علاج د/ محمد زكريا

[سيد عبدالعال]

المشاركة الأصلية كتبت بواسطة مجنون مصر

يا باشمهندس سيد بعد اذن حضرتك
حاسس بشيئ من الشماتة

ده مش اول دواء يفشل اذا كان فشل بالفعل
فيه مئات فشلو قبله
معظم الموجودين هنا قالو على اللوريد فاشل
وانا بقولك انه جايب نتيجة معايا 100%
وفيه ناس ابسط علاج بيشفيهم وناس تانيه مافيش دواء بيجيب معاهم اى نتيجة

انا ليس لى اى علاقة بدكتور محمد خارج المنتدى ولا عمرى رأيته ولا حتى جربت علاجه ومنذ اختفائه وانا لا اعرف عنه شيئ
والله على ما اقول شهيد

لاكن بكل بساطة شخص حاول يساعد الناس بمقابل مادى ودى مهنته وده حقه
ينجح بتوفيق ربنا ومهارته ويفشل بارادة ربنا برضه
وربنا بيسبب الاسباب واكيد حضرتك تعرف ان والدنا استاذ فكرى على ما اتذكر شُفى على يد بدو بعد ارادة ربنا
وحضرتك مهندس وماشاء الله عندك معلومات عن الصدفية اكتر من دكاترة جلدية كتير

مش معنى انه فشل يبقى بيحتال على الناس او نعلقله المشانق
والا هنخلى الناس تخاف تجرب ومش هنطلع بأى شيئ جديد والحياة هتقف على المياه والملح وباقى الخلطات والمراهم اللى بتجيب نتيجة مع شخص وعشرات لأ

ياريت نتكلم على العلاج فقط ونبعد عن الاشخاص اذا كنت تريد المصلحة العامة وحتى لا نغتاب احد

وانا اكررها
انا لا اعرف اى شخص فى ملتقى الشفاء خارج ملتقى الشفاء
علاقتى بكم جميعا هنا فقط
وهذ لا يعنى ان معرفة دكتور محمد شيئ مكروه بل بالعكس شرف لى ان اعرفه وان اعرف اى عضو من ملتقى الشفاء

هذا هو ردى لو حضرتك كنت مكان دكتور محمد

وكل سنة وانتم طيبين جميعا وشهر مبارك على الامة الاسلامية

===========

اخى الفاضل/ مجنون مصر
والله ماهى شماته بس كل شويه عضو يدخل ويسأل عن العلاج وكيف يصل اليه فيكون امامى احد حلين اما اكتب له رابط هذا الموضوع او اعلق بغرض رفع الموضوع ليقرؤه العضو الجديد
واعتقد انك كنت موجود اثناء تداول هذا الموضوع وتعلم تفاصيله
اما من ناحيه ان من حق اى احد يجيب خلطه ويطرحها هنا بالمال فهذا مجال لو فتحناه وتركنا الحبل على الغارب سيتضرر اعضاء كثيرين جدا وانا لااستطيع ان اقف متفرجا لان انا وانت وكل القدماء بالمنتدى علينا مسئوليه حمايه الجدد وتوعيتهم وحمايه بعضنا بعض بالمشوره والرأى
كما اننى اخطئت فى علاجاتى السابقه كثيرا قبل 2001 لكن ماوجدت من ينصحنى ويوجهنى ووالله لو كان نبهنى طفل لسمعت توجيهه وتأنيت وبحثت حتى اعلم ولكن كنا نجهل كل شيئ عن المرض ولم ينصحنا احد فوقعنا فى المحظور وهذا مالا يجب ان يقع فيه احد من الجدد طالما نحن نتابع ونوجه وهذا واجبك وواجبى وواجب كل اصحاب الخبره لان الله سيحاسبنا لو سكتنا
بارك الله فيك