اخصائية الاعشاب مزين عواودة تكتشف وصفة لعلاج الصدفية

[المتفائــله بربها]

المشاركة الأصلية كتبت بواسطة المتفائــله بربها

مرحبا دكتوره زينه

كيف حالك ان شاءالله بخير
انا قلتيلي انو عندك فطريات كنديدا وحاليا اسوي مرميه مضمضه ،
واشرب منقوع البابونج يوميا كوب ،
واسوي شاي خلنجان مع قرفه يعني مو منقوع لا اخليه يطبخ صح هييك !؟
والنظام الغذائي اصلا انا ما اكل لحوم كثير الحلويات احاول قدر المستطاااع
وبالنسبه للخبز الابيض اقدر استبدله بالخبز الاسمر او مايسمى بالبر :
والقرنفل كيف استعمله ؟؟
جزاااااااك الله خير على كل شي تقدمينه لنا وجعله في ميزان حسناتك ..

ارجو منك الاجابه على اسئلتي دكتوره زينه جزيت خيرا
اختي نسرين وضحتلي بس انا اللي عندي قرفه وخلنجان مطحون ماينفع ؟؟
ودكتوره انا عندي في مقدمه اللسان نقط سوداء ماعرف شو هي واحيانا تخف واحيانا تكثر بدون سبب ؟؟
وانا خايفه كثيييير من هالنقط !!
جزاك الله خير ياليت تريحيني

[اياد9]

الاخت زينة
لو سمحتي انا عم اشرب كل يوم صبر حضرمي (ربع معلئة مع نص كاسة مي) طبعا طعمو مر جدا طبعا هو مسهل لاني حسيت انو مريض الصدفية بيصير عندو امساك
وتاني شي نوصفلي اكل اللوز الني انو مضاد للحكة
فشو رايك يا دكتورتنا الغالية

[reem50]

شكرا لك اختي العزيزه زينه
واعتذر لعدم تواجدي في الموضوع لاني ادخل مسرعه وحالتي في البيت مثلك مشغوله
المهم عزيزتي ماتقومين به من عمل هنا من نصائح وشرح للموجودين شيء جميل تشكرين عليه
واتمنى تعطيني موقعك على الفيس بوك من فضلك كي اقراء ماتكتبين
احتفظت بصفحات الموضوع خاصة الاخيره لاقراءها بتروي ولي عوده االيك
تقبلي فائق احترامي واعتزازي بتواجدك معنا وشكرا لك
عندي الايميل الذي [email protected]
فقط لو تكرمت موقعك او اسمك على الفيس بوك كي نتواصل

[سارة 22]

كيفك اخت زينة ان شاء الله امورك بخير الله يعينك على امورك
انا هلا الي كم يوم مخلصة العلبة الاولى وعم بدهن بالتانية والاعشاب والدوا بقي كمية قليلة منهم
بس الصدفية عم تزيد عندي وطلعلي بمناطق جديدة كم حبة صغار وجبيني كتير صار صدفية وجهي كاني محروقة والكل عم يستغرب منها وعم بقولولي اوقف استعمالو لانو ما بين اي فائدة للعلاج ختى الان
بس انا متاملة خير متل ما قلتيلي ...يعني هل اكيد راح ترجع تخف بعد ما تزيد طمنيني اختي ,يعني كل الي بستعملو عم بصير معهم هيك
انا كانت نقطية وصغيرة وما عليها قشور لما بدات استخدم علاجك بس هلا كبرت كتير وصار عليها قشور
نفسيتي صارت سيئة
اديه العلاج بياخد وقت ؟؟؟؟؟ حتى اطمن

[عازمة على شفائه]

عزيزتي سارة هونيها بتهون.....ان شاء الله انو ينكتبلك الشفاء بهالدواء يا رب العالمين....واهم الشيء النفسية يا سارة.....مو اتفقنا يكون عنا ثقة بالعلاج الي عمبنستعملو؟؟عشان يجيب فائدة؟؟؟صحيح يا سارة؟؟؟انا والله بعرف انك خفتي لما زادت بس الدكتورة طمنتك انو اولها بتزيد واكثر من دواء ايجابي كان في بدايتو يزيد الصدفية شوي...متل الدهيمية مع ام ناصر على ما اعتقد....اولها زادت بعدين الحمدلله رب العالمين شفيت.....تفاءلوا بالخير تجدوه.....انسي الصدفية ولا تدققي كل يوم بالمراية عبال ما تخلص المدة......تمنياتي لكي يا سارة بالشفاء العاجل يا رب العالمين...عزيزتي الخالة ريم....من الايميل الخاص بالاخصائية زينة اعملي searchعلى نفس الايميل....بطلع اسمها على ما اعتقد انو ...zena zenat وهو بالانجليزي مسجل.....وفيه صور للمنتجات ......اتمنى اكون افدتك يا خالة.....تحياتي لكي....

