الصـدفيه والزواج ..!!( فضفضه + دعوه للنقاش )

[*مزوح رغم الجروح*]

اقول احسن اللي ما يتقبل وضعك من البداية ايش تبغي فية بالعكس هذا المرض ممكن يكشف لكي المستور من بعض اللي ماهمهم غير المتعة
عسى خير لكي شدي حيلك وفكري في الموضوع ترى الأمور بسيطة وابسط مما تتصورين

الله كريم خيو مقدام ماندري وين الخيره فيه

هجوج وراك شايش على البنيات ادحر الشيطان ترى ماينلامون بهالتفكير وانا متاكده ان كل واحد في هالمنتدى رجل او امراءه الا جابخاطره حاجه زيك كذا طبيعي بس الكلام السنع انا مانستسلم لهذي الافكار قبل اربع سنوات وانا حالتي يامزوح وجودينا ارد ى منكم مضررررررررربه وبقوه لكن يوم جاابو الشباب وانا اتعوذمن ابليس واطقها بوجهه تبيني الله يحيك ماتبيني بصرك والحمدلله اعرست وشهر العسل كله لطس من ذالكرتزونات واحلى جلد وبشره بعد شهر رجعت زي العادهوماضرني جبت عيال واموري زينه والله يخليلي رجلي بس يسمع عن علاج ولا دكتور يطمر قبلي لا وهو اللي يذكرني بكريماتي وخلطاتي ولا فيها الامور حساسيه ريحت الخلطه شينه يتحمل ههههههههه ولا يمدحون الصاله للنوم وسعي صدرك بكره تعزمينا على عرسك انتي وباقي الشله انشالله
ومسألة تاخذين واحد مصدف صعبه بعدين يجون عيالكم مصدفين لان الوراثه لها دور

شفتي يانونو هجهوووج وش سوى فينا تهؤتهؤ << بتلبسه التهمه غصب

والله يانونو ان الراس يابس مدري كيف بلينه .. هي العقبه الاولى الاقتناع بوجود شخص يتحملني بمرضي لو نتخطاها الامور كلها بتمشي تمام ..
وربي يهنيك في حياااتك ويسخرلك زوجك ويزوج باقي البنيات << مطلعه نفسها من الحسبه

[*مزوح رغم الجروح*]

السلام عليكم و رحمة الله و بركاته
بارك الله بكم جميعاً و وفقكم لما يحب و يرضى
و إن شاءالله يوفق جميع شبابنا و بناتنا في زواجهم
و كل ما يصيبنا خير ، فلا تحملوا هم شيء ، لأن الله عز و جل أرحم بنا من أنفسنا
فتوكلوا على الله
و لكن الأهم هو المصارحة بين الخاطبين قبل الزواج ، فالصراحة سوف يقدرها كلا الطرفين من الآخر ، و ستكون باقي الأمور أسهل بالتواصل إن شاءالله
ربما الأمر قد يكون أكثر إحراجاً للأخوات
و لكن في النهاية ، لو إقتنعنا أن ما أصابنا ما كان ليخطئنا ، سنكون أكثر وضوحاً مع أنفسنا و مع غيرنا ، و سيكون الخير لنا في أمورنا
وفق الله عز و جلّ جميع الأزواج لما يحب و يرضى
و أن يوفق جميع الخطّاب و أن يتمم لهم على خير

يتم دمج الموضوع مع الموضوع الأساس للفائدة العامة وعدم التكرار


في أمان الله وحفظه

اختي ملاك النور شاااااكره لك مرووورك العطر واعتذر على تكرار الموضوع لم اكن اعلم بذلك ..وجزاك الله خير على الدمج

يامقدام انا وارثه المرض من ابوي الله يحفظه صدفيتي نسخه من صدفيته مستحيييييييل انقلها لغيري واخليه يمر بنفس تجربتي المره وقتها مراح اسامح نفسي لذالك انا محاربه هالفكره

ولا تلوموني اللي مريت به مو هين

جودينا حبيبتي اسأل الله ان يشفيك ويشفيني وبقية المرضى ويعظم أجرنا على الصبر اللي صبرناه ويعوضنا كل خيييير .. نحتاااج أنا وانتي لقليل من التفاااءل والأمل عشان نقدر نمشي حياتنا .. والأخوه هنا ماقصروا ربي يجزاهم خير مثل البلسم عالجروح ما اخبي عليكم معنوياتي ارتفعت شوي بعدما سجلت بهالمنتدى الطيب بأهله .. احسنا عائله وحده

[جودينا]

المشاركة الأصلية كتبت بواسطة مقدام

جودينا اتعوذي من ابليس

والمرض والشفاء بيد الله وانظري لحالك

واسمعي كلام اختك مرام

وفكري بجد ترى الدنيا ما تسوى

اعوذ بالله من ابليس

وانا يااخ مقدام متفائله بالشفاء ورأيي بعد الشفاء اكيد بيتغير لكن حاليا الفكره ملغيه

الله يشفينا اجمعين

[جودينا]

المشاركة الأصلية كتبت بواسطة مرام 2007

يا جودينا وان كانت الصدفيه عندك وراثيه الشافي هو الله والى امرضك هو الله هي اقدار كتبت
مافي شي اسمه وراثه هذا العلم الجديد الان طالع لنا بطلعات يعيبوون بزواج المبكر ومن بنت العم وللود العم وين زمان مافي غير يتزوجون من الاقارب الان يعني الامراض هذه طلعلت
والله ما طلعت الامراض والبلاوي الا بما كسبت ايدي الناس
واللهم اغفر لنا

