الحذر من موضوعات شخصيتك من اسمك من لون عينك من ملابسك من ..و السبب ؟؟!!

[حمامة الاقصى]

انا بالنسبه للاسماء والاعمار كنت ماافتح او اصدق بهاي الشغلات بس بالنسبه للالوان ولون العيون واكلتك المفضله لا كنت ادخل واقرأ واستمتع بهاي الشغلات وكنت حتى اصدقها بس يعني مره اختبار كيف تعرف انو الشخص بأيش يفكر حالياً ومارست هالاختبار مع اختي بدون مااخليها تعرف بس سبحان الله طلع صدق مثل ما اتوقعتها تفكر بالشي اللي اتوقعتها تفكر بيه واختبار ثاني اشلون تعرف انسان هسه يفكر بيك
وصار هذا الشي مع صديقتي يعني سبحان الله يعني هي كانت عطله وهي مو معي بس عرفت انها تفكر بيّه
ازيدك من الشعر بيتاً مو بس اقسام النساء بيها تحليل للشخصيه اكو موقع خاص واكو منتدى بس يعني
انا اكًول هو المنتديات او المواقع بهذا الموضوع اللي ادخل الها كلها اسلاميه واللي بيها مدربين مو كهنه
بس عندي سؤال بسيط الامام الشافعي رحمه الله مو كان يمارس علم الفراسه يعني يشوف الانسان من وجهه ويعرف شخصيته يعني هاي الاشياء مشابهه
على العموم جزاكم الله خيراً شكراً على الافاده جعلكم الله ذخر للاسلام والمسلمين في ميزان حسناتكم
تقبلي مروري