طريقة عمل المخبوزات التركية فى المنزل

[ابوالوليد المسلم]

طريقة عمل المخبوزات التركية فى المنزل




مى الشامى

مخبوزات تركية



تعتبر المخبوزات التركية من أكثر المخبوزات التى يقبل عليها الناس وعلى الرغم من ذلك إلا أنها غير متواجدة بشكل كاف فى المحال والأفران، لذلك نقدم لكِ طريقة عمل المخبوزات التركية فى المنزل.



مخبوزات تركية


المقادير


4 كوب دقيق

2 ملعقة كبيرة لبن بودرة
نصف ملعقة صغيرة ملح
4 ملاعق كبيرة زيت
2 ملعقة كبيرة زبادى
(ملعقة كبيرة خميرة فورية + ملعقة كبيرة سكر وندوبهم فى كوب ماء دافئ ونغطيهم 5 دقايق)

ماء دافى للعجن




الطريقه


نخلط الدقيق واللبن البودرة والملح ونضيف خليط الخميرة والزبادى ونضيف ماء دافي لحد ما تلم حوالى ربع كوب وبعدين نضيف الزيت ونغطيها 45 دقيقة


نفرد العجينة ونقطعها شرايط طويلة وعريضة ونفردها شوية ونضيف الحشو، حطى لحمة مفرومة متعصجة وفلفل أخضر وممكن نحط أى حشو.


ونقفلها ونضغط على الأطراف بالشوكة ونحطها فى صينية فيها ورق زبدة مدهون بزيت أو سمنة وندهنها بخلطة التلميع عبارة عن (ملعقة صغيرة قهوة سريعة الذوبان مذابة فى ملعقة صغيرة ماء دافى ونخلطها مع بيضة ونصف ملعقة صغيرة خل ) ونرش سمسم وحبة البركة وندخلها فرن ساخن على حرارة 200° حوالى ربع ساعة لحد ما تاخد لون ذهبى وبالهنا والشفا.