رحلة ابنتي مع الاكزيما و رجائي من الله الشفاء

[عازمة على شفائه]

عزيزتي نسرين كيفك وكيف كتاكيتك؟؟؟اتمنى من الله ان يكون الجميع بكامل الصحة والعافية....يالنسبة لابني يا نسرين ما بنزلوا لوزو اصلا ما شاء الله لا قوة الا بالله من لما انولد كم مرة بس...فكيف بدي اوافق ينقاموا؟؟؟والله صعب...
وحتى رشحو الحمدلله هاي اول سنة بكون رشحو خفيف وبسرعة بطيب...انا مشكلتي مع ابني نومو تقيل...يعني بتنفس بصعوبة يعني ماشي بنقيم اللحمية بس اللوز صعب مستحيل....وسبحان الله بالصدفة مبارح فتحت الموقع الي حطت عنو الاخت امل الربيع بموضوع امل جديد للصدفية وكان اول موضوع بحذر من ازالة اللوز بدون سبب رئيسي متل تكرار الالتهابات فيها....بالنسبة لضغط الدان هو ما بحس بشيء ابدا بس الدكتور قال بلاش يعمل ضعف سمع...وانا معو ماشي ..بس ازا اصر على رايو يقيم اللوز مع اللحمية راح اخدو على دكتور تاني مع العلم يا نسرين انو هاد الدكتور هو الي بيعطي امتحانات الاطباء ومن اشهر الدكاترة في الاردن...ورئيس كذا مركز ومستشفى ما شاء الله عليه...يعني مو عارفة بعدها وين ممكن اخدو؟؟؟؟؟؟
احكيلك بصراحة انا ازا اصر يقيمهم رح اصر ما يقيمهم ...خلص قلبي بقولي لا تقيميهم لو شو ما صار....والله الشافي....
اخي سعيد....شكرا على التوضيح بس انا ابني صابتو الصدفية وهو بيبي كتير يعني اصلا ما كان يتناول اشي الا حليب الام فبتوقع صعب يكون هو السبب....انا الحدس بقولي انو السبب خربطة مطاعيم الكبد...ابني اخد مطعوم زيادة ما بعرف ليه....ومو قادرة اربط فترة الاصابة بالزبط بس العمر باكد انو الاصابة كانت اوقات المطاعيم الشهرية والي هي التهابات الكبد والله تعالى اعلم...بس ان شاء الله بشوف لما اخد كرت التطعيم من الروضة وبتاكد مع اني حاولت مرة وما فهمت شي من الخط...بس بحاول اخدو عند وحدة بتطع تقرالي ياه وبشوف...
اللهم اشف جميع مرضى المسلمين اللهم ااامين....

[nisreen1811]

والله يا عازمة مش عارفة شغلة بتحير والله ؟
وشوفي اذا ما بيلتهبوا كتير اظن ما في داعي ينشالوا ؟
انا في واحدة من خواتي كانوا ينزلوا كتير ويلتهبوا وهلا في عندها اذن ما بتسمع فيها وما كان عندها لحمية
انت صلي استخارة وان شاء الله بيجيب اللي فيه الخير وبيوفقك للقرار الصح برحمته فينا وفاولادنا

وانا والله حارمة بنتي من الحليب بس لغاية ما نشوف على شو بنرسى من الاحتمالات ان شاء الله بيكون خير لانه حرام صغيرة وجسمها بحتاج

الله يعلم بحيرتي وقلقي وشعور مؤلم بالعجز - لكن الامل موجود على راي الاخت امل

يا رب توفقنا وتشفي اطفالنا برحمتك يا رب

[عازمة على شفائه]

شايفة يا نسرين انا اصلا لوزو الحمدلله رب العالمين ما بيلتهبوا فكيف بدي اقيمهم؟؟؟والله حرام هدول خط الدفاع الاول بجسمو...واكيد رح اصلي استخارة طبعا ان شاء الله....وهم ضغط دانو مو من كتر التهاب اللوز ....من اللحمية قلي الدكتور...وخير ان شاء الله....
حبيبتي لين....ما بعرف انا بقول تخففي من الحليب بس مو تقيميه بالمرة...لانو انتي في النهاية ما طبقتي الحمية المزبوطة كاملة....يعني الخبز والمعكرونة وكل هاي الممنوعات متل ما دكر الدكتور صابر انو لازم ولا جرام يدخل من هاي المواد عشان تعرفي ازا عندها حساسية جلوتين او لأ....يعني اما الحمية كاملة او هاي الاجزاء الخفيفة ما بتعني شيء......هادا ازا شاكة انو معها حساسية من الحليب...والله تعالى اعلم...انا بصراحة ما طبقتها لانها صعبة شوي...وبدها عطلة....وفي بعض اعضاء بصراحة بقولوا انهم بتزيد صدفيتهم بعد تناول طعام معين متل الدجاج يعني المزبوط انو الواحد يراقب ويشوف....
اللهم يا رب العالمين تشفي هالبنت الصغيرة يا رب باهون الاسباب وبرحمتك يا رب هي وكل مرضى المسلمين اللهم اااامين....

