كيفية العنايه بطفل كولوديون (Collodion Baby)

[basmaabdo2]

السلام عليكم يا أم احلى سمكية
الحمد لله انى اطمنت على بنوتك
بس انا كنت عايزة اعرف هى بنتك لما كان عندها 5 شهور وعنيها كانت جميلة ماشاء الله زى ما شفتها فى الصورة هل كانت تقدر تقفل عنيها عادى
لان انا بنتى كملت 5 شهور واسبوع ولسه عنيها ما تعرفش تغمضها وبتبقى مشدودة لما تنام رغم القطرات والمرهم اللى بستعملها (قطرة توبرين_ليكويفيلم_تيرزجارد ومرهم توبريكس)
مش عارفة الموضوع ده طبيعى وعنيها بتاخد وقت علشان ترجع لطبيعتها ولا إيه
وكنت عايزة اعرف كمان هى بنتك حاليا جلدها طبيعى 100% ولا لسه فيه قشور
انا عارفة انى طولت الاسئلة لكن اعذرينى لانى قلقانة على بنتى ومش عارفة حالتها هاتوصل لفين
بس انا مانكرش طبعا انها والحمد لله احسن من الاول بمراحل
ويا ريت يا ام احلى سمكية اقابلك على الخاص لو ما فيش مانع
وعلى فكرة انا بعتالك رسالة على الفيس وانتى ما ردتيش عليا
وانا اسفة مرة تانية على الاطالة