اللوز !

[بنـ الكويت ــت]

المشاركة الأصلية كتبت بواسطة ساره2000

هلا بنت الكويت الله يشفيك يارب ويعجل بشفائنا اجمعين

اسمعي انا قرات عن القسط الهندي وانه مفيد للوز وانا ان شالله ناويه استعمله والرسول اللهم صلي وسلم عليه موصي فيه

اكتبي القسط الهندي بقوقل وشوفي طريقة استخدامه يارب اكون افدتك

اللهم آمييين ..
جربته والله بالكويت جربته وايد بس ماياب معاي نتيجه الشكوى لله بس
عليه الصلاة والسلااام ..

ماقصرتي

[بنـ الكويت ــت]

المشاركة الأصلية كتبت بواسطة بوسطن

السلام عليكم

نور المنتدى بوجودك بنت الكويت انتى من مؤسسين هذا المنتدى
ونسئل الله لك الشفاء العاجل عندى لك علاج مجرب ممتاز اتمنى يفيد الجميع
استخدام الغرغره بماء وملح 3 مرات باليوم ممتاز جداا وعندى علاج شعبى ممتاز

اسمه التغمز او ترفيع اللوز علاج فعال وممتازيزيل الصديد 100% ويحتاج شخص متمكن والدواء يكون قشر رمان مطحون

وعليكم السلام والرحمه

منور بوجودكم .. ثاااااااانكيوو

الله يعطييك العافيه .. وين شخص متمكن ماكو الا انا والوالد بربوع عمريكا :d
خلها على الله .. انا مشكلتي حتى لو تروح الحين اضمنلك اخذ المضاد وتروح
بس الي ينرفزني انه وييع كل اسبوعين تلتهب ! ياخي هذي غير شغله
والله اني متلهفه ابي اشرب ماي بس ماقدر من الالم ! اشرب بيبسي ولا ماي تخيل ؟
انا الي حللته انه يمكن كثافة الماي اقل من البيبسي بوايد .. فلذلك انا اشرق بالماي
<< من الفراغه قمنا انحلل


ثاانكس

[بنـ الكويت ــت]

المشاركة الأصلية كتبت بواسطة saberalgameel

اللوز اذا التهبت التهاب شديد اكثر من 3 مرات في السنة فيستحسن ازالتها وهذا رأي دكاترة الانف والاذن والحنجرة والتهاب اللوزتين مرتبط ارتباط وثيق بالصدفية

ئي وانا ماشاء الله لوزي محطمه الرقم القياسي بالالتهابات
المفروضادخل موسوعة غينيس
انا راح ادخل الموسووعة لشيين .. كثرة التهاب اللوز
واقل نسبة فايتامين .. بس هذا الي فلحت فيه بدنيتي
<< هذا حظي ؟

حتى تصدق انا الحين مابي اشيلهم عشان الصدفيه
ختولي الصدفيه .. تتنيل بستين نيله
بس عشان الالتهاب والالم يروح !

توني راده من الدكتورة بالعون ماطمنتني

[بنـ الكويت ــت]

المشاركة الأصلية كتبت بواسطة ايهاب العراقي

اهلا بنت الكويت..ماطول عندك ال esr عالي واستعملتي كثير من كورسات الأنتي بايوتك (صارت ماصخة)وماكو فايدة وكل فترة يصير عندج التهاب..فشيليهن رحمة لوالديج وارتاحي من الألتهابات اللي تصير عندج كل فترة..وترى الأكثار من الانتي بايوتك مو زين يأثر على الكبد ..وبما انه الصدفية مرض مناعي فأكيد اكو علاقة بين الصدفية واللوزتين ..وهسه اني قدامج شلت اللوزتين من جان عمري 13 سنة لأن جان كل فترة يصير عندي التهاب بيها وارتاحيت من هالألتهابات..وهي عملية بسيطة ماتطول 20 دقيقة ..وبعد اسبوع تقدرين تتكلمين بعد مايلتئم مكان العملية.

ئييي انا سمعت انه كثرة الانتي بايوتيك تسبب فشل كلوي ! الله يكافينا الشر
بس تعور حيل شيلتها ؟! اشحسيت فيه حزتها ؟!
والحين البلعوم كلش مايلتهب ولا شي ؟!

