مشاهير غرب تحدو الصدفيه,,,فماذا عنا؟؟؟

[سارة 22]

مشكورة اختي جودينا على الموضوع
بجد احنا عنا العرب بنتقدو كل شي وبعلقو على كل شي يعني بلغرب عندهم اي شخص بكون بالشارع في اي شي ما بعلقو عليه ولا كانو موجود بس عنا ما بخلو فيه وبضلو ينظرو عليه
بس انتو محملين الصدفيه اكبر من حجمها
يعني انت ليه بتتخبي لو كنت مشهورة لا عادي مارسي حياتك وعيشي على طبيعتك
هي فعلا الصدفيه ظاهرة والكل راح يتطلع الك نظرات غريبه ويقول ابصر شو هاد الي فيها
بس الحلو انو ننسى انا مريضين وانها مبشعتنا ونعيش حياتنا عادي ما نضل مهمومين بسببها
انا متلك معي صدفيه وهلا هي مشوهتلي وجهي كلو بقع حمرا وقشور
بس من فترة كان عرس اختي رحت للصالون اميش شعري كان فيه ناس قاعدين صارو يطلعو في وما شالو عينيهم عني
عرفت انهم مستغربين من شو هاد الي بوجهي
بس انا كنت عادي وما قلقت ابدا
حتى كتير ناس بشوفوني وبزعلو علي بس انا بكون عادي وما بزعل ولا بحمل الموضوع اكبر من حجمو
حتى بيوم عرس اختي لبست قصير وما قلقت بلحبه الكبيرة الي برجلي ولا الي بوجهي ابدا
والكل صار يقولي من ايش رجلك؟؟ شو هاد؟؟؟ بينك محروقه؟؟؟؟
بس صدقو كنت كتير عادي ومو فارقه معي ابدا وقلتلهم هاي صدفيه وكانو يقولولي يييييييييييييييييي ويزعلو علي يقولو يا حرام شوهتك مع انك حلوة يا حرااااااااام

ليش نخبي حالنا ونيئس لا لازم نعيش حياتنا ونمارس هواياتنا ومو غلط لو كنا مشهورين انا نتخبى لا لازم نفرجي العالم انو مريض الصدفيه متلو متل اي انسان ما لازم تكون الصدفيه عائق بطريقنا