تقرير عن امكانية علاج الصدفية بشكل دائم

[Dr. Amr Ibrahim]

المشاركة الأصلية كتبت بواسطة م ح م د مادمود

العلاج ليس نهائي، هناك شخص علي اليوتوب يقوم بنشر فيديوهات عن تجربته مع العلاج، و قد عادت الصدفية للشعر رغم انه تحت العلاج و مداوم عليه،
النقطة الثانية، العلاج هو عبارة عن مثبط مناعي، يقوم بعرقلة الجهاز المناعي و منعه من مهاجمة خلايا الجلد، فهو ككل العلاجات الاخري التي لها نفس مبدأ العمل.
النقطة الثالثة و الاهم و هي ان تكلفة العلاج خيالية جدا، علبة واحدة تتكون من ابرتين تاخذان في نفس الوقت تكلف 17.000$ امريكي. و هذا علاج خيالي اذا ما اضفنا ان الجرعة هي علبة دواء واحدة كل شهر. علاج مستحيل
الله يوفقنا الي ما يحبه و يرضاه

شكرا لك،،
اولا التقرير يتحدث عن امكانيه حدوث ده وده حصل مع حوالي 20% من المرضي وبناء عليه سيتم البدء ف دراسات وتجارب لدراسه هذه النتائج ومعرفة صحتها،، نقطة ان علاج لا يعطي نتيجه مع احد المرضي ده واقع مفيش علاج ف الدنيا كلها بيعطي نتيجة مع كل المرضي 100%
ولكن حسب الدراسات كوسينتكس يعطي نتيجه تحسن من 90-100% ف 80% من المرضي

ثانيا انا مش عارف حضرتك بتقارنه باي علاجات تانيه ؟ ولكن مش كل مثبطات المناعه واحده ومش كل العلاج البيولوجي واحد او يعمل بنفس الطريقه ده خطأ كبير،،
العلاج البيولوجي مختلف عن باقي مثبطات المناعه التقليديه وافضل بمراحل حيث انه يعمل ع خلال مخصصه ومحدده ولا يقوم بتثبيط المناعه بالكامل مثل ميثوتريكسيت او كورتيزون،،
وداخل العلاج البيولوجي العلاجات القديمه كانت تعمل علي اعاقة tnf
الجديد ف العلاجات الحديثه او الكوسينتكس انها تعمل علي il17 وده موجود بصوره كبيره جداااا ف مرضي الصدفيه وصدفية المفاصل وبالتالى عند اعاقة هذا انوع من الخلايا يحقق نتائج اكبر بكثير من العلاجات القديمه

ثالثا ممكن اعرف من حضرتك مصدر معلومتك ان سعر العلبه 17000 $ منين ???
انا اسف ده كلامي خاطئ تماما عالرغم من ان سعر الادويه يختلف من دوله للاخري الا ان اغلي سعر لعلبه الكوسينتكس ف اوروبا حسب معلوماتي ممكن يوصل 2500 $ فقط وده بسبب ان هناك نظام التآمين قوي والمريض لا يتحمل تكلفه ،،
الكوسينتكس متوفر ف بعض الدول العربيه مثل وللتاكيد اعرض اسعار لمعرفه المرضي بها ولست انا المسؤول ولكن دي معلومات قد تساعدالبعض
الامارات بسعر 1500 $
السعوديه بسعر 6000 ريال
مصر بسعر 600$
ده بخلاف ان ف كل دوله بيكون ف برامج مساعده للمرضي او توفيره مجانا ف مظلات التامين الصحي،، وللعلم هذه الادويه لظروف تخزينها و اسعراها لا تتوفر ف اى مكان وخلاص اعتقد بيكون ف اماكن محدده لتوفيره لضمان صلاحيتها
وعلي فكره رغم فرق السعر ده مش معناه ان المنتج مختلف هو نفس المنتج ولكن عملية التسعير تخضع لعدة عوامل ف كل دوله
تحياتي لشخصك الكريم