مرة واحد صعيدي (النكتة اللتي ابكتني)

[دعوة الاخوان]

بسم الله الرحمن الرحيم


الموضوع منقول للأمانة من منتدى عمرو خالد
زرت صاحبي في محل له .. وقد بان عليه الحزن

بقوله مالك
قالي مفيش أصل الرجل صاحب العماره ضايقني شويه
قلت ليه ... ليه بس ؟
قالي : صعيدي ياعم
وبدء يحكي لي حكايه اخونا الصعيدي
قالي : انا لقيت القنوات الاسلاميه حلوه وبتفيد ودعوه ...
فقلت اجيب كارت دش علي الكمبوتر بتاع المحل ..

واشغل عليها القنوات ..

قلت له ( كل ده جميل )

قالي : لا مش جميل ... لان صاحب العماره مرديش ...

قالي هو راجل صعيدي وغني جدا وعنده عماير كتير ولما طلبت منه أركب الدش قالي

انا مبركبش أطباج دش فوج العماير بتاعتي..


صاحبي قاله ليه : انا ملتزم ومشهشغل عليه ولا اغاني ولا اي شيء ده قنوات اسلاميه بس

ولكن أصر الصعيدي علي موقفه ورفض تركيب اي دش فوق العماره

انا قلت في بالي يمكن خايف علي الحمل ع العماره او ان يحصل مشاكل بين السكان او اي شيء


ثم ذكر لي صديقي سبب رفض اخونا الصعيدي . لتركيب الدش فوق العماره

وكان السبب كالاتي :


















اخونا الصعيدي شايف ان شكل الدش كده وهو راكب فوق العماره كأنه يجاهر الله بالمعاصي وكأنه يتحدى الله وبيقله أنا هوه




يقف طبق الدش بِكبر شديد ، واغترار ماله مثيل ووجهه للسماء وكأنه يجاهر الله بالذنوب

صحيح الاخ مش هيشغل عليه غير الخير ...


لكن الصعيدي جت ليه عقده منشكل الدش




انا قلت معقوله حد عنده الاحساس ده ؟؟




فاستحلفت صاحبي

قلت والله يا اخي قالك ده السبب ..!!



قالي والله ده الي حصل وقالى بالحرف الواحد

ياخى أنا مش عاجبني شكل الدش وهو باصص للسما وكانه بيحارب ربنا



بس الاخ اتصرف وركب الطبق فيالعماره الي جنبه ونزل السلك علي المحل عنده المهم ...



بغض النظر عن موقف الصعيدي صح أم غلط
أو فيه تشدد أو لاء

لكنها احاسيس فقدها الكثير انهم يتأدبوا مع الله

والتأدب ده ينتج عنه أفعال ... مش مجرد كلام ...


فقلت سبحان الله

كتير نسمع ونقول نكته



فيها مره واحد صعيدي : ونضحكها ها ها ها ها ها


لكن اول مره اسمع


واحد صعيدي بيقول كلام : وكدت أبكي من قوله ...



اسئل الله العظيم ان يرزقنا الادب معه ومع نبيه صلي الله عليه وسلم ...




ويرزقنا الاحساس والقلب الرقيق الذي يحسن التعامل مع الله ...