مع الصدفيه 27 عاماً علاجاً ودواءاً

[احلى الفصول]

المشاركة الأصلية كتبت بواسطة جودينا

احلى الفصول مميز ماشالله في الشرح

انا رحت سفاجا في صيف 2008 بس ماطولت قبل رمضان ورجعت ومازالت عندي نيه اني اروح مراثانيه فـ بسألك لو رحت في شوال وهذا انسب وقت لي هل يكون الجو بارد؟؟؟لأني ما اتحمل البرد مع البحر
الجو والشمس بتكون زينه في شوال؟؟
واذا في من صدفيتك في الكفين والقدمين هل تأثرو من البحر؟؟والا كانت استجابتهم ضعيفه؟؟

والله يعطيك العافيه وكل عام وانت بخير

مرحبا جودينا ،،، الله يارب يشفيك ويبعد عنك الشر

بالنسبة للجو في شوال سألت وقالولي بيكون خريف يعني الجو مرح يكون بارد ، رمضان بيكون في عز الحر وبيتعدل الجو شوي في اخره وفي شهر شوال ،

والله انا مثلك ماحب الموية الباردة ابد واحيانا اقعد 10دقايق لين اغطس نفسي في البحر يعني بالتدريج اصير مثل القطو الي بتغطسه بالموية بالقوة ، لكن المضطر يركب الصعاب الدعوة فيها علاج يعني مافي تردد بارد ولا حار بنغطس بنغطس ..!! .

انا والله الحمد ماعندي صدفية في الكفوف ولا في القدم كانت احيانا تطلع على اليد من فوق على شكل حبة صغيرة وكنت احط عليها درموفيت بشكل مكثف يومين او ثلاثة تروح لكن المشكلة كله كورتيزون ،

بس الصدفية عندي بدت تطلع على الوجه لكن برضو احط ديرموفيت كل يومين او ثلاثة علشان ماتطلع لكن اذا تركتها اكثر من ثلاث ايام تطلع بشكل كبير ويصير الوجه كله حبوب ، لكن خلال العشر ايام في سفاجة ماستخدمت اي دوا وراحت الصدفية من الوجه كله لكن المفروض اكمل الشهر علشان اضمن انها مرح ترجع ، وديرموفيت هذا يغير لون الوجه يخليه اسمر كنه في كلف اذا استمريت تعالج نفسك فيه .

بالنسبة للصدفية الي باليد انا شفت واحد يشتغل في قرية العقبي له سنين عندهم وعنده صدفية في كفوفه من الداخل ومن الخارج والاصابع ، وسألته شلون انت لك سنين عنا ولا شفيت وقاعدين تقنعو الناس بانهم بيشفون ؟؟ رد علي ابن صاحب القرية قالي هذا الشخص عمره مالتزم في اي برنامج اذا راح البحر مايقعد في الشمس وكل يومين او ثلاثة لين يروح البحر واحيانا يمر اسابيع مايروح لين تشتد عليه يضطر يروح يخفف الصدفية ، عموما انا شفت يدينه يقول كانت متشققة من الصدفية بس الحين ابد مافيها شقوق بس لون اصابعة وردي يعني كنه بهاق ، يمكن هذا الخبر يخلي الواحد مايتحمس كثير للعلاج ، لكن اذا بحرهم مايعالج كان ماراحت من عندي بعضها من اول يومين راحت من بعض اماكن ،

لكن بقولك انا وش بسوي هالسنة قبل لاتجي السنة الجاية ، انشاء الله اول مارجع للسعودية بترك كل انواع المأكولات كلها ، وبعيش على الفواكه والخضار الي ماينطبخ ، يعني مثل الخيار الخس الجرجير اكرفس البقدونس الكزبرة ... الخ يعني بحاول اسويلي سلطة يكون طعمها زين وفواكه وبس ، والدخان الله يتوب علينا منه بعد بتركه وبحاول اسوي رياضة خفيفة مشي وهرولة يعني ، يعني بغير كل نظام الأكل الي متبعينه ، بصراحة حنا كل ماشفنا شي جديد حطيناه بكروشنا ولا نعرف وش فيه والي يشوف يقول عايشن علشان ناكل ،، وانشاء الله بسوي حجامة في 17 او 19 او 21 من الشهر العربي ، وبسوي تنظيف معدة قبل لا ابدأ بالنظام الغذائي الجديد ، وبشوف آخرتها مع هالصدفية اما اروحها ولعن خامسها ولا تروحني ، وانشاء الله بنتصر عليها انا حطيتها براسي يا انا ياهي ابد مافي خيار ثالث .

