خرافات جدتي وجدك!!!!!!

[Riwaa Mahmoud]

بسم الله الرحمن الرحيم

* اذا انكسرت كاسة بيقولوا: انكسر الشر
(تقولوا الشر مخلوق من الزجاج)

* اذا مر حدا فوق الطفل ما بقا يطول

* قص الاظافر بالليل مو منيح
(لا تسألو ليش ما بعرف ولا حدا بيعرف بس مو منيح و خلص )

* رش المي فراق

* للي بيفوت على بيت جديد بيفوت معه
عرق اخضر و مقص و مصحف و يدخل بالرجل اليمين
(واللي بيعمل غير هيك يا ويلو )


* اذا زحف الولد او زقزقت العصافير معناها جاينا ضيوف

*اذا طنت ادنك اليمين حدا عم يحكي عنا بالمنيح
و اذا طنت اليسار معناها حدا عم يجيب سيرتنا بالعاطل
(واذا طنوا مع بعض معناتها طرشت عليك العوض )

* اذا كان في خناقة بيقولوا اقلبوا الصرامي لتحمى الخناقة

* اذا رفت عيني اليمين بيكون جاينا خبر طريف
واذا رفت عيني الشمال بيكون جاينا خبر مو منيح
(اما اذا رفوا سوى فأنت اكيد احول )

* اذا حكني حاجبي معناها بدنا نستقبل حدا جاي من السفر

*إذا حكني كفي اليمين معناها بدي أقبض مصاري
و إذا حكني كفي اليسار معناها بدي أدفع مصاري
(اما اذا حكوك الاتنين بقى فأنت اكيد جربان روح تحمم )

* و ما بصير الحمام بالليل
(طبعا شي بديهي لأن اكيد المي بتكون مقطوعة )

*و ما بينفع كب المي بالبلوعة بالليل
من غير التسمية بالله
والاستعاذة أولا
(يالطيف مشان ما يأذونا ولا نأذيهن)
بس عرفتوا مين هدول؟؟؟؟؟؟؟؟؟؟؟؟؟؟........... ولا انا !!!!
بس هالأيام صار الشيطان يخاف منا

*واذا شفت مقص مفتوح لازم فورا تسكرو
( لانو المقص الفاتح تمو بيعمل خناق )

*وإذا عمل العصفور تحتو على الأواعي يعني جاييكون رزقة
(وما لازم تغسل ملابسك شي سنة وانت عم تستنى الرزق)

*و دلق القهوة رزقة كمان .......... جخو

*و شرب المي بعد القهوة قلة زوء
(حتى لو اتشردقت موت ولا تشرب مي )

*و اذا الولد الصغير كتير ابن الشهور عم يضحك لحالو
بيقولو الملايكة بتكون عم تحاكيه يعني يمكن خبرتو شي نكتة

* كمان يلي حامل بصبي بتتباشع واذا حامل ببنت بتحلا ..........
واللي بتضل على حالا هي وحامل رح تجيب سعدان يعني !!!!

* وإذا الطفل قعد بالصينية وهي عالأرض بيرتعبوا لأنه
هاد الولد رح يضيع
(ويمكن يتشرد هاد اذا ما طلع حرامي كمان )

* و كمان إذا حدا صبلك شاي او قهوة وملى الفنجان كتير
بكون قلبوه مليان منك واذا صبها ناقصة هدا دليل
على انو هالشخص ناقص ......... بقا لاقيلا حل اذا بتلاقيلا

*واذا عندك ضيف اتقيل دم وبدك يروح من عندك على السريع شك دبووس او عدة دبابيس بأيد المقشة او اقرأ سورة الزلزلة
(بس اكيد في عالم اذا بتقرأ القرأن كله بيضلوا لزقة فلا تحاول)

*واذا خايف من عين اتصيبك جيب ورقة واكتب عليها
اسم الشخص الي خايف من عينو وغزها بالدبوس
وانت عم تقراء المعوذات وتقول من عين افلان و تنفخ...
وفي حل تاني انك تروح تشيل عيونه وبلا وجعة هالراس

*والي بيعدّ النجوم بيطلعلو تالولات بايدو
(بس اذا حسن يعدهم ما بيطلع شي )

*وبعد ما نخلص صلاة نطوي السجادة مشان
الشيطان ما يصلي عليها
(على أساس هو بيصلي يعني!!!)
وبالنهاية
للي مابيعرف
ميثولوجيا : علم الاساطير والحكايا اللي مالا اثبات تاريخي او علمي او ديني او اي شي غير انو حكايا

ههههههههههههههه

[عبق الأحبة]

هههههههههه اتعلمي اختي
يمكن شي منهم يطلع صح
يبارك بعمرك يارب

[بشرى ملاك]

ههههههههههههههه

مشكوووورة اختي

[وردة البيلسان]

ههههههههههه ،،
بس اجدادي مو هيك ، شكرا كتير ع الموضوع

[Riwaa Mahmoud]

عبق الاحبة
بشرى ملاك
وردة البيلسان
شكرا لمروركم العطر جميعا

[إسلامنا نور]

ههههههههههههه اضحك الله سنك اختى الحبيبه مثل ما اضحكتينى

[Riwaa Mahmoud]

شكرا لمرورك العطر عزيزتي

[قلبي لله]

و ما بينفع كب المي بالبلوعة بالليل
من غير التسمية بالله
والاستعاذة أولا
(يالطيف مشان ما يأذونا ولا نأذيهن)

اماااا هااااااذي كثري منها
هههههه اضحك الله سنك ياقمر

[Riwaa Mahmoud]

المشاركة الأصلية كتبت بواسطة قلبي لله

و ما بينفع كب المي بالبلوعة بالليل
من غير التسمية بالله
والاستعاذة أولا
(يالطيف مشان ما يأذونا ولا نأذيهن)

اماااا هااااااذي كثري منها
هههههه اضحك الله سنك ياقمر

شكرا لمرورك العطر يا عسولة

[ورد جوري]

الحمد لله الذي انعم علينا بنعمة العلم
....
لكن لفت نظري نظري اختي الكريمة
في فقرة دخول البيت الجديد ضرورة الدخول بالرجل اليمنى
فهو ليس من التخريف اختي الكريمه
على المسلم ان يدخل دوما بالرجل اليمنى لاي مكان يقصده ماعدا الحمام فيدخله باليسرى
وعن اصطحاب المصحف فأراه شئ جميل ان يكون المصحف معنا في اي مكان
بارك الله فيكِ واسعدكِ