ابيا شرع صار الورد بارود يشتم

[ابو الفاروق]

اسمحوا لي بان اعلق على الابيات الشعريه باللهجة العراقيه
اذا امكن و ان انزل شعر باللهجة العراقيه

ابيا شرع صار الورد بارود يشتم

صرنا نشم بارود الصواريخ مكان الورد الذي رائحته انمحت منذ زمن طويل

اوياشريعه التقبل ابهاي الشريعه

ابيا ذنب مخطوف لون النور

الخطف صار بفلس منو الي عنده شوي مال او احواله زينه
انخطف وطالبوا اهله بالدفاتر من الدولارات والي ماعندة يقتلوه
من وجه الصبح وانعدم قانون الطبيعه

او ليش صوت الطير غافي اعله الغصن

من شاف جدامه السمه باعت ربيعه

او كام حته الماي من خد الجرف

ينساب غفله او يتم ابهجره الشريعه

والنوارس بدّلت لون البياض

ابلون اسود والحزن كامت تذيعه

ابيا حكم حضن الكبر شمّر اذراعه

او بيه سكت للابد ضحكة رضيعه

ابيا شريعه الموت يزرك بالثنايه

او يخطف الارواح بالصوره المريعه

ابيا شريعه الوالده اتودع طفلهه

اهو جان ابعينهه الدنيه الو سيعه

او ليش واحدنه اشتره صوت الرصاص

والحمام الزاهي الابيض بالمزاد ايريد بيعه

قـــــــــــــــــــــــــــــــــــــــــــــــــ ــــــــف

قـــــــــــــــــــــــــــــــــــــــــــــــــ ـــــــف

قـــــــــــــــــــــــــــــــــــــــــــــــــ ـــــــف

يازمن كافي بعد كا في هجر كا في قطيعه

يا شجــــــــــــــــــــــــــــــــر كفكف ادموعك

يا جســـــــــــــــــــــــــــــــر عدل اضلوعك

يا نخــــــــــــــــــــــــــــــــل علك اشموعك

هاي مزنة صيف لا تنضر عليهه

او نا اريدك توكف ابحلك الزمن

سلايه صلبه او تنطي للحاقد ضريعه

انت طينة طيب بجفوف اليودك

اولليضدك صخره ما ممكن تطيعه
هذا هو الوضع في بلدي العراق
كل يوم ينزف قطرات من الدماء
وفي النهايه اقول حسبي الله ونعم الوكيل
انا لله وانا اليه راجعون
وشكرا لكم على المرور الطيب