وحتى لو راحت الصدفية اكيد بعد بروح السنة الجاية سفاجة من باب التأكيد وعلشان ارتاح نفسيا اني سويت الي علي ، والي يشجع ان مصاريفك في سفاجة مثلها مثل مصاريفك في بلدك يعني مرح يتغير معك شي ، عني احسبها كم تصرف اكل وشرب وتمشيات في السعودية في الشهر ، نفسها رح تدفعها في سفاجة مرح يزيد عليك شي .

مع تمنياتي للجمع بالشفاء العاجل ياااااارب ،،،

مع امتناني وشكري لكل المشاركين ،،،

[جودينا]

احلى الفصول لك مستقبل في مجال التدريس ماشالله تعرف تشرح زين

سالفه الجو شجعتني بس سالفه الرجال اللي في العقبي بتخليني افكر بالموضوع اكثير
انا صدفيتي بالاطراف كفين وقدمين والحين متحسنين اكثير لأني ادهنهم باللوريد المخفف بالفازلين بس بعد في مناطق ما استجابت,,,عموعا صدفيه الاطراف صعبه اكثر عن غيرها وماتستجيب بسرعه,,,اذكر المرا الاولى وحده قالت لي ليش تجين هنا كل يوم قلت عندي صدفيه ولمن شافتها قعدت تضحك تقول ذي شوي ليش مهتمه فيها كلها عشرين يوم بالكثير وتختفي وهي كانت صدفيتها كثير ولمن جينا رايحين ,,قبل رمضان كل المصدفين يرجعون,, كانت نسبه تحسنها فوق ال75% ماشالله وانا تقريبا 30% رغم انها جات بعدي وصدفيتها اكثر,,,هذا يدل ان الناس اللي صدفيتهم منتشره البحر يأثر فيها بشكل سريييع والناس اللي صدفيتهم بس في الاطراف يحتاجون وقت اكثر وطولت بال

بالنسبه للجو اخاف من اخر شوال بيكون الجو برد انا لمن رحت المرا اللي فاتت الايام الاخيره قبل رمضان كان الجو بارد فكنت الصبح ادخل بالتدريج احس المويه البارده تكهربني تعرف مو متعودين بالبرد اجوائنا دايما صيف على مدار السنه

اما الاكل أنا أأمن بأن الأكل له دور اكبير في تحسن الصدفيه او هيجانها ,,,ولو تطبق البرنامج اللي ذكرته اثناء العلاج في سفاجا افضل من انك تطبقه بعد ماترجع
عموما راح اسال واستخير واذا الله راد بروح في شوال اول اسبوعين اجازه وثاني اسبوعين باخذها غياب عن الدراسه والله يسهل

مشكور وربي يشفينا واياك وكل المصدفين

[احلى الفصول]

المشاركة الأصلية كتبت بواسطة جودينا

احلى الفصول لك مستقبل في مجال التدريس ماشالله تعرف تشرح زين

سالفه الجو شجعتني بس سالفه الرجال اللي في العقبي بتخليني افكر بالموضوع اكثير
انا صدفيتي بالاطراف كفين وقدمين والحين متحسنين اكثير لأني ادهنهم باللوريد المخفف بالفازلين بس بعد في مناطق ما استجابت,,,عموعا صدفيه الاطراف صعبه اكثر عن غيرها وماتستجيب بسرعه,,,عموما راح اسال واستخير واذا الله راد بروح في شوال اول اسبوعين اجازه وثاني اسبوعين باخذها غياب عن الدراسه والله يسهل
مشكور وربي يشفينا واياك وكل المصدفين

مرحبا جودينا ،،،،

كنت اعتقد ان الي بيقرا كلامي بيقول ليه مطولها وهي قصيرة ، لكن اذا سألني احد عن شي بالعادة اذا ماكان قبالي او معي على المسن مباشرة ؟ صعب يكون الجواب شافي وشامل ، علشان كذا احاول اجاوب عن سؤاله والاسئلة الي اتوقع انها تدور باله مرة وحدة علشان افيده ، بس زين كلامك مشجع (على بالي اني ثرثار) وشكرا على ردك ،


عموما لايصيبك احباط من سالفة الي في العقبي الي صدفيته بالاطراف ، انا ذكرتها من باب الامانة بالي شفته هناك ، لكن انا اقولك اني الحين في القاهرة لي حول 5 ايام وقبلها بيوم مارحت البحر يعني 6 ايام منقطع عن البحر والسبة الاواد مثل ماذكرت قبل ، لكن الاماكن الي راحت لألحين مارجعت وبالعكس في بعض الاماكن كانت رايحة وباقي نقاط صغيرة مرة وقلت اكيد بعد يومين بترجع لكن شفت ان النقاط الصغيرة اختفت مع اني مارحت البحر ابد خلال الـ6 ايام , طبعا الي سويته انا اكيد خطأ وكاان من المفروض اكمل البرنامج بس الشكوة لله حكم لقوي !!!! وهذي اول مرة نطلع فيها برة السعودية وصعب اخليهم في قرية ومحسوبه عليهم انهم راحو مصر وقلت يالله هالمرة خلها لهم وانشاء الله المرة الجاية لي .


