ابسط طريقة لتحضير الكريم

[miramar]

بناءا على طلب العديد من الاعضاء عن كيفية تحضير الكريم
اليكم ابسط الطرق
طبعا فى طرق كتير و فى مواد خطر نستخدمها الا بحظر شديد فحاولت استبعادها قدر الامكان تحسبا لسوء استخدام او عدم دقة التحضير

و طبعا عشان محدش يزود حاجة الكريم خالى من الفازلين لان لو حطينا فازلين يبقى قلبناه مرهم و نبقى بوظنا كل حاجة

اليكم تحضيرة الكريم
1-مثلا نفترض اننا عندنا نوع معين من الزيت او حتى خليط هناخد من الخليط دة مقدار ملعقة
2-و نضيف علية نصف ملعقة زيت كبد الحوت او اى احماض دهنية غير مشبعة اخرى
3-نضيف على الخليط ملعقة كبيرة من بودرة اليسثين
4-نخلطهم جيدا باستخدام الخلاط و طبعا فى جهاز تانى عندنا فى الصيدلة بنستخدمة فى الخلط و له طريقة معينة بس احنا بندور على البديل الاسهل و اللى يكون موجود عند الغالبية العظمى
5-بعد مخلطناهم جيدا هنجيب ملعقة من الجيلاتين لوحدها بعيد عن الخليط و و نضيف عليها 8/1 كوب ماء بارد و نتركها 5 دقائق مثلا ليتشرب الماء ثم نضيف نصف كوب ماء مغلى و يقلب جيدا الى ان يبرد الماء و يذوب الى حد ما و بعد كدة نضيفهم للخلطة الاساسية فى الخلاط و نخلطهم جميعا حتى يعطوا قوام متجانس
و ممكن فى النهاية نضيف قليل من زيت اللافندر للخليط لتحسين الرائحة و كمان هو مفيد للصدفية

و كل واحد يضاعف الكمية لهذة التحضيرة لازم يلتزم بنفس النسب للمقادير مع انى انصح بعمل كميات قليلة لان الكريم يتغير و يفسد اسرع من المرهم بالاضافة طبعا الى ان عمليات الحفظ بالطريقة اليدوية تكون اقل جودة بكثير من الكريمات المصنعة فى مصانع الادوية و خلافه
و ياريت لو نضعة فى ثلاجة مثلا

اتمنى ان يكون شرحى مبسط
و بالنسبة لاماكن تواجد هذة المواد ممكن فى الصيدلية و الزيوت من العطارين
و الله الموفق

ملحوظة:المراهم افيد لحالات الصدفية او بالتحديد الحالات التى تحتاج الى ترطيب
و انا بس حبيت البى طلبكم و اجيب عن سؤالكم عن كيفية تحضير كريم من الزيوت
(اللهم بلغت اللهم فاشهد)

[خويلد الجزائري]

بارك الله فيك اخت ميرمار واحسن اليك ويبقى على الراغبين في صنع مثل هذه الخلطات ان يتحققوا من المواد او يستشيروا اهل العلم في ذلك .
والحمد لله اانا نجد في ملتقانا هذا امثـــــــــال الاخت ميرمار بارك الله فيها

[طائر سعيد]

السلام عليكم
شكرا اختنا الغاليه ميرامار على تلبية الطب والافاده

[بوسطن]

الف شكر اختى ميرامار بارك الله فيك وجزاك كل الخير

[saberalgameel]

بارك الله فيكي اخت ميرامار .
بس للاسف لم اجد الجيلاتين هنا في السعودية ولا حتى الصودا الكاوية وكثير من المكونات مش عارف الاقيها فينيا ريت لو حد يعرف يدلنا

[المتفائله بالشفاء]

تسلم اياديك على هالموضوع
موفقه دوووما

[reem50]

شكرا ميرمار الله يعطيك الصحه والعافيه وتعطينا مواضيع مفيده

[miramar]

المشاركة الأصلية كتبت بواسطة خويلد الجزائري

بارك الله فيك اخت ميرمار واحسن اليك ويبقى على الراغبين في صنع مثل هذه الخلطات ان يتحققوا من المواد او يستشيروا اهل العلم في ذلك .


والحمد لله اانا نجد في ملتقانا هذا امثـــــــــال الاخت ميرمار بارك الله فيها

الله يكرمك دة بس من زوق حضرتك

[miramar]

المشاركة الأصلية كتبت بواسطة طائر جريح

السلام عليكم


شكرا اختنا الغاليه ميرامار على تلبية الطب والافاده

لا شكر على واجب
انتم تامروا

[miramar]

المشاركة الأصلية كتبت بواسطة saberalgameel

بارك الله فيكي اخت ميرامار .
بس للاسف لم اجد الجيلاتين هنا في السعودية ولا حتى الصودا الكاوية وكثير من المكونات مش عارف الاقيها فينيا ريت لو حد يعرف يدلنا

المشاركة الأصلية كتبت بواسطة saberalgameel

بارك الله فيكي اخت ميرامار .
بس للاسف لم اجد الجيلاتين هنا في السعودية ولا حتى الصودا الكاوية وكثير من المكونات مش عارف الاقيها فينيا ريت لو حد يعرف يدلنا

ملحوظة هامة جداااااا
انا لم اذكر طريقة التحضير بالصودا الكاوية تحسبا لسوء الاستخدام لان لو وضعت على
الجلد قبل ان تحضر جيدا على هيئة قاعدة الكريم
او حتى الشخص لمسها بللخطا قبل الخلط
قد تحرق الجلد و لم اذكر لها تركيز ولا اى شيء و ارجو من حضرتك الا تذكر هذة الطريقة لان مينفعش اى حد يعملها و ممكن تضر اذا ما تم تحضيرها بدقة
و ذلك لاننا لابد ان ناخذ فى الاعتبار جميع الاحتياطات قدر الامكان

و بالنسبة للجيلاتين ممكن حضرتك تسال عليه فى كلية الصيدلة لو موجودة فى المدينى اللى حضرتك فيها لان كنا بنستخدمه كتير فى الشغل ايام الدراسة
او حتى فى محلات للمواد الكميائية ممكن يكون موجود فيها بسهوله