أرجووك فضيلة الشيخ فسر حلمي.....!!!!!!!

[ريووون]

السلام عليكم ورحمة الله وبركاته

حلمت أن أنا وأختي كنا ف مكان ف بلد الوالد رحمه الله وكان هالمكان محاط بسور من نحاس أو أسلاك نحاسية وبعدين شفت أخوي اللي إنتقل إلى رحمة الله يوم الجمعة 1 شوال وكان يمشي خارج المكان المحاط بالأسلاك ولابس قميص وبانطلون لونهم أحمر وقلت لأختي شوفي هناك أخوي خالد وناديته وأول ما سمع صوتي ركض وقلت لأختي إركضي وراه وأنا طلعت وراها أركض وبعدها ما شفت أختي ظليت انا راكضة ورا اخوي ودخل ف مزارع موجوده أصلآ ف البلد بس ف الحلم شفتها خضراء وكان فيه مجموعات متفرقه من الرجال وظليت أركض وراه وشفت قدامي رجل كبير بالسن ومعاه حيوانين واحد صغير وواحد كبير كأنهم أبقار أو جواميس ولونهم أسود ناديت ع الرجال عشان يمسك أخوي بس ما رد علي وجا صوبي الحيوان الصغير اللي معاه وأصدر صوت من أنفه يحاول يخوفني عشان أبطل أركض خلف أخوي بس أنل تجاوزته وبعدها الحيوان الكبير سوى نفس الحركة وأيضآ تجاوزته وناديت أخوي قلتله إرجع أريد أكلمك بس عصب علي وقال:إيش تريدي مني؟؟؟الحين تريديني أرجع؟؟؟وينكم عني اول؟؟؟مستحيل أرجع ولو سمحتي لا تركضي وراي أكثر من كذا...بس ظليت أركض لحد ما طلع لمكان مرتفع شوي وطلع عبر ممر ضيق كأنه مجرى نزول الشعاب...وأنا أحاول أطلع شفت بنت صغيرة نازله من نفس المكان اللي طلعله وف يدها طفل رضيع أنا وقفت وسألتها من وين جبتي هالولد؟؟قالت حصلته ف الجبل وعطيته حليب ومشت البنت وأنا مشيت ورا البنت وكنت ألاعب الطفل وهو ف يدها ونسيت ملاحقة أخوي وصحيت من النوم.
الإسم والعمر:ريان 28 سنه
العمل:ربة منزل
الحالة الإجتماعية:متزوجة
الأمراض التي تشكو منها ..إن وجد:ما في مرض محدد بس دايمآ أحس بضيق تنفس وصداع
بلد الإقامة:سلطنة عمان
هل يوجد أطفال؟:نعم ولله الحمد ولدين وبنت
هل تؤدي الصلاة؟:نعم والحمد لله
كم مضى على الرؤيا؟:أقل من شهر
للنساء..هل أنتي حامل؟:ربما لا أعلم حتى الآن...الله أعلم.

^
^
أرجو من فضيلة الشيخ تفسير الحلم في أسرع وقت ممكن لأني كثيرآ أفكر ف الحلم وأتسائل يا ترى ما هو التفسير...وعسى خيرآ إن شاء الله
جزاكم الله خير الجزاء وأسأل المولى جل علاه أن يتغمد أخي واسع رحمته ويدخله جنات النعيم...دمت بحفظ الرحمن.

[ريووون]

لاإله إلا الله محمدآ رسول الله
^
يا شيخ فااااااايز الله يجزاك كل خير فسرلي حلمي لأنه تاعبني
يرحم الله والديك...ووفقك المولى لما يحب ويرضى