اخصائية الاعشاب مزين عواودة تكتشف وصفة لعلاج الصدفية

[nisreen1811]

الف شكر لك يا اعز دكتورة على قلبي
الف شكر الك :d
وبتمنى من الله يوفقك للخير النا والك ويجزيك عنا بكل الخير والفرح والامل اللي بتعطينا ياه وان شاء الله قادر يسعدك ويهنيك يا رب امين

[عازمة على شفائه]

اختي زينة انا هيني ان شاء الله اليوم وصيت على حبة البركة وبدي اعمل طريقة غليها مع الماء وتقطيرها بالانف...اختي هو ابني ما عندو جيوب فقط لحمية....عادي ما في مشكلة؟؟؟بصراحة انا كذلك عندي لحمية وحابة استعملها كمان شو رايك؟؟يعني هي بتفتح الانف المسكر مثلا؟؟بصير الواحد يتنفس احسن؟؟؟

[سارة 22]

بالعكس اخت زينة انا نحيفة وما بحاول اعمل رجيم مجرد اني ما بحب اعد اكل كتير
متل ما قلتك موصحبة كتير مع الاكل بس ان شاء اله هحاول اكل منيح

ونسيت اقلك اني بدهن باليوم مرتين بس لمدة ساعة كل مرة لانو متل ما بتعرفي الجو بارد كتير وبضل قاعدة جمب الصوبة لما بدهن
هل بيكفي هاد الوقت؟؟

واليوم لاحظت الحبوب الي بجبيني زايدة شوي هل هذا طبيعي؟؟

[عازمة على شفائه]

عزيزتي الاخصائية زينة:
كيفك يا اختي؟؟وكيف الصغار؟؟معليش اختي بس انا تزكرت سؤال مهم:بالنسبة لوضع ابني وصعوبة تنفسو بالليل وانو بفتح تمو وهو نايم....نصحتيني بالبابونج فنجانين يوميا....طيب بركي عندو كانديدا بالجهاز التنفسي؟؟؟اشربو قرنفل كمان؟؟؟او ميرمية؟؟يعني اختي اي الاعشاب احسن وبتنصحيني فيها اكتر اني التزم فيها؟؟؟ولا اخلط بيناتهم؟؟؟يعني كيف البرنامج اليومي للاعشاب؟انا اليوم ان شاء الله رح احضر قطرة الانف الي نصحتينا فيها بس حابة اعرف شو الاعشاب الي بتمشي معها وبرتاح نفسو بركي يا رب.....
معليش اختي انا تقلت عليكي بالاسئلة بس انتي عارفة يا اختي انو الصغار مسؤوليتنا ليكبروا يعني ما بدو الواحد يخبص فيهم وبعدين يلوموه بس يكبروا الله لا يقدر.....
واشي اخير اختي الله يرضى عليكي بتقدري توصفيلنا طريقة مضاد حيوي منيح للصغار؟؟انا بالنسبة الي ما بعطي مضاد حيوي بصراحة الا فيما ندر....بس بعطي اشياء طبيعية ليطيبوا الصغار ويصيروا احسن......
شكرا مقدما اختي على رحابة صدرك والله يوفقك لكل ما فيه خير الك وللعالم كلو يا رب......معليش تحملينا

[zena221]

السلام عليكم
اختي عازمه
ابنك صغير بدك تنتبهيلو منيح منيح اهم شئ لا توقفي دواء الطبيب لانو النباتات تطول مدة العلاج ومدة اعطائها للنتائج وممكن اضري ابنك اذا اوقفتي علاج الطبيب وما تخافي النباتات تمنع الضرر اللي بحدث من الدواء الكيماوي بس يدك تعملي بينهم فرق زمني قدره ساعه الى ساعتين

الكنديدا هي موجوده بالجهاز الهضمي في الامعاء الدقيقه عند كل انسان انا وانت وكل شخص معتاشين معها وكلو تمام التمام بينا وبينها لكن بوضع مرضي معين جهاز المناعه بضعف فبحدث انتشار الها واول ما ابتنتشر بالجهاز الهضمي وبتعمل غازات وانفاخ وبعدين ابتتجه لجهاز الليمفاوي وهيك احنا ما ابنعرف فوجودها

احسن نباتات للاولاد خاصه:
البابونج وخاصة اليايونج الالماني
ونبتة الزيزفوه ونبتة المليسا وهي نبته تخفض من درجه الحراره ما معنى انك ما تعطيه دواء لتخفيض درجه الحراره بعد ال 38:2 الاطفال يجب اعطائهم دواء لتخفيض درجة الحراره عنا بنقلو اكمول ما بهرف انت ايش اسمو عندكو

القرفه كمان مفيده قاتله للفطريات مخفضه لدلاجة الحراره

القرنفل قاتل للكنديدا وايضا ممتاز للفطريات في الفم مضمضه

اعملي شو قلتلك ما تخافي ولا تفكري كثير عشان ما تتلخبطي وتعقدي الموضوع
اسالي شو بدك واكتبي عن مخاوفك شو بدك اذا كتبتي عن مخاوفك وبتسالي راح يكون العلاج صحيح لانك بتخرجي بهيك طاقات سلبيه من داخلك اللي هي بتاثر على نفسية ابنك نفسو وممكن تكون سبب بانتشار الصدفيه عندو

[zena221]

اخت ساره خيتا انا وضحتلك يالهاتف انو ادهني المهم على جسمك واتركيه عادي الجسم بشبوا اذا بتلاحظي بنفس الوقت وبدخل لطبقات الجلد مثل اي مرهم تاني
او مثل كريم الجسم وقلتلك ريحتو حلوه كثير وانت اكيد عارفه
ادهني والبسي ملابسك عادي ما راح يشربو الملابس بس تدهنيه بشربوا الجسم لانو بحتوي على زيوت اثيريه اللي بسرعه فائقه بتدخل للجسم