عاد في شي بعد بأكد عليه ، ترى اهم شي الالتزام بالجدول بس شلون ؟؟ يعني الطبيب قالي رح الصبح من الساعة 5 الى 6 في الموية (وتقدر تروح قبل الخمسة) يعني كل تغطست اكثر في الموية يكون افضل بس اقل شي لازم يكون ساعة في الموية ويفضل ساعتين ، والاهم من هذا لازم من الساعة 6 الصبح الى الساعة 7 في الشمس ، يعني هذا الوقت مهم جدا وفي خلال الساعة حاول انك تعرض الاماكن الي فيها للصدفية اطول وقت ممكن ، يعني مثلا اذا عندك الصدفية في بطنك وفي ظهرك طبعا صعب انك تكون معرضهن للشمس في نفس الوقت !! فأكيد بتقسم الوقت بتخلي نص ساعة لبطنك ونص ساعة لظهرك ، وكذا بتكون اخذت الاحد الادنى ، لكن الافضل انك تعرض المكان الي فيه صدفية ساعة كاملة للشمس ، في هذي الحالة الافضل انك تنسدح ساعة على بطنك وساعة على ظهرك ، طبعا في هذا الوقت بتكون الشمس خفيفة مو مثل الظهر يعني تقدر تحملها بكل سهولة ،

وفي شي ثاي قالي الدكتور بعد التعرض للشمس مو لازم تروح البيت تقدر ترجع للبحر وتغطس قد ماتقدر بيكون افضل ، وطبعا فترة المسا هي من الساعة 4 الى الساعة 5 في البحر ، وانا كنت اروح من الساعة 3 الى الساعة 5 في البحر ، ثم من 5 الى 6 في الشمس ، وبعدها كنت ارجع البحر لين حول الغروب , وكان بصراحة نزول البحر بعد التعرض للشمس ممتع لأن الشمس بتخلي جسمك حار وبعدها ودك اي شي ابرد من الجو (طبعا اكيد اول النزلة فيها صعوبة) لكن اول مايغطس الجسم كله خلاص بيصير ممتع ، وبصراحة انا مالتزمت بكلام الطبيب يعني اغلب الايام كنت اروح مرة وحدة بس هي المسا ومع ذلك كانت النتايج مشجعة ، وفي اول ثلاث ايام كنت اعرض نفسي للشمس ربع ساعة وأمل وقول خلاص اعوضها بكرة ومثل كذا ، وتصلت على الطبيب وقلتله الي صار معي وقالي اذا ناوي تجلس عندنا شهرين خلك على الي تسويه لكن كل ماتلتزم بالبرنامج كل ماراحت منك اسرع ونت حر . وعلى فكرة الي اعرفه انا رحنا سفاجة كان لونا ابيض ومن اول يومين بدى لونا يتغير لين قربنا نصير سوووود !! يعني لاتقلق اذا ناضرت بالمراية ولقيت وجهك وجسمك اسود عادي عيش حياتك (نيو لووك) اول ماترجع للسعودية كلها اسبوع ولا عشرة ايم ويرجع لونك الطبيعي .


واهم شي لايصيبك احباط توكل على الله ورح اوان شاء الله انك تشفى حتى لو غبت عن المدرسة اسبوعين عادي بالطقاق مرح تخرب الدنيا كلها استأذان وكلمتين حلوة لإدارة وكل شي يمشي ، لكن اذا مارحت بيضل الهاجس في راسك وتقول ليتني رحت وجربت عاد رح وخلص عمرك ، انوي الروحة وستخير وربك انشاء الله بيسهلها .


تذكرت شي ، اول ماتروح سفاجة طقلك شريحة مصرية اتصالات او فودافون او موبينيل وركبها على جوالك ولا تستخدم اي اتصالات من شريحة سعودية بالذات (شركة الاتصالات السعودية) انا اخذت معي شريحة سوا وشحنتها 500 على بالي بتكفيني لكن للأسف اول مكالمة حول 5 دقايق خصمو علي 105 ريال وثاني مكالمة دقيقتين بس وخصمو علي 62 ريال ، وثالث مكالمة دقيقة وحدة تقربا 40 ريال وهكذا ، ولما اتصلت على خدمة العملا 902 ناخذ من هالكلام الحلو بس ماعندهم سالفة كل الي قدرو عليه بنحط طلبك على الجهاز وبنشوف مشكلتك ، طبعا اتصلت عليهم مية مرة وكل واحد يعطيك سالفة حياته على الفاضي ، ونصيحتي لاتدق من اي شريحة سوا على السعودية ، خذ شريحة مصرية وتكلفة الدقيقة للسعودية بعضها 4 ريال وبعضها 3 ريال ،

