أفكار خرافية .. لأفراحنا الإسلامية يا بنات

[زهرة الياسمينا]

أفكار خرافية .. لأفراحنا الإسلامية

فرحي إسلامي ليه شكل تاني

شكله .. ازاى ادعي الناس ليه؟
بطاقات الدعوة .. ازاى اقنع أهلى .. أناشيد متميزة .. ويكفي إن فرحي في طاعة ربي ..

الحمد لله وحده والصلاة والسلام على من لا نبي بعده ثم أما بعد ..
جيبالكم النهارده أفكار جامدة لإقامة أحلى فرح , يلا نبدأ ..

الخطوة الأولى : يجب على العروسة أن تجتمع من أصدقائها قبل الفرح بأيام للإتفاق على دور كل واحدة منهم

بطبيعة الحال : عادتا ينتظر المدعوين دخول العروسة في المكان سواء كان قاعة أفراح إسلامية أو في بيت العروسة ..

دور الأصدقاء : يبدأ أصدقاء العروس بتشغيل الأناشيد وتهيئة المكان للعروسة وتنبيه الناس أن التصوير ممنوع ..

دخلة العروسة : قبل دخول العروس مباشراً (ترن) على صحبتها اللي اتفقت معاها قبل كده ..و تطفي صحبتها النور.. وبقيت الأصدقاء يوجهوا حاجة كدة اسمها سبايك بتشتريها من محلات الهدايا والبلاسيتك هي في شكلها تشبه أعواد البخور كدة بس بتطلع نور جامد كدة وشرار وبتخلص على طول

كنت حضرت فرح كلنا ((البنات اصحاب العروسة)) وقفنا صفين من الباب لحد الكوشة صفين طواااااال كلنا ماسكين سبايك والعروسة عدت من النص ... كان تحفة كالعاده يسلم الناس عليها ..

المسابقة المصيرية (المنديل) : تقف أكثر صديقة للعروسة وتقول : يا بنااات مين عاوزه تلعب) ..و تختار الفريقين كل فريق من 8 بنات مثلا والعروسة ما عليها فقط انها تمسك المنديل
والفريق الخسران هو اللي هيخدم على المعازيم

المسابقة التانية (البوكيه) : العروسة هتقول لإحدى صديقاتها انها تخبي البوكيه من أحد المعازيم وتطلب من البنات أنهم يعرفوا مين اللى معاها البوكيه وتقولها لو عرفتي مين هيه يبئى حلال عليكي .. تغمي العروسة عين البنت حتى يضع أحد أصدقائها البوكيه مع أحد المدعوين .. لو البنت كسبت تاخد البوكيه من العروسة ومعاه شريط أو كتيب .. ولو خسرت تاخد شريط أو كتيب وتختار العروسة بنت تانية وتلاعبها نفس اللعبة ..

فكرة جديدة الشبكه : أصحاب العروسة يجيبوا طفله صغيرة تشيل الشبكة وتروح للعروسة وتلبسها الشبكة

المسابقة التالتة (موبايلي نوعه ايه) : تقول صديقة العروسه : (يا بنااات مين ملعبتش .. ) وتختار واحده من اللي ملعبوش وتقولها وتغمي عينيها والعروسة تسألها عن أشياء مثلاً في قوة الملاحظة .. مثلا الحيطة اللي ورايا لونها ايه , البنوتة اللي لبستها الشبكة لون توكتها ايه , موبايلي نوعوا ايه ..

المسابقة الرابعة ( آه .. لاء) : تختار صديقة العروسة بنت وتقول لها: تسأل العروسة أسئلة بحيث تجيب العروسة بآه أو لاء ..
هتكون جميلة ومضحكة جداً

تنبيهات :
1- تذكري أن هذا الفرح نعمة أنعمها الله عليكي فلا تكفري النعمة
2- طبعا ده فرح إسلامي فيجب أن يكون الرجال في مكان والنساء في مكان تاني خالص
3- يجب أن تكون الأناشيد بدون إيقاع
4- علقي على الحائط ورقة مكتوب عليها ممنوع التصوير
5- أكيد في فقرات كثيرة غير دي نماذج وأمثله لنوعية المسابقات
6- متخليش الفرح يطول أكتر من اللازم
7- اشتر مطويات كتييير ووزعيها على المدعوين وانتقي المطليات الجميلة التى تدعو للإلتزام .. زي حب الله .. الحجاب ..الصلاة .. الحب في الله وهكذااا
وليس عن موت الفجأة .. وعذاب القبر ..فلكل مقام مقال

