سواليف عقب عصر قربوا الفستق وتعالوا نتقهوى

{ ريم } · #1 18-04-2011, 01:22 AM

تسلم اخوي ابو ريماس كثر الله خيرك على الفستق

اقتباس:

ما هي المراحل أو العلامات التي تنبئ عن قرب الشفاء من الصدفية ؟

امممم لما استخدمت الدايفوبيت كان مفعوله سحري ماكنت ادري ان فيه كرتزون
لكن انا من النوع اللي ناسبني كثيرررلما كانت البقع كبيره ، بدايه الشفاء يكون وسط الصدفيه
املس (مافيه قشور) ولما تختفي يصبح لونها اغمق من الجلد يعني بني فاتح .
ولما تحولت الهانم الى نقطيه ماتركت لااثر ولا لون < توهقت بالشرح

لاهنت ابو ريماس اسئله مميزه ومفيده ...
دمت بود

أبو ريماس · #2 20-04-2011, 01:23 PM

اقتباس:

المشاركة الأصلية كتبت بواسطة { ريم }

تسلم اخوي ابو ريماس كثر الله خيرك على الفستق

امممم لما استخدمت الدايفوبيت كان مفعوله سحري ماكنت ادري ان فيه كرتزون
لكن انا من النوع اللي ناسبني كثيرررلما كانت البقع كبيره ، بدايه الشفاء يكون وسط الصدفيه
املس (مافيه قشور) ولما تختفي يصبح لونها اغمق من الجلد يعني بني فاتح .
ولما تحولت الهانم الى نقطيه ماتركت لااثر ولا لون < توهقت بالشرح

لاهنت ابو ريماس اسئله مميزه ومفيده ...
دمت بود

هلا هلا هلا والله بأخيتي ريم وش دعوه حق وواجب ما سويت شي جعل ربي يعافيتس

وعلى طاري العافية وش علومتس انتي وبزاز ابو شادي بشريني تكفين عن أخبار الصدوفة خانو بعد استعمالتس له؟ وش اللي صار ؟

أنا بالنسبة لي بعد استعمال دام اسبوعين واسبوع ثالث تدريجي يوم بزاز ويوم دايفونكس مخفف بفازلين النتيجة كانت جيدة جدا ثم مع الأسف بدأت القشور ترجع بشوي شوي والحين صارت يابسه بشكل غريب أول مرة أشوفه

وش تتوقعين منه هالتيبس ؟ مع ان القشور خفيفة جدا !!! لكن الصدفية صايره يابسه ومتشققه كأنها ارض اصابها الجفاف !!!

{ ريم } · #3 22-04-2011, 05:37 AM

اقتباس:

المشاركة الأصلية كتبت بواسطة أبو ريماس

هلا هلا هلا والله بأخيتي ريم وش دعوه حق وواجب ما سويت شي جعل ربي يعافيتس

وعلى طاري العافية وش علومتس انتي وبزاز ابو شادي بشريني تكفين عن أخبار الصدوفة خانو بعد استعمالتس له؟ وش اللي صار ؟

أنا بالنسبة لي بعد استعمال دام اسبوعين واسبوع ثالث تدريجي يوم بزاز ويوم دايفونكس مخفف بفازلين النتيجة كانت جيدة جدا ثم مع الأسف بدأت القشور ترجع بشوي شوي والحين صارت يابسه بشكل غريب أول مرة أشوفه

وش تتوقعين منه هالتيبس ؟ مع ان القشور خفيفة جدا !!! لكن الصدفية صايره يابسه ومتشققه كأنها ارض اصابها الجفاف !!!

هلا هلا بك اخوي ابو ريماس تسلم ربي يعافيك
بخصوص علاج ابو شادي استخدمت 3 علب وفي البدايه النتيجه ممتازه
اختفت القشور والاحمرار ومكان الصدفيه لونه ابيض < غريبه
والمعروف ان اذا شفيت تماما يكون مكانها اغمق من الجلد
وبعد ماخلصت العلب تركته وبدات ترجع شيئاً فشيئاً
والان الله بالخير مبتذه في كل مكان وبمختلف الاحجام بس الاغلب نقطيه .

اقتباس:

والحين صارت يابسه بشكل غريب أول مرة أشوفه

لا تفكر فيها وان شالله خير ويارب تكون بدايه الشفاء .

اقتباس:

وش تتوقعين منه هالتيبس ؟ مع ان القشور خفيفة جدا !!! لكن الصدفية صايره يابسه ومتشققه كأنها ارض اصابها الجفاف

جاتني فتره نفس كذا وربي وماعرفت وش السبب
جربت الماء والملح + الترطيب وتحسنت الاوضاع من ناحيه الجفاف فقط
اما الاحمرار مازال .

الله كريم ..
يارب اشفنا عاجلا غير اجل ..

الذين يشاهدون محتوى الموضوع الآن : 2 ( الأعضاء 0 والزوار 2)