انا شريت اربع شرايح (سعر الشريحة 15 جنيه يعني بالريال تصير 10ريال) وخليت البياع يشغلها لي ونا عنده ، وعطيت كل افراد الاسرة كل واحد شريحة ، طبعا انا من السعودية مطقم اربع اجهزة جوال من الرخيصة ومعطيها لأفراد الاسرة علشان كنت خايف احدهم يتوه عنا في مصر كذا ولا كذا نقدر ندق عليه والحمدلله لها فايدة كبيرة (لأمان يعني) وعلى فكرة اشتريتهم كلهم من شركة اتصال وحدة علشان تصير المكالمات بينا في مصر رخيصة حيل يعني اغلى مكالمه عندهم بـ15قرش يعني بعشر هللات سعودي ، وحنا يبغالنا مية سنة علشان توصل اسعارنا مثلهم (الله يعين بس) ، حتى الكنتكت قالولي بيشتغل خارج السعودية وكله كذب في كذب اخذته ولا اشتغل ، وشريت كنكت من مصر فلاش يعني علشان ادخل النت بدل الجلسة على المقاهي ، وسعر الكنتك بـ100 جنيه يعني بـ75ريال سعودي ومفتوحة مو مثل عندنا لو شاحنها بألف ريال نهاية الشهر بيقطعونها عليك ولازم تشحن من جديد ، لا وبعد عندهم مايعطعوها حتى لو انك شاحن بخمسين جنيه وخلصت الخمسين تقدر تصفح النت براحتك بس ماتقدر تنزل شي بس تصفح وايميل ومسن عادي تقدر تفتحه بس ماتقدر تنزل شي على جهازك .


عاد شكلي هذرت واجد ، وعموما اول ما روح سفاجة باخذ اسماء المحلات والشوارع والعناوين وارقام التليفونات وبكتبهن هنا في هذا الموقع وانشاء الله تستفيد منها .

وآسفين على الاطالة (مصدق نفسه مدرس الاخ هههههه) .

[جودينا]

مشكور يا احلى الفصول ويعطيك الف عافيه

بالنسبه للسمار انا اللي قعدتهم حول 20 يوم وسمرت سمار مو طبيعي بس بعدين رجع لون البشره الاول بعد مارجعت

والاتصالات صح انا شريحتي عام بفاتوره مو شحن وقبل لا اروح سددتها ولا كلمت فيها الافي سفاجا رغم اني طلعت شريحه الاتصالات من مصر بس مرا خلص الشحن بالليل وشغلت شريحه السعوديه وكلهم اتصالين هناك واقطعو الخدمه والفاتوره صارت بـ 700 وعليها بس ما اذكر كم بالظبط,,,بس في شغله ثانيه مادريت عنها الا بعد مارجعت اللي هي لو معك شريحه موبايلي واتصل عليك احد من السعوديه بعد بشريحه موبايلي مراح يكون على اتصالكم رسوم دوليه وراح يكون اتصالكم كأنه اتصال داخلي,,,انا اكلم ابلتي في مصر بشريحه موبايلي عندي وعندها وبسعر اتصال داخلي

واخيرا مشكور على نقلك المفصل والشيق لتجربتك

[صابر و حامد]

السلام عليكم
لقد سمعت عن ظهور دواء طبيعي يعالج الصدفية لدى شركة روح الجنان ببرج بوعريريج الجزائر، ارجو من الاخوة وخصوصا في الجزائر اللدين جربوا هذا الدواء ان يخبرونا عن فعاليته وهل هو مضمون وليس له اثار جانبية؟

[ألانوار]

رمضان مبارك ..تقبل الله أعمالك في هذا الشهر الفضيل بالخير والبركة والدنا واستاذنا سيد عبد العال

[هجهوج]

كل عام وانت بخير يا والدنا السيد عبدالعال

[ابوثابت]

بسم الله
ازف اعظم التبركات الى الوالد الغالي
المهندس السيد عبد العال الموقر
بمناسبة حلول شهر رمضان شهر الرحمة والمغفرة والعتق من النار
ونقول ( اللهم سلمنا الى رمضان وسلم رمضان لنا وتسلمة منا متقبلا )
المحب لشخصكم
ابوثابت

[جودينا]

كل عام وانت بخير ياعم سيد

[أم فرفورة]

احلى الفصول طمنا على أخبارك وأخبار الصدفية معاك وهل مازلت في سفاجا وكم مكثت فيها ولما أسافر كم أحتاج مبلغ بتكاليف السفر والعلاج برأيك؟؟؟؟؟؟؟؟؟؟؟؟؟؟؟ وشهر مبارك عليك إنت والعائلة وكل عام وانت بخير