[reem50]

شكرا عزيزتي عازمه وجدت الصفحه وطلبت الاضافه

[reem50]

من فضلك دكتوره زينه هل هناك اعشاب او زيوت تنصحين بها لعلاج التهاب الغدد الدهنيه في فروة الراس عندما تكون مزمنه ولكي جزيل الشكر
وابني المصاب بالصدفيه تكرر عنده الاصابه بالتهاب الفم واللثه وسقف الفم وضهور بقع فيها ولايمر شهر الا تجدد الالتهاب هل من علاج من فضلك

[zena221]

السلام عليكم
متاسفه لتاخري عليكم بس والله والحمد لله مشاغل شويه
اياد الصبر وقفي حالا لانو بعمل كسل بالامعاء بعد فتره اكثر من اسبوعين
احنا بالطب البديل بنعطيه لمدة اسبوعين فقط للامساك المزمن القاسي
اذا عندك امساك عادي حاول ا توكل كميات كبيره من الطعام ويكون طعام فيو الياف مثل سلطات وقشور وهيك واشرب ماء منيح والظاهر عندك خلل بحركة الامعاء الغليظه داوم كل يوم قبل لنوم بكاس منقوع البابونج وهو: ملعقة ن ازهار البابونج داخل كاس يضاف اليه ماء مغلي يغطى لمدة 10 - 15 دقيقه يصفى ويشرب

نسرين
شسوفي حبيبتي الطب البديل والطب التقليدي يلى احنا كل يوم بنتعالج فيو وهو طب الكيماوي مش متفقين بالمره
خاصة لانو النباتات ما بتعطي مفعولها سريع لذا الطب التقليدي والاطباء اغلبهم ضدد العشاب منها لانو مش سريع ومنها لااراء مسبقه لانو بعض المعالجين بتاجروا بالناس والمرضى وما بعطوا الشئ الصح من اجل المال وحتى من غير معرفه فبضروا المريض وبضطر الطبيب يصلح وراهم وبتغلب وبغلب المريض فالغضب هاذ عمل فجوه كبيره من نوعين العلاج وسحب الثقه من الاطباء للطب البديل
ا بعرف شو رد فعل طبيبك بالنسبه لعلاج النباتات واكيد راح يقلك فش علاج للصدفيه وهاد صحيح لكن عنا او عندي علاج اللي من غير كورتزون ونباتات فقط وبرجع الجسم لحالتو الطبيعيه لكن بدك اضللي مداومي معاي عطول
بالنسبه للكبسولات بدك تسالي الطبيب انا ما بعرف شو بعطيكي اذا كان فيها كورتزون بدك تكوني حذره
انا شخصيا ما كنت باخذ كبسولات تحتوي على كورتزون ولا حتى كريم

ازمة جلد هي اوبيك درمتيتس
بتشبه الصدفيه بقع حمراء مع كه ومؤلمه

[zena221]

ريم
تسلمي حبيبتي الله يخليكي ويبارك فيكي
واشهد الله اني هون لوجهه الكريم وان شاء الله قديش بقدر اساعد راح اساعد باذن الله عشان اكون يوم الحساب امام ربي باني ما بخلت بالعلم يلي ربي بفتحلي طرق لاوصلو ان شاء الله

كمان شويه شي كم يوم بكون بالفيس بوك الخاص اللي ان شاء الله ان شاء الله بما يشبه الموقع يلي راح يكون فيو اشياء كثيره مفيده لالكو عن الزيوت والنباتات وغيروا
بالنسبه لفروة الراس والتهاب الغده الدهنيه اسمها سابوريه
شوفي شو تعملي بالوقت الحالي
كاس من بذور حبة البركه + لتر ماء = غلي لمدة نصف ساعه على النار انتبهب اخفضي النار بس تغلي البذور والا راح تفور الماء والبذور على الغاز وتبلشي تنظيف

بعد ما يغلوا بنصف سااعه تظفئي النار وحطي كمشة من ازهار البابونج عليهم وغطيهم واتركيهم ليبردوا
بس يبردوا صفيهم واغسلي راسك فيهن وبهيك راح تساعدي حالك كثير اعملي هيك كل يوم على الاقل مره واتركيه ما تغسلي بالماء عشان هيك اعمليه قبل النوم

ساره حبيبتي قلبي معك والله يكون بعونك صار عندي كثير حالات هيك وتالمو بشكل بذكر وحده عمرها 34 ما قدرت تكمل ورجعت لابر الكورتيزون بس اللي كان عندهم الصدفيه اكثر من 7 سنين بعرفوا انو الكورتيزون ما بفيد كثير بس لفتره وبرجع كلشي كما كان والفتره حتى قصيره جدا عشان هيك اضطروا يصبروا شويه وكانو يعملو المنقوع يلي ذكرتوا لريم في الاعلى وكان يساعدهم كثير
بس همي كانو يغسلوا كل جسدهم مش بس الراس
مكتوب بالاعلى كيف تغلي حبة البركه اللي هي عنا معروفه بالقزحه وتنقعي البابونج معهم اعملي هيك واغسلي كل جسمك

اناان شء الله يوم الجمعه هاي القادمه علينا بالقدس جاي اصلي بالاقصى انا وزوجي وافقد خواتي اللي بتعلمو هناك راج اجبلك معي كميه من الكريم وصابون وكرين خاص للبشره الوجه يعني ولشادي كمان راح اكون معاه باتصال ان شاء الله

عليكي بالصبر خيتا ما دهني كريم الصدفيه على وجهم خلال النهار غسلي وجهك بمنقوع البابونج فقط

[nisreen1811]

الله يعطيك العافية دكتورة زينة
الحمد لله الكبسولات ما فيها كورتيزون - الكريم بس وخلصناه
طيب يا دكتورة للفطريات انت وصفتيلي لبنتي ميرمية يومين و5 ايام قرفة+قرنفل+خولنجان شاي ودهان - كم الفترة المطلوبة للشفاء ان شاء الله

الله يوفقك ويسعدك يا دكتورة ويفرح لك قلبك يا رب