ماكان شعورك وما قلت للطبيب

حبينا نغير موضوع الصدفية سألنا سؤال وما من مجيب طيب مادمتم تريدون الصدفية ولن تنسوها سؤالي الثاني ماهو شعورك لاول وهلة عندما اخبرك الطبيب ان هذا المرض اسمه الصدفية وحاليا لايوجد علاج له شعوري انا شخصي زي الزفت واردت أن اخنق الطبيب ولكن قدر الله وماشاء فعل الحمدلله

[بوسطن]

الف شكر للموضوع
بصراحه انا قلت الحمد لله كل خير
للان ثقتى بالله كبيره فوضت امرى الى الله ان الله بصير بالعباد

[بنـ الكويت ــت]

انا كنت مستانسسسسسه حدددددددي
على بو انه اعرفوا المرض وانه خلاص راح ابدي بعلاجه واطيب
طبعا العايله الكريمه كلها اول مره تسمع بمرض الصدفيه
فعبالنا مرض عادي لانه جلدي .. وكلنا كنا مستانسين

اخر شي بعدها لما بديت اقرى عنه جان انصدم :d
بس تصدقون حزتها ماهتميت بالي قريته ! يعني مادري احس ماكو قاعده !
مافي شي اسمه مرض مامنه شفا ... خاصه انه احنا مسلمين نقرا قران
نشوف كلام الله .. كلام الرسول عليه الصلاة والسلام
يبين لنا انه كل شي له علاج الا الموت !

فـ عادي ماهتم حق كلام الدكاتره وايد بس اهم شي يعطوني علاجي
والباجي على الله

[sabah2]

والله انا لما قال لي الدكتور انه هذا المرض ليس له دواء نهائي وانه مرض مزمن كانت بمثابة الصدمة لكن مع مرور الوقت تعودت علي المرض ورضيت بما ابتلاني الله به و ايماني بالله وحده هو الشافي.

[المتفائــله بربها]

انا والله لما قالولي صدفيه عمري 10 سنين
ولا ادري وش الصدفيه همني ألعب واركض فقط لاغير واهلي مثلي مايدرون عنه شي
تصدقون مادريت عن معنى الصدفيه وتاريخها الجميل الا يوم سجلت عندكم العام الماضي في رمضان

الحمدلله على كل حــــــــــال

[reem50]

انا عندما سمعت ابني مصاب بالصدفيه انهاريت ولكنه كان متماسك ويقول سنعالجها لاتخافي بسيطه
بعد ايام زاره صديق كان سمع بالخبر وكان عايش مشكلة الصدفيه ويعرفها لان احد اقرباءه مصاب من سنين
وتفاجا من تماسك سعد وعدم اهتمامه وقال له مازحا
انا من سمعت جلست ابكي واهلي يسالوني مابك وارد اقول سعد صديقي مصاب بالصدفيه ماذا سيفعل المسكين واتيت اليك مسرعا كي اخفف فاجدك ولامهتم
اجابه سعد ان شاء الله سوف اشفى وهي ليست سرطان بل مجرد مرض جلدي فلاتخاف
والحمد لله قبل ان يكمل السنه الاولى مع المرض كان قد شفى

[جودينا]

ياحليلكم ماشالله تهنيتو بجلدكم الطبيعي فتره من الزمن ,,,اجل وش حيله اللي من يوم جابته امه مصدف

الحمدلله على كل حال

[فخر الارض]

والله انا اول ماقال ليه الدكتور صدفيه عادي جدآآ
هو خوفني لما قال ليـه خذ بالك ترهـا تنتشر في الجسسم
وربي عادي جدآآ وصدفيــه
قال رسول الله صلى الله عليه وسلم: ما أنزل الله داء إلا أنزل له شفاء رواه البخاري
والحمد لله ليــه سنتين ماغيـر في راســي وتروح وترجع من نفسها
واللي في ظهري راحت من نفسها لـه فتره طويلـه تقريبآ سته اشهر
ولله الحمد عايشين نعبد الله ونمزح ونلعب ونضحك ونطلع ونسافر
كــل شــي نســويـه وبعدين مهما كانت صدفيــه اشــوى من امراض كثــير

[بوسطن]

المشاركة الأصلية كتبت بواسطة فخر الارض

والله انا اول ماقال ليه الدكتور صدفيه عادي جدآآ

هو خوفني لما قال ليـه خذ بالك ترهـا تنتشر في الجسسم
وربي عادي جدآآ وصدفيــه
قال رسول الله صلى الله عليه وسلم: ما أنزل الله داء إلا أنزل له شفاء رواه البخاري
والحمد لله ليــه سنتين ماغيـر في راســي وتروح وترجع من نفسها
واللي في ظهري راحت من نفسها لـه فتره طويلـه تقريبآ سته اشهر
ولله الحمد عايشين نعبد الله ونمزح ونلعب ونضحك ونطلع ونسافر

كــل شــي نســويـه وبعدين مهما كانت صدفيــه اشــوى من امراض كثــير

ماشاء الله تبارك الله الله يشفيك عليك بماء وملح ممتاز واحذر من استخدام الكورتيزون
للانه يهيجها وينشرها

[الحمساوية asia]

الله يعطيكم عقد صبركم

والله ان شاء الله غير بعد الصبر الفرج

بس استعينو بالله والله رح يفرجها

والله بيقول في كتابو (واستعينو بالصبر)

(ان الله يحب الصابرين)