اهدي لكم هذه المره من اروع ما قيل في الوطن ( اريد الكل يقراها)

[ابو الفاروق]

شكرا لك اختي الكريمة
واليك هذه الخاطره

الى الذي سكن احلامي اقوووووووووووووووووول


امس نايم جنت شفت الوطن بالطيف

مهموم اودمعته انحفرت ابخده

كاعد والرصيف انخطف لونه اوياه

مثل واحد ابحضنه اتذّبحو ولده

كتله ياوطن سولفلي كل البيك

احسن بيك طايح كلك ابشده

كال اكعد ابصفي واسمع البلواي

اوعاين حال واحد كلهه شوضده

جن بحر المصايب بيه طك للغيم

مدّه اتجيب حسرة او تردف ابمدة

حرثتني المساحي او نشف جاري الماي

والبارود جفّل ريحة الورده

حط ايده ابوريدي الجنت احامي اعليه

ذبحني اوجاب سيفه امن النحر حده

باكومن اديه اطفال جنهه اورود

او صعبه اعله الطفل ينفجع بيه مهده

ماظلت بعد ضحكه اعله خط اشفاي

ولا لحزاني اشوفن للفرح هدّه

هاي اعيال بيتي كاتل او مكتول

انجرح بيهم دليلي اومحد ايشده

امس جانو اخيوه او بيتهم معمور

واحدهم يفوح اعله الوجه وده

هسه الصار شنهو او ذبل عود الشوك

او عله نهر الموادد شاخت السده

مذبوحه البلابل والغصن مهضوم

تدري الغصن غير البلبل اشعنده

انغلك باب الموده او كيّف التابوت

ياباب المكابر محد ايسده

وين اشرد ابولدي او اسد باب الموت

بس ادري بعد ماتنفع الشرده

كعدت امن الحلم شفت الحلم مضبوط

كلت ارجع انام او اذبح الكعده

لان شفت الوطن صورة حزن والام

مشت يمه النوايب صارت ابكده

واخيرااا اقول

اويلي ياوطن محد يهيس بيك

تنزف والجرح بيه خلصت ادمومك