اللوز !

[جودينا]

المشاركة الأصلية كتبت بواسطة بنـ الكويت ــت

في شغله محيرتني عفيه ساعدوني لاني مادري شقاع يسير
لاحظت من يبدي المغرب تحوشني حراره وسخونه حييل
ومرات الم بلاعيييييييم ، وعبالي اني سرت مريضه خلاص !
والم بالظهر .. انام اقعد الصبح مافيني شي !!

وامس حاشتني حراره وسخونه قوووووووووويه جدا !
احس نار جسمي ، وارجف من البرد لكن من غير الم بلاعيم .. مع كحه
وتغير فالصوت وبلغم .. لما بنام منسدحه اختنق اتقلب بالفراش بس ابي هوا
والم بكل اسناني .. وفجاه راح الالم وكأنه اسناني مبنجه واحد شادهم حيل ! ماحس فيهم لدرجه قمت اعضهم بلساني بتاكد اسناني موجودة او لا !
والم بالقلب .. بعدها رحت الحمام وانتو بكرامه ولا اشوف خدوددددي حمررره حييل
وشفايفي حمررره حيل من تاثير لسخونه والله خفت ، والمشكله الساعه 3 الفير
مابي اخرع ابوي ! .. والمشكله وين اروح مادري ؟ مايو كلينيك مافيه طوارئ

الله يعيين .. شنو تفسيره ؟ .. قعدت الصبح المس جسمي احس كأني جذابه !
مافيني شي بس حسيت شوي بحراره داخليه ولكن الحين مافي شي
والي يشوفني امس يفتكرني كنت ح مووت !

كأني عرفت السبب

انا قبل صار لي تقريبا زيك بس من غير ارتفاع الحراره...من بعد المغرب تجيني كمته مو لاقيه هوا اتنفس واذا جا وقت النوم تجيني كحه واقعد سهرانه الين الفجر بس اغفي قبل الفجر بشوي او بين الصلاه والاقامه بعدين خلاص اروح المدرسه
هذا الكلام بس بالليل بالنهار مافيني الا العافيه لكن بالليل تحزنين علي...بس الحين بعد كلامك حسيت انه من كثره الادويه لأني في ذيك الفتره كنت اخذ ادويه اكثير
فـ اعتقد انو هذا الشي بسبب كثره الادويه اذا كنتي تاخذين ادويه اكثير زي اختك في الله

[بنـ الكويت ــت]

المشاركة الأصلية كتبت بواسطة ومضه

يآآ حبوووبتي يآ بنت الكويت لو تطاوعيني وتسوين كل الي قلت لك عليه..

أحس الي فيكي عين .. مومعقوله إنه مرض عادي ..

لأن حالتك جدا معقدة ..

سوي الي قلت لك عليه بإمآن ويقين المسلمة الي موكلة أمرهآ كلو لله..

وصدقيني كل الأطباء مجرد سبب والأدوية ضرها أكثر من نفعها ...

خليكي على العلاجات الي من القرآن وسنة حبيبنا محمد صلى

الله عليه وسلم وقوي ايمانك بالله ...

(قال النَّبِيِّ صلى الله عليه وسلم ( يا غُلامُ، إنِّي أُعَلِّمُكَ كلِماتٍ احْفَظِ اللهَ يَحْفَك، احْفَظِ اللهَ تَجِدْهُ تُجاهَك، إذا سأَلْتَ فاسْأَلِ اللهَ، وإذا اسْتَعنْتَ فاسْتَعِنْ باللهِ، واعْلَمْ أنَّ الأُمَّة لَو اجْتَمَعَتْ على أَنْ يَنْفَعُـوكَ بِشَيءٍ لَمْ يَنْفَعُوكَ إلا بِشَيْءٍ قدْ كَتَبَهُ اللهُ لَكَ، وإن اجْتَمَعُوا على أن يَضُرَّوكَ بِشيءٍ لَمْ يَضُروكَ إلا بِشَيء قد كَتَبهُ اللهُ عَلَيْكَ، رُفِعَتِ الأقْلامُ وَجَفَّتِ الصُّحُفُ)

(خلي طبيبك الله وراح تلقي الشفاء عنده )

صلي ركعتين بالليل واشكي لربي كل شي ..