[nisreen1811]

والله صح كلامك يا عازمة
معك حق يعني كل الاشياء الخرابيط الشيبس والشوكلاتات - معلش - وكاسة حليب لا؟ هي اجت من كاسة الحليب
راح ارجع للحليب - هي اصلا بتشرب كاسة واحدة باليوم 200 مل مع نسكويك - وبدون سكر طبعا.
الله يفرجها يا رب ويهونها على هالصغار المساكين
واماياتهم المساكين اكتر واكتر

حبيبتي امل يا الله يا امل شو بحبك وعاجبني فيك قوتك وقوتك وقوتك ودايما بتذكرك انت وطارق - وبستنى تخبرينا انو طاب كله الله يقويك يا رب ويفرحنا بطارق عن قريب

[سعيد مسلم]

المشاركة الأصلية كتبت بواسطة nisreen1811

السلام عليكم ورحمة الله وبركاته

حبيبتي عازمة
اذا اللوز حجمها كبير فهي تسبب الضغط على الطبلة مع اللحمية وتزيد عدد مرات الاصابة بالرشح - ابني قالوا انه التضخم في الحجم في لوزه بسبب التهابات مزمنة ولازم ينشالوا - معظم عيلتنا شايلين اللوز - اتطمني - وصدقيني من لما ابني شال اللوز خف كتيييييييير رشحه ومرضه - استخيري وتوكلي على الله
انتبهي للقطرة - لازم تعدي النقط منيح نفس العدد مش اكثر - وغالبا فيها كورتيزون وهي للتحسس على ما اظن
الف سلامة على ابنك الحبيب ويا رب يدوم الك بصحة وعافية

اخي سعيد هلا اللبن حاسة انه بدا يفعل مفعوله - يعني مع الكورتيزون المنحوس غلط احكم بس الوضع الحمد لله ممتاز - الف الحمد لله يا رب - ومستمرين على العلاج وان شاء الله فيه الخير والفايدة -

وانا اقرا عن الفطريات وجدت احد الحلول المقترحة علاج الاخت الغالية ام ناصر صاحبة القلب الطيب - الجنشن فالوت - يستعمل كعلاج للفطريات


وهناك خل التفاح مع الكبريت الاصفر مع العكبر مع زيت حبة البركة كما يلي
لمعالجة هذه الاصابات تقوم بخلط ما يلي ( زيت الحبة السوداء 20 جم + 20 جم كبريت اصفر + 20 جم خل التفاح متوفر لدى محلات العطارة والاعشاب 20 جم مسحوق العكبر او البروبلس متوفر لدى محلات بيع منتجات النحل ، اذا لم تتوفر الاعشاب المذكورة ممكن خلط 50 جم من الحبة السوداء المسحوقة والمنخلة مع 50 جم من خل التفاح فقط ودهان امكان الاصابة مرتان يوميا 0
طريقة الاستعمال
تقوم بخلط الكميات السابقة جيدا حتى يتجانس الخليط وتقوم بدهان اماكن الاصابة مرتان باليوم صباحا وقبل النوم حتى تزول الفطريات وتستمر بالدهان بعد زوالها لمدة اسبوع على الاقل حتى لا تعود مرة اخرى ، وهذه الخلطة تفيد فطريات القدم والتهاب ما بين الاصابع وتفيد اصابات الميليليا البقع البيضاء الصغيرة قدر حبة الحمص وبعض الناس يطلق عليها البهاق وهي لست ببهاق طبعا

وضع بنتي
دهان كريم دكتاكورت مرتين والمرطب مرتين والوضع في تحسن مستمر
تقييم الوضع : تحسن 55%
حبة البركة+ كبسولات الفطريات+الرقيا وايات الشفاء+ الغذاء الصحي واكثار اللبن الرائب اواللبنة + التنظيف والتجفيف الجيد للمنطقة كاملة

يا رب تشفي بنتي وترحمها برحمتك الواسعة يا رب العالمين
يا رب تشفينا وتشفي بناتنا واولادنا وترحمنا برحمتك الواسعة امين يا رب العالمين

الله يجعل فيه هذه العلاجات ما فيه الخير لابنتك , و الله يحميها لك يا اختي نسرين من كل شر.

[سعيد مسلم]