[بنـ الكويت ــت]

المشاركة الأصلية كتبت بواسطة جودينا

حتى انا مبهذلتني اللوز والتهاباتها المستمره مفكره اشيلهم والدكتوره الحين تقول لي عندك انسداد في البلعوم الخلفي,,,فاذا البلعوم محتاج عمليه بقول لها شيلو بعد اللوز على طريقكم

بنوته زي ماقال لك ايهاب شيليها وارتاحي
وشغله اخيره اقري على نفسك دايما
والله يشفيك

شلووووون البلعوم الخلفي مسدود ؟؟ بسم الله
شتحسين فيه ؟!
الله يكون بعونج
لوول ئي بالضبط على قولتهم زلقه بطيحه ارتاحي عالاقل
سووي العمليه قبلي عشان تقوليلي اتعور او لا لوول خايفه من العوار والله

آميين
ئي ابوي مايقصر والله كل يوم يقرى علي يزاه الله خير\

[بنـ الكويت ــت]

المشاركة الأصلية كتبت بواسطة صدى الدعاء

و الله يا بنت الكويت هالأطباء عندك ما عاجبيني
أنا برأيي ترجعي عالكويت و تروحي لعند أي دكتور عادي و شوفي اذا مابيقول لك تشيليهم (اذا كان هيك وضعك)
لأنو أنا كان وضعي اخف منك بكتييير و رغم هيك شلتهم .
هو صحيح أنا شلتهم على امل انو تروح الصدفية معهم (بحسب ترجيح الأطباء)
بس ما صار ..الحمد لله على كل حال .
و يمكن يكون خير الك ..و تروح الصدفية عندك بعدها ..
أنا كان عمري لما شلتهم 22 سنة يعني ما كنت صغيرةو اتعذبت شوي بعد ازالتهم ..
بس فترة و بتمر ،، و الم ساعة ولا كل ساعة ..
بالنسبة لي انا ما لاحظت اني تأثرت كتير بازالتهم ..بس في ناس تأثروا بذلك.

اهم مايقصرون من ناحية اي شي اقولهم يسمعوني ويعطوني ويه " وش"
بس عيبهم باردين !
حتى لما شافتني اليوم قالتلي دكتورج الجلديه قالي انج بتكلميني وانه سويت هالموعد
عشان نتكلم ونتناقش بالي تحبينه .. احليوين بس باردين !!
يعني شنو ذاك اليوم يقولي انا شاك بسرطان اللجلد ومره سرطان الغدد لاوالمشكله
يقطهم بكل برود لوووووووووول بس والله ضحكني شلون يقولهم
يعني جنه يقولي لا ماطلعت فيج صدفيه طلعت بس حساسيه من الاكل على طريقة بروده وكلامه جنه يبشرني لوول
انا اساسا ماهمتني الصدفيه بس ابي هالعوار والعذاب يروح وافتك
انا داشه عال 20 .. ياساتر !
ميخالف تشرحين لي الي حسيتيه ؟؟
لانه حتى الدكتورة خرعتني اليوم !

[بنـ الكويت ــت]

المشاركة الأصلية كتبت بواسطة المتفائــله بربها

الله يشفيك يابنت الكويت وكثره الادويه ماهي زينه
اقري على نفسك كثييييير وان شاءالله تشفين بإذن ربي
واللوز مافي حل الا تشيلينهم
انا لما كان عمري 7 سنين سويت عمليه اللوز وماكانت فيني صدفيه ويوم صار عمري 10 سنوات جتني صدفيه وانا ماعندي لوز واللحين عمري 22 يعني المده طوييييله

آميين واجمعيين يارب
ئي والله عارفه بس شنسوي ياوخيتي ما باليد حيله
سبحان الله .. ماتدرين شالسبب
جيكتي على موضوع ادكتور صابر عن فطريات الكانديدا ؟!

[بنـ الكويت ــت]

السلام عليكم
خنقولكم شقالتلي الدكتورة اليوم

خذذت مني مسحه عساس اتحددلي المضاد الحيوي الي بتصرفه
تقول في بقع بيضه ! باللوز عندي وييع

المهم

شكلها بتشيلهم بس المشكله تقولي انا الي ماودي اشيلهم لانج راح تتعبيين كثييير
وتقولي ميخالف لما ماتروح عدل مرات مايعطونج مضاد حيوي صح ومن هالكلام
وقالتلي بس الي بخليني اشيلهم سالفة الاختناقات ! انه مو زين
بس قالتلي اذا شلنالهم بيتحسن النفس عندج اما البلع ماله شغل وبالعكس اول الفترات
بتحسين بصعوبة بالبلع قوويه ! ومؤلمه حييل والي اخاف منه توقفين اكل
خاصه انه تغذيتج مو زينه .. وبنفس الوقت الانيميا الي فيني
تقول اخاف تنزفين وايد ونضطر ننقلج دم وانا ماودي بهالشي

قالتلي عموما باجر او عقبه راح ابلغج بنتيجة المسحه واعطيج المضاد الحيوي
لانه مانقدر نسويلج وانتي فيج التهاب
بعدها بكلم دكاتره واشوف رايهم ..