ما تبقي ساعه من غير ملابس ما تعذبي حالك بالعكس دفي حالك وانتبهي لحالك
الدفى عفى

عازمه اللحميه بعملولها عمليه قطرة القزحه ممتازه للانف المسكر والجيوب الانفيه
كمان هبوة بابونج ممتازه جدا جدا
اه طبعا الك ولابنك

[ahmad12]

السلام عليكم ورحمة الله وبركاته ،،،،

صدقت أختي الدكتورة أه والله بحس بحرقة وحموضة لكن الحكة أحس بها أسرع بعد الأكل بدقيقتين يمكن أو أثناء أكلي للششبرك والله المستعان ، وفي فصل الشتاء وعندما أشعر بالبرد ينتابني شعور بالحكة أيضا لذلك أحاول أن أبقى في الدفء دائما.

ما نصيحتك لي أختي ؟

[سارة 22]

وانا الي كنت عم عذب حالي بالبرد فكرت انو افضل اتركو على جسمي
بس الي كنت الاحظو انو في مناطق بتشرب الدوا اسرع من غيرها يعني في مناطق كان الدوا يفضل عليها وما تتشربو

واليوم تعشيت عادي وشربت العشبة والدوا وحاسة بحموضة بالمعدة هلا ،شو السبب؟؟؟؟؟؟ يعني ما شربتو على معدة فارغة.

[nisreen1811]

شكرا لك يا سارة وبالتوفيق للشفاء يا رب

الدكتورة العزيزة زينة كيف حالك اتمنى ان تكوني واولادك بصحة وعافية
لازم اقول لك انه والدتي كتير خايفة من موضوع الاعشاب ومش قادرة اقنعها اني استعملها حتى لو قللت الكمية والتكرار- وخصوصا من تداخلها مع كريم دكتاكورت اللي بندهنه مرتين- او الشرب لشاي الاعشاب وخايفة انه يتعارضوا مع الكريم او حتى بدون كريم (لانه الكريم بيخلص خلال يومين واكيد بالمراجعة راح يوقفوه)انه يعني الاعشاب ممكن يكون الها اثار جانبية(عند التزامن) وبنتي صغيرة 6 سنين بس شوي مليانة - شو رايك ضروري تفيديني يا دكتورة

[عازمة على شفائه]

عزيزتي الاخصائية زينة:
انا شاكرة لكي جدا سرعة تفاعلك معنا بصراحة ولابداء النصائح الاخرى كانك اخت وانتي نعم الاخت....
عزيزتي انا الحمد لله و[فضل الله توصلت للشفاء الذي كنت ارجوه لطفلي...وهو حتى الان لا يعلم انو معو صدفية....مفكر حساسية لقرص الحشرات ونادرا ما ادهنلو وهو صاحي فقط وهو نايم....وعمري ما حكيت قدامو اي شي عن الموضوع بالعكس ماخدي الامور عادي لاني ان شاء الله مقتنعة باكتمال الشفاء التام....هو فقط عندو بالركب والاكواع وطرف الاذن الان....يعني جربت عليهم كل شي بس ما في فايدة....صعبين شوي....بس مو اصعب مني....وراهم وراهم ان شاء الله...
هو لو تصيري تبيعي دوائك بالصيدليات يا رب ساعتها بكون الوصول الو اسهل...يا رب الله يسهلك امورك يا الله....
عزيزتي انا بعد القراءات في المنتدىاكتشفت انو ابني صدفيتو نقطية والله اعلم هو الدكتور ما قلي شو نوعها بس هيك مبينة على وصف الفروق بين الصدفيات...كنت مفكرتها قشرية...بس لأ الوصف مع النقطية ادق....وهاي متل ما قرات منك انها ممكن تروح لحالها باختفاء السبب...وانا شاكة بالانف مشاكلو....وان شاء اللهح اعملو اللحمية اكيد...بس اللوز؟؟؟حرام....عشان هيك عمبحاول يفتح انفو ويتحسن نفسو ويخف الضغط على الاذن...هو ما عندو سوائل ولا بتلتهب دانو الحمدلله ولا مرة...بس في ضغط على الطبلة والدكتور شاكك انها اللوز السبب(يعني ممكن لأ)...فانا بعمل الي علي اول...اني احسن نفسو ان شاء الله...وطبعا انا ملتزمة بدواء الدكتور اكيد يوميا لمدة شهرين(مدة كافية اعتقد لتجريب الاعشاب وان شاء الله بيمشي الحال)...رح اضل على البابونج مرة في اليوم وقرفة او قرنفل كمان مرة باليوم,....شو رايك منيح هيك؟؟؟رح اخلي البابونج بالليل لانو مهدئ...بس يا اختي هاد ابني بعملها على حالو لهلأ بالليل بالزات ازا اخد بابونج فراح احاول اخليه يشربو المغرب ان شاء الله....
واخيرا اختي انا والله من زمان نفسي اسال خبيرة اعشاب اضمن انها دارسة الموضوع اكاديميا اريح للنفس بصراحة وما صدقت لقيتك عشان هيك تحملينا معليش.....
اخيرا يا اختي اتمنى لكي النجاح والله من كل قلبي وانتي بنت بلدي الي عمري ما شفتوا للاسف......ولكن ان شاء الله رح اشوفه قريب يااختي العزيزة....الله يخليلك العيلة الكريمة...