أهلى مش موافقين أعمل فرحي إسلامي

إذا أهلى مش موافقين أعمل فرحي إسلامي ... أعمـــل إيــــــه؟؟؟

إيه هى السياسة اللي تستخدميها مع الأهالي لإقناعهم بفكرة الأفراح الإسلامية

1- أهم حاجة تجنب الصدام والمشادة وخصوصا من خطيبك أمام أهله حتى لا تشعريهم أنهم ليس لهم قيمة ولا رأى عشان أول حاجة أهل العروسة بيترجموها أنك أثرت على إبنهم وخليتيه ميسمعش كلامهم ويبدأوا يقولو ( دي بتتأمر وتتشرط وهي خطيبته أمال لما تتجوزه هتعمل إيه ) ودى العبارة الشهيرة فى بيوت أهالينا لأنهم غير مدركين حقيقة الأمر

2- تبدأ البنوتة تستميل أمها وأخواتها لفكرة الفرح الإسلامي بشكل مشوق يعني تبدأ تشغل فى البيت الفترة دى شرايط الأغاني الإسلامية بتاعة الأفراح لينبهروا بكلماتها ولو فى فرح إسلامي لأى واحده من صاحباتها تأخد أمها معاها تتفرج وساعتها الأب مش هيصمد كتير وهيقول : اللي أنتو عاوزينه

3- تبادلوا الأدوار أمام الأهالي يعني لما أهله يسألوكِ على الفرح الإسلامي خليكِ زكية عشان ميكرهوكيش قوليلهم والله اللى تشوفوه بس العريس هى اللى مصمم على كده , ونفس الحكايه لما أهلك يتكلموا معاه عن الفرح يقولهم اللى تشوفوه بس هي إللى مصمم وطبعا اهلك مش هيزعلوكِ ولا يتصادموا معاه ولا اهله هيتصادموا معاكِ , لكن إللي بيحصل إن كل طرف بيعلن رفضه أمام أهل الطرف التانى وده بيخلي النفوس مشحونه ويبقى الإحساس إنه هيمشي كلامه علينا أو هى هتمشى كلامها علينا

4- حولوا يكون الفرح فيه كل الحاجات اللي الأهالي عارفنها وبيحبوها زى زفة الإستفبال والمشاعل النارية والأضواء وتقطيع التورتة وقاعة شيك , عشان ده يحسسهم أن برده الفرح كان حلو

5- اتكلمي أنتِ دايما مع أخواته وهو يتكلم مع إخوانك عن عيوب الأفراح العادية اللي مليانة رقص واد إيه بيحصل فيها مشاكل وخناقات وإن أنتوا عايزين تبدأوا حياتكم بطاعة الله عشان ربنا يباركلكم

[ريحانة دار الشفاء]

السلام عليكم ورحمه الله وبركاته
بارك الله فيكِ اختى الكريمه
زهرة الياسمينا
مشاركه طيبه
ربى يجعلها بميزان حسناتك
بالتوفيق

[أم عبد الله]

مشاركة ممتعة وما أجمل ان تبدأ الحياة بطاعة الله عز وجل

[زهرة الياسمينا]

بسم الله الرحمن الرحيم

بشكركم جدااا اخواتى الغاليات لمروركم الدائم الجميل
وتشجيعكم الاجمل
الله لا يحرمنى من اطلالتكم الطيبه

[رباب راجية الجنة]

هههههههه أحسنت أختي بارك الله فيك ....الحمد لله نحن كل أفراحنا إسلامية وما في لا نقاش ولا جدال مع الأهل بالعكس سيكون الجدال لو فعلنا غير العرس الإسلامي....يسلموا على الأفكار الجميلة

[زهرة الياسمينا]

المشاركة الأصلية كتبت بواسطة رباب راجية الجنة

هههههههه أحسنت أختي بارك الله فيك ....الحمد لله نحن كل أفراحنا إسلامية وما في لا نقاش ولا جدال مع الأهل بالعكس سيكون الجدال لو فعلنا غير العرس الإسلامي....يسلموا على الأفكار الجميلة

بسم الله الرحمن الرحيم

اشكرك بس يعنى ضحتك ديه ياترى استهزاء
ام ماذا تعنى
اتمنى اختى يكون قلبك ابيض
واذا كانت فيه ناس عاريه
فالخير لسه فى امة محمد عليه الصلاة والسلام
ونورتى متصفحى