المشكله كلامها تغير بعدين .. لما قتلها انا اخاف من الالم
تقولي لاتحاتين بعطيج مسكنات قويه !
بس معاج احد هني في امريكا ؟ تقولي لانه اسبوع لازم تلازمين الفراش ومن هالكلام

كلامها خرعني بصراحه ! تقولي بس انتي متعوده على الالتهاب فانه ماراح تتعبين وايد ! وتقولي ماتوقع بتتحسن صدفيتج منه
قتلها ميخالف انا بشيلها عساس الالتهاب والعوار مو الصدفيه !

مادري شرايكم ؟

[saberalgameel]

بنت الكويت انت حالتك معقدة جدا .
لم تذكر لي اسم المرض لم تذكري لي اسم المرض الذي يشكون فيه ؟
هل هو cutaneous T cell lymphoma
انا لا اعتقد في هذا التشخيص .
ثانيا تحليل العينات من الجلد بينت انها صدفية فلماذا الذهاب الى تشخيصات اخرى .
ايضا موضوع المريء غريب . الاول شكيت انها تقلصات بالمريء وكان يجب قياس ضغط المريء اما اخر مرة فذكرتي ان المريء ضيق ولم يعرفوا سبب ضيق المريء . اشهر سبب لضيق المريء هو شرب المواد الحارقة مثل الاحماض او القلويات فتسبب تليف في المريء وضيق ويتطلب توسيع كل فترة .
كمان الانيميا عندك . طلبت منك نسبة الحديد في الدم ونسبة TIBC وما هو شكل الخلايا تحت الميكروسوكوب وحجمها هل الخلايا كبيرة ام صغيرة .
لا بد يكون تحليل صورة دم كاملة وعمل تحاليل نسب الحديد في الدم عشان نشوف سبب الانيميا .

[بنـ الكويت ــت]

المشاركة الأصلية كتبت بواسطة saberalgameel

بنت الكويت انت حالتك معقدة جدا .
لم تذكر لي اسم المرض لم تذكري لي اسم المرض الذي يشكون فيه ؟
هل هو cutaneous T cell lymphoma
انا لا اعتقد في هذا التشخيص .
ثانيا تحليل العينات من الجلد بينت انها صدفية فلماذا الذهاب الى تشخيصات اخرى .
ايضا موضوع المريء غريب . الاول شكيت انها تقلصات بالمريء وكان يجب قياس ضغط المريء اما اخر مرة فذكرتي ان المريء ضيق ولم يعرفوا سبب ضيق المريء . اشهر سبب لضيق المريء هو شرب المواد الحارقة مثل الاحماض او القلويات فتسبب تليف في المريء وضيق ويتطلب توسيع كل فترة .
كمان الانيميا عندك . طلبت منك نسبة الحديد في الدم ونسبة TIBC وما هو شكل الخلايا تحت الميكروسوكوب وحجمها هل الخلايا كبيرة ام صغيرة .
لا بد يكون تحليل صورة دم كاملة وعمل تحاليل نسب الحديد في الدم عشان نشوف سبب الانيميا .

ماذكرلي بس قالي كانسر ان يور قلاندز
ئي هذي المشكله بينت انها صدفيه صديديه بس يقولون لي الشي المحير
العلاجات الداخليه ماتفيد معاج اللهم لكريمات .. فقاموا يشكّون بالاكزيما

ممكن توضح ناحية الشرب ؟!
ئي اهم وسعولي اياه سبحان الله شلون فجاه تسكر 5 مل ضيق حيل !
ولما وضعولي انبوب من الانف لي المعده قالولي عندي ارتجاع بالاحماض
..

الانيميا قالولي 9.9 بس هذا الي اعرفه
وانه فايتامين د 6 ..

بسئلك اهم مو نقلولي حديد بال iv وانه وقفوه لاني تعبت حييل
مايقدرون يسوولي اياه نفس المغذي ؟ يحطولي اياه نقطه نقطه !
لو لمدة اسبوع ! وتكون الجرعه قليله .. مايقدرون ؟

انا اخاف جسمي ماتقبل لانه الجرعه يمكن كانت كبييره
لانه والله عرق ايدي لو تشوفه حزتها شلون سار كبير بتخترع ! احس زين مانفجر
..