تجمع مرضى السمكيه

[النهار]

اهلين مررره ثانيه


اكمل لكم سالفتي اليوم واللي جابت لي اكتئاب ومن غير شي انا مكتئبه وصايره حساسه


المهم قلت خل باحلق للاولاد شعرهم

خليتهم يروحون الحلاق اللي جنب بيت اهلي

ولما رجع ولدي الصغير ( محمد ) انصددددددددددددددددمت

سوى له الحلاق حلقه اعوذ بالله من غضب الله

اساسا الحلقه هذي تلوووع جبدي اللي يجيك من تحت الشعر يصير خفيييييف تقريبا رقم واحد

ومن فوق يعني الشعر غزير شوي



ياااااااااااااااا ربي بكرة الزواج وانصدمت لما شفت شكل ولدي يعني بينت القشور بقوة في الجزء اللي كان مغطى بالشعر اساسا ومو مبين وصاير شكله ابدااااااااااا


يعني الواحد من بعييييييييييييييد يلاحظ القشور صايرة غامقه وكبيره


طبعا بين علي على طول وما خليت على الحلاق كسرت خاطر ولدي وهو كان مبسوط بهالحلقه

بس انا والله باقي شوي وابكي ماسكه نفسي غصب


طبعا زوجي لامني اني عصبت قدام الولد وحسسني بتانيب الضمير

قال لي انتي مكبرة السالفه وكسرتي خاطر الولد وهو كان مبسوط وانتي لا تضخمي له سالفة بشرته علشان يتاقلم معها ولا يعطيها اكبر من حجمها ...

المشكله انا خلاااااااص مليت من نظرات الناس حتى اللي قريبين مني ومتعودين على اولادي


مليت نظرة الاسف والشفقه عليهم وعلي مليت من اسالة الناس بالشارع لزوجي واحراجه واحراجهم وهم يتسائلون وش هذا وليش ما تودونهم المستشفى


مليت من كل هالاسئلة الغبيه والاقتراحات الاغبى من بعض الناس

يمكن فعلا انا افكر بموضوع مرضهم اكثر منهم ويمكن انا اللي مضخمته عندهم بس الواحد وش يقول اتم انا ام وقلبي يعورني على اولادي

اتمنى اليوم اللي اسمع فيه ان خلاص صار فيه علاج نهائي لهالمرض وعندي امل ان شاء الله

المهم كثرت عليكم بهالهذرة بس يمكن انا محتاجه اتكلم عن اللي احس فيه لناس لا اعرفهم ولا يعرفوني بس انا متاكده انهم حاسين باللي اعنيه اكثر من القريبين مني لانهم يعانو نفس الشي ...

صدقوني هالكلام اللي قلته حتى مع زوجي اتجنب اني اتكلم فيه وهو متفهم حالة اولاده ولا سمعته يوم تذمر


بس انا عارفه انه بداخله متضايق علشان اولاده بس ما يبين هالشي عشان لا يضايقهم ولا يضايقني


على العموووووووووووووم


خلونا من هالهم والكدر والله ما عندي سالفه


ولا تنسون بكره الزواج تحضرون وتباركون ان شاء الله ...




بايااااااااااااااات