كلمات فلسطينية " كح"...

[بشرى فلسطين]

سأبدأ أولا بترحيب لكل من مر في الموضوع
فيا ألف مرحبا ويا ميت أهلا وسهلا فيكم
نورتم الصفحة
أما بالنسبة للمصطلحات
أظن إني ذكرت بالأول جملة
" لحقوها قبل ما تنقرض"
يعني مصطلحات قديمة ، وربما بل بكل تأكيد لم يعد الجيل الجديد يستعملها

طَوَى........ المقلاة
أول مرة بسمع في هيك مصطلح
!!

والله يا أخي هالمصطلح مو من عندي ، هاد المصطلح تعلمته من ستي الله يرحمها .
تَطْلِي.............. مربى
قديش بكره هالمصطلح

والله إذا بتكرهه شو ذنبي بس هو كان موجود زمان
بَكْرَجْ .............. يعني إبريق شاي مثلا
البكرج يقال لصباب القهوة ببيوت العزاء
اما مصلطح ابريق الشاي
الأغلبية يقولوا عنه برااد
حتى هالمصطلح تعلمته من أعمامي بغزة
يعني صح أنا بعيدة عن غزة بس أعمامي كلهم هناك وبحكي معهم على طول
مش لهالدرجة كلامه مش مفهوم يعني؟

ما قصدت أزعلكم ولو أصلا أنا غزاوية " كح"
كتير مصطلحات ذكرتيها أختي الكريمة بستعملوها القطاع ما عمري بحياتي سمعت فيها
ولا اي كلمة بتيجي ببالك بتنسبيها للقطاع بدك تطلعينا غير شكل
جيبي مصطلحات سيرلانكية وانسبيها النا بالمرة خليها تكمل
لا ما بيصير هيك ، هالموضوع لنحب لهجتنا مو لنعيب عليها ، وإذا كنت فهمت بكلامي انتقاص لأهل غزة - مع إنه الواحد ما بينتقص نفسه- أنا بعتذر

[إبنك يا بلد]

المشاركة الأصلية كتبت بواسطة بشرى فلسطين

ما قصدت أزعلكم ولو أصلا أنا غزاوية " كح"

لا ما بيصير هيك ، هالموضوع لنحب لهجتنا مو لنعيب عليها ، وإذا كنت فهمت بكلامي انتقاص لأهل غزة - مع إنه الواحد ما بينتقص نفسه- أنا بعتذر

يؤيؤيؤيؤيؤيؤ
انتي اخدتيها جد
بنمزح مش أكتر
:d
بارك الله فيكي اختي الكريمة
سلامات