ولا تقومي من سجودك الا وانتي مرتاحة ...

الزمي الاستغفار وسورة الفاتحة وسورة البقرة..

وحبة البركة اغليها واتغرغري فيها مع ملح ..

وكل ما حسيتي بوجع قولي {وَلَهُ مَا سَكَنَ فِي اللَّيْلِ وَالنَّهَارِ وَهُوَ السَّمِيعُ الْعَلِيمُ}

تذكري قصة ايوب عليه السلام ..(وَأَيُّوبَ إِذْ نَادَى رَبَّهُ أَنِّي مَسَّنِيَ الضُّرُّ وَأَنْتَ أَرْحَمُ الرَّاحِمِينَ ﴾‏

والصدقة لها مفعوول عجيب والله بالشفاء شوفي القصص مليانة بقوقل عن

فضل الصدقة في الشفاء .. لو إنك بأمريكى ولا تعرفين أحد تتصدقين عليه

خذي حبوب وأطعميها للطيور ... خذي حلويات وأعطيها للأطفال ..

ولو بالمستشفى خذي كم وردة وأعطيها الأطفال المرضى منها صدقة

ومنها دعوة للإسلام بطريقة غير مباشرة ..

ربي يرفع عنك المرض ويمتعك بتمام الصحة والعافية ولا يحوجك

للأطباء كلهم يآآرب ..

أدري طولت عليكي استحمليني بس وربي من خوفي عليكي

من الادوية الي تهلك الجسم..

ماتقصرين والله يا بعد عمري
يزاج الله خييييير
الله يكثر من امثالج

انا اهلي بالكويت لاقين سحر !
ولما نادو شيخ يفك السحر وجذي سالهم عندكم مشاكل بالبيت ، احد مريض عندكم ؟
ابوي قاله انه بنتي مريضه وتعالج بامريكا الحين

تعبت الحاله تييني بس بالليل اختنق ! اكره عممري استغفرالله
احس انقمت عسى الله يقمتهم
والله لدرجه انعدم عندي الاحساس

[بنـ الكويت ــت]

المشاركة الأصلية كتبت بواسطة جودينا

كأني عرفت السبب

انا قبل صار لي تقريبا زيك بس من غير ارتفاع الحراره...من بعد المغرب تجيني كمته مو لاقيه هوا اتنفس واذا جا وقت النوم تجيني كحه واقعد سهرانه الين الفجر بس اغفي قبل الفجر بشوي او بين الصلاه والاقامه بعدين خلاص اروح المدرسه
هذا الكلام بس بالليل بالنهار مافيني الا العافيه لكن بالليل تحزنين علي...بس الحين بعد كلامك حسيت انه من كثره الادويه لأني في ذيك الفتره كنت اخذ ادويه اكثير
فـ اعتقد انو هذا الشي بسبب كثره الادويه اذا كنتي تاخذين ادويه اكثير زي اختك في الله

ئي والله انتي لو تشوفين حالتي قبل يومين تقولين هذي حرارتها واصله 41
كنت راح انفجر من الحراره جسمي نار حتى ناويه اشتري جهاز الحراره
لازم اقيسها اتلاحق عمري !
والقمته وسالفة الهوا هذي معاناااااة اففف يمكن من لوزي والغدد للمفاويه
واساسا انا ماتنفس من خشمي اتنفس من الفم
ولما اتكلم صووتي يطلع من انفي قبل ماكان جذي
من يسير الفير كلشي يختفي ! وانام نومه هنيه !
انا ماحس من الادويه ، لاني بس اخذ الحين دوا حق الكانديدا !
الفتره اليطافت ماخذ ادويه ويحوشني اناا احس في بلا لانه شمعنى بالليل !
الله يعينا بس ..

ولاني احلم بكلب بني يطاردني !

[بنـ الكويت ــت]

يقول أبوي : إن صرتي كنّك على شوك ..

وعيّا صباحك يجلب الشمس يمّك ..!

