]]..من اراد الخلاص من الصدفيه فعليه ان يمتهن بمهنه السمكه..[[

[ايهاب العراقي]

هاي صارلي اسبوع انتظر الفيزا...وفي الأخر في القنصلية التركية يقولون جوازك ضايع..والله فد وضعية تعبانة..والله لو عندي جنسية بنغالية كان احسن من الجنسية العراقية..هسه اني محضر كل شي ورايح اتعالج مو رايح سياحة ومااحصل فيزا الله يقبلها..هسه مصر ماتنطي فيزا للعراقين صارلي سنتين انتظر اروح على سفاجا فيزا ماكو..قلنا ميخالف خلي نروح على تركيا بيها بحر..وقبل اسبوع رحت للقنصلية التركية ومو موجودة في محافظتي موجودة في محافظة ثانية..رحت هناك بعد صلاة الفجر وانا واقف قدام القنصلية من الفجر الى العصر بعز الحر ودرجة الحرارة 53 درجة وماكو في(ظل)وقفونا 10 ساعات قدام الشمس الحارقة (وانصمت ابو ابونا بالشمس)وفي الأخر شفت الشغلة كلها واسطة وفلوس ..قلنا ميخالف ماكو حل ثاني لقيت جماعة تسوي هاي الشغلة بفلوس وعطيناهم الفلوس وصارلي اسبوع انتظر كل يوم يقولون اليوم وباجر وفي الأخر يقولون ضاع الجواز ضيعوه في القنصلية..شسوي مقرود ماعندي حظ ..وفي ناس غيري استلموا الفيزا بعد يومين وراحين سياحة..واني رايح اتعالج هيجي صار بيا..يعني شسوي بعد مو رايحين نتعالج..لاحول ولاقوة الا بالله..هاي على اساس اني من الأسبوع الفات مسافر..بس اذا ماعندي حظ شسوي ياناس..والله العظيم ماظل عندي واهس اسافر حيل تأخرت السفرة..بأنتظار يلقون الجواز ونشوف بعد كم يوم راح نتأخر..هذا وانا تارك العلاج الكيماوي والمرض قاعد يشتد بس اريد اطلع واتعالج بأقرب وقت كل يوم يمر علي بسنة..حسبنا الله ونعم الوكيل على اللي وصل العراق الى هذا الوضع المخزي.