يامرام نعم الشافي هو الله لكن لازم نعمل بالأسباب

يمكن يكون تفكيري غلط لكني مقتنعه

وانتم ماقصرتو تفاعلتو معي ونصحتوني
لكم مني كل الشكر

[جودينا]

المشاركة الأصلية كتبت بواسطة *مزوح رغم الجروح*

جودينا حبيبتي اسأل الله ان يشفيك ويشفيني وبقية المرضى ويعظم أجرنا على الصبر اللي صبرناه ويعوضنا كل خيييير .. نحتاااج أنا وانتي لقليل من التفاااءل والأمل عشان نقدر نمشي حياتنا .. والأخوه هنا ماقصروا ربي يجزاهم خير مثل البلسم عالجروح ما اخبي عليكم معنوياتي ارتفعت شوي بعدما سجلت بهالمنتدى الطيب بأهله .. احسنا عائله وحده

آمين

وضعك نفس وضعي كأنك تقرين افكاري

لذلك اكتشفت ان اهل الصدفيه الله ميزهم بالطيبه

[أم ناصرررر]

السلام عليكم جميعا
خواتي العزيزات لاتفكرون كثير بهالموضوع الزواج
الله سبحانه متى ماقسم صدقيني راح يصير زواج
بالنسبه لي شخصيا أصبت بالصدفيه بعد فتره من الزواج والسبب (الحاله النفسيه والضغوط الاسريه والاتكال علي بكل الامور تدرين ليش لان طبعي حار أحب أخلص أموري ماكله نفسي بنفسي منو الضحيه بالاخر أنا
بس يوم فكرت محد نافع أحد الانسان بصحته وعافيته
لاتخلين القطار يروح إذا جاك النصيب روحي وتوكلي على الله يوفقكم جميعا يمكن بعد الزواج تروح ماتدرين الله سبحانه وتعالى شنو خاشلك
ذكرتيني بوحده كانت مصابه بالصدفيه من كانت صغيره وراح عليها العمر وكبرت كانت تقول بعيش مع أمي زواج مابي ولاكن لسنا خالدين بهالدنيا من كم سنه توفت أمها رحمة الله عليها والله تحسفت كثير والان عايشه من بيت لاخر عند الاخوان وحريمهم محد يطل عليها
ونصيحتي لكم جميعا لاتفكرررررررون كثيرا بالموضوع خلو السفينه تمشي
وبالتوفيق والشفاء للجميع

[نجمة الملتقى]

يا جارتي ترى اللى قصدته تفائلي خيررر
يا قلبي اللى اقصده كله مكتوب يعني لا وراثه ولا يحزززنون هذه اقدار يا قلبووو
يالله لا تنسين تعزمني بعرسك بجي اطمر طمر انتي والغاليه مزووح يا ويلكم اسمع تزوجتووا ما عزمتوني

[ahmad12]

السلام عليكم ورحمة الله وبركاته ،،،

إلى أخواني وأخواتي أصدقاء الصدفية المحترمة توكلوا على الله تعالى وانظروا للدنيا بتفاؤل وانسوا انه معكم صدفية تصدقوا إني ما أحس أبدا إني مريض صدفية بمارس حياتي بشكل طبيعي جدا وأنا مضى لي الآن أكثر من شهر ومتوقف عن العلاج تماما وربما تستغربون إذا أخبرتكم أني 18 سنة إصابة بالصدفية أو أكثر لم أستخدم العلاج سوى مرتين أو 3 مرات لِعلمي بخطورة العلاجات الكيميائية والمهم نصيحة لكم لا تستخدموا إلا علاجات طبيعية فقط ولا تستعجلوا الشفاء وداوموا على العلاجات وإن شاء الله يكتب لنا الشفاء جميعا وبصراحة بالنسبة لقضية الزواج أعتقد أنه من الخطأ وخصوصا الفتاة أن تعزف عن الزواج بل فلتتوكل على الله ولتقبل بالطرف الآخر وتصارحه بمرضها وتأكدوا تماما أن من يهمه الدين والأخلاق لا يهمه المرض وخصوصا أن مرضنا ليس بالخطير ويمكن القضاء على آثار الصدفية مع بقاء أجزاء صغيرة جدا وكما قالت أختنا أم ناصر لا تدعوا القطار يفوتكم ولا تدعوا السفينة تبحر من دونكم وأنا أول من سيركب في السفينة :d. على فكرة ادعوا لي إنه الله عز وجل يسهل أموري لأني أفكر بالزواج بشكل جدي منذ فترة.

[هجهوج]

كفو والله يبو حميد اجل نجهز المفاطيح بالتوفيق وانا اخوك وتراني معزوم

[*مزوح رغم الجروح*]

أم ناصر يمه روعتيني الله يخليلي اهلي ولا يحوجني لأحد
بس الجد كلامتس بمحله ولازم نفكر من جميع النواحي .. الله يعين بس

يالله لا تنسين تعزمني بعرسك بجي اطمر طمر انتي والغاليه مزووح يا ويلكم اسمع تزوجتووا ما عزمتوني

وانا بعد بطامر معتس بعرسي << عرووس مرجوجه