اصبري مصير الشمس تطلع وأنا ابوك

..

و أمي تقول صادق كلامه وأنا أمّك !!!

;(

[المتفائــله بربها]

بنت الكويت
الله يشفيك ان شاءالله ويردك لاهلك سااالمه وغااانمه وكثري قراءه القران على نفسك
الله يحفظك باسمه الكريم

[ساره2000]

بنت الكويت ماتشوفين شر ياقلبي حلمك بصراحه يخرع اكيد سحر مو طبيعي وضعك ابد

انا احس الصدفيه الي مو راضيه تتعالج بالادويه سحر او عين قويه ان شالله هالشيخ يقدر يفك السحر
انا حاسه بمعاناتك


يارب تشفيناا

[جودينا]

المشاركة الأصلية كتبت بواسطة بنـ الكويت ــت

ولاني احلم بكلب بني يطاردني !

ايواااااااااااا وانا بعد احلم بكلب يطاردني بس مو بني اسود واكبر شي في جسمه ..فمه..قد فم التمساح
دايما احلامي مزززعجه مادري ليه


بنوته الله يشفيك كلنا ندعيلك

[ومضه]

المشاركة الأصلية كتبت بواسطة بنـ الكويت ــت

ماتقصرين والله يا بعد عمري
يزاج الله خييييير
الله يكثر من امثالج

انا اهلي بالكويت لاقين سحر !
ولما نادو شيخ يفك السحر وجذي سالهم عندكم مشاكل بالبيت ، احد مريض عندكم ؟
ابوي قاله انه بنتي مريضه وتعالج بامريكا الحين

تعبت الحاله تييني بس بالليل اختنق ! اكره عممري استغفرالله
احس انقمت عسى الله يقمتهم
والله لدرجه انعدم عندي الاحساس

ويآآكي يآرب تسلمين حبووبتي ..

يااارب يرد كيدهم بنحرهم ويجعل تدبيرهم تدميرهم يآآرب

حسبي الله ونعم الوكيل من شر الناس .. وش يبون بس من هالشر ..

وحكاية الكلب البني والاحلام المزعجه اغلب الراقيين يقولوا انها تكون عين او أذية ..


بنات تصدقون أحيآن اتيقن ان أغلب مرضى الصدفية تكون بسبب عين

أو مس أو أذى من الجان ...

لأني اقرى قصص كثير ومره سمعتها من وحده راقيه

ان كثير اتعالجوا بالرقيى ...

وحلو ان الانسان يجمع بين الاثنين العلاج بالرقيى والعلاجات الاخرى ...

مثل خلطة الدهمية قبل اسويها قريت على الزيوت وبعدين خلطتهم .. 1x2

اهم شي نخلي يقيننا بالله ونعيش حياتنا..

الي علينا ناخذ بالاسباب ونتوكل على الله وهو وقت ما يريد

يشفينا بحكمته أهم شي ما نيأس ...

عسى تكون تكفير ذنوب ونطلع من هالدنيا مطهرين منها يارب ...

الله يفرج هم كل مهموم ويشفي كل مريض يآآآرب ..

(دايم اطول بكلامي بس مالي غيركم اسولف معاه عن هالمرض تحملوني )
شوفوا الاجر وراح تهون المصيبة

7
7

[ساره2000]

يالبى قليبك ياومضه والله كلام يثلج الصدر

والاكيد انها مس او اذى من جان او عين او سحر بس انا قريت سورة البقره ورقيت نفسي

ناويه استعمل الحلتيت بس مدري وشلون بتقبله نفسي
ادعي ربي اتشافى من هالمرض لاني تعبت مرره عساه تكفير وكل جسمي مجرح حتى جبهتي

[بنـ الكويت ــت]

المشاركة الأصلية كتبت بواسطة المتفائــله بربها

بنت الكويت
الله يشفيك ان شاءالله ويردك لاهلك سااالمه وغااانمه وكثري قراءه القران على نفسك
الله يحفظك باسمه الكريم

اللهم آميين اللهم آمييين
تسلمين ياربي