المشاركة الأصلية كتبت بواسطة عازمة على شفائه

عزيزتي نسرين كيفك وكيف كتاكيتك؟؟؟اتمنى من الله ان يكون الجميع بكامل الصحة والعافية....يالنسبة لابني يا نسرين ما بنزلوا لوزو اصلا ما شاء الله لا قوة الا بالله من لما انولد كم مرة بس...فكيف بدي اوافق ينقاموا؟؟؟والله صعب...
وحتى رشحو الحمدلله هاي اول سنة بكون رشحو خفيف وبسرعة بطيب...انا مشكلتي مع ابني نومو تقيل...يعني بتنفس بصعوبة يعني ماشي بنقيم اللحمية بس اللوز صعب مستحيل....وسبحان الله بالصدفة مبارح فتحت الموقع الي حطت عنو الاخت امل الربيع بموضوع امل جديد للصدفية وكان اول موضوع بحذر من ازالة اللوز بدون سبب رئيسي متل تكرار الالتهابات فيها....بالنسبة لضغط الدان هو ما بحس بشيء ابدا بس الدكتور قال بلاش يعمل ضعف سمع...وانا معو ماشي ..بس ازا اصر على رايو يقيم اللوز مع اللحمية راح اخدو على دكتور تاني مع العلم يا نسرين انو هاد الدكتور هو الي بيعطي امتحانات الاطباء ومن اشهر الدكاترة في الاردن...ورئيس كذا مركز ومستشفى ما شاء الله عليه...يعني مو عارفة بعدها وين ممكن اخدو؟؟؟؟؟؟
احكيلك بصراحة انا ازا اصر يقيمهم رح اصر ما يقيمهم ...خلص قلبي بقولي لا تقيميهم لو شو ما صار....والله الشافي....
اخي سعيد....شكرا على التوضيح بس انا ابني صابتو الصدفية وهو بيبي كتير يعني اصلا ما كان يتناول اشي الا حليب الام فبتوقع صعب يكون هو السبب....انا الحدس بقولي انو السبب خربطة مطاعيم الكبد...ابني اخد مطعوم زيادة ما بعرف ليه....ومو قادرة اربط فترة الاصابة بالزبط بس العمر باكد انو الاصابة كانت اوقات المطاعيم الشهرية والي هي التهابات الكبد والله تعالى اعلم...بس ان شاء الله بشوف لما اخد كرت التطعيم من الروضة وبتاكد مع اني حاولت مرة وما فهمت شي من الخط...بس بحاول اخدو عند وحدة بتطع تقرالي ياه وبشوف...
اللهم اشف جميع مرضى المسلمين اللهم ااامين....

ان شاء الله خير يا اختي عازمه على شفائه , و يارب يكون الامر ليس بحساسية تجاه بروتين الحليب.

[nisreen1811]

السلام عليكم ورحمة الله وبركاته

وضع بنتي اليوم
دهان كريم دكتاكورت مرتين والمرطب مرتين والوضع في تحسن مستمر
تقييم الوضع : تحسن رائع 80% وبصراحة شعوري غريب اوقات والاكتر بسبب الكورتيزون المنحوس
حبة البركة+ كبسولات الفطريات+الرقيا وايات الشفاء+ الغذاء الصحي واكثار اللبن الرائب اواللبنة + التنظيف والتجفيف الجيد للمنطقة كاملة

يا رب تشفي بنتي وترحمها برحمتك الواسعة يا رب العالمين
يا رب تشفينا وتشفي بناتنا واولادنا وترحمنا برحمتك الواسعة امين يا رب العالمين

[عازمة على شفائه]

كيفك نسرين وكيف الصغار الله يخلليلك ياهم يا رب..
ممتاز الحمدلله رب العالمين الدرجة الي وصلتلها لين....ان شاء الله انها النسبة بتصير 100%....وما بتعود بترجع وبتسكري هالصفحة يا الله يا رحمن يا رحيم....
سلميلي على لين كتير وقوليلها انتي بنت شاطرة عشان هيك الله بحبك كتييييييييير كتييييييييييير....
اللهم اشف جميع مرضى المسلمين اللهم ااامين....

[nisreen1811]

حبيبتي عازمة
احنا بالف نعمة وفضل ومتل ما شفت كتيييييييير الوضع احسن - ويارب تكون الكبسولات قضت على سبب الالتهاب لانه بصراحة المفعول سرييييييييييع اكتر من كل مرة - يا رب
وان شاء الله زي ما قلت بنسكر هالصفحة وبنرتاح

شو اخباركم انتوا وكيف الاسد في المدرسة ؟ يا رب تتهني فيه وتشوفيه دكتور متوفق وناجح بحياته وبضوي ضوي
والسنفورة الصغيرة يارب تكونوا كلكم بخير

[عازمة على شفائه]

ان شاء الله يا نسرين الله يسمع منك واشوفو دكتور يا رب العالمين....
اسمعي اضحكي عليه....بقولوا بدي ياك تدرس منيح عشان تطلع دكتور ....بقلي :لأ شرطي....بقلوا:لأ دكتور ....بقلي لأ شرطي..بقلوا:ماشي بس تكبر بنشوف!!!!
قبل كم يوم بقلي ماما انا بدي اطلع تكسي....يعني سواق تكسي...قلتلوا:شو هالطموح يا ماما؟؟؟كيف بدك تركب سيارة بي ام؟؟مهو عندو هوس اسمو بي ام...قال :عادي بسوق تكسي بي ام....طبعا فكرة التاكسي اجت من لعبة عالكمبيوتر بحب يلعبها كتير...
والسنفورة الحمدلله كويسة...مغلبتني عن اتنين الحمدلله رب العالمين...
الله يخلليلك ولادك يا نسرين يا رب وتشوفيهم زي ما بتتمني يكونوا ..امين...