنا بطريقة شرعية وأصبنا سنة النبي صلى الله عليه وسلم واقتضينا به ؟
طب الشامبو وجل الشاور ووووو ؟؟؟ ما نستخدمه بعد ما نعمل كده أيه المانع يا عم الروش؟ ههههههههه
كفاية كده النهارده أحسن تقولوا الراجل ده إدروش ولا حاجة ولا الصدفية أثرت على تفكيره ...... عموماً لو كان حد مننا بيفكر بالطريقة دي هجاوبه بأنه لا يمكن أستغنى عن الأخذ بالأسباب وآدي آخر وصفة علاجية (روشته) كتبتها لي طبيبة أمراض جلدية ...... أمسك !!! سامع حد هنا بيقول عمال يعظنا وقال الله وقال الرسول وأهوه رايح لدكتورة ( واحدة ست يعني ) ... ليه همه الدكاترة خلصوا م البلد ؟؟؟؟؟

عموماً الوصفة تشتمل على دهان للجسم

(أعتقد إني استعملته من قبل) ونوع شامبو للرأس ( لسه جديد علي ) وكذلك مس للأظافر (برضه جديد عليا) وهذه الأدوية لم أشتريها ولم أستخدمها بعد لأني مستمر في برنامجي العلاجي لكن برضه زي ما قلت باخذ بالأسباب رغم إني كنت (نفضت) لأطباء الجلدية من زماااان (نفضت يرادفها في اللهجة الخليجية :غسلت إيدي أما بالفيومي بقى ....... ) المهم أنا قلت في الموضوع ده إني اليومين دول واخد الموضوع تحدي .....

ويا أنا بقى يا الصدفية بقى

..... تصبحوا على خير

الوصفة الطبية الأخيرة "لو حد عايزها" متهيأ لي علاج الأظافر ده ممكن يكون كويس

[هنا القاهرة]

معلهش فيه حاجة كنت عايز أقوله أقبل ما أنسى وهي تتعلق بالجانب الطبي البحت
مفاجأة
فتش عن شيء اسمه
الأنتي بوديز
آه .... الأجسام المضادة
دي بقى الجيش إللي بيطلقه جهاز المناعة لمهاجمة أي فيروس أو مرض
أحياناً الجيش ده بيرتكب أخطاء ويهاجم أهداف مدنية .... آه زي جيش عم بوش بالظبط
100 % مريض الصدفية هيلاقي الجيش ده موجود في دمه أو هيلاقي نسبة الهرمون إللي أنا قلته قبل كده مش مظبوطة (مرتفعة)
طيب نهبط الجيش ده إزاي ؟
فيه أجسام مضادة للبلهارسيا مثلاً ..... على فكرة كانت عندي 640 وهية المفروض ما تزيدش عن 140 تقريباً (محسوبكم كان أحسن سباح في ترعة الابراهيمية بتاعت الصعيد ومازل فيه آثار بلهارسيا قديمة رغم عدم وجود البويضات بتاعتها في التحاليل لأني اتعالجت منها من زماااااااان بس الجيش مازال بيطلق صواريخه إللي أنا باعتقد إنها بتصيب الجلد .... تتظبط الحكاية دي إزاي ؟ بعقار الميرازيد ............ وهكذا فيه مثلاً أنتي بوديز لفيروسات الكبد .... أحرص على وصفة اللبن بالعسل وزيت حبة البركة ... شوب في الصباح وشوب في المساء .... وزنك هيزيد حوالي 10 كجم في أقل من شهر مش مهم بس هتشعر بالصحة والعافية وكمان صفاء الجلد بطريقة عجيبة زي أنا ما قلت" ..... نكمل معاكم الموضوع على خير إن شاء الله
سلام