سوريتي .

[بالاسلام نرتقي]

سورية موجوعه ...الله يصطفل بكل واحد طعنها ...
قضية سوريا قضية كبيرة وخطيرة أكثر مما توقعنا وأكثر مما توقعتم .

اي صحيح ...لا أدري بالضبط ما الذي يحدث
بس حاسة ان طلع الشعب برات العبة ...سرقو البلد ..لتصير سورية حلبة تصفيه حسابات من كل اطراف العالم ...
و الشعب هو فقط الضحية .."مؤيد كان ام معارض" بس هو الموجوع ...
حرقو البلاد و قلوب العباد
موتو كل شي فينا ..البكاء و الحزن الضجر التعب الارهاق هل الاحاسيس نسيناها ...فاتت ع حياتنا مشاعر جديدة غير رب العزة ما بيعرفها ...
نبصحى الصبح لنشوف الدمار و المعانات و الدبح و القتل و الصمت و الذل التنديدات ...
وبالاخير بنسكت بنروح لدنيا تانية بنتخبط بين افكارنا الغريبة اللي ما عم نعرف شو هي ...صراحة ما عم اعرف هلا شو عم احكي ...عم حس اني عم احكي ومحدا عم يفهمني ...
بجوز السوريين يفهموني ...
المهم ...ما بعرف ضاع كللللللللللللللللللللل شي ....
بجوز هيك المفروض ...
لازم يخرب كل شي ليتصلح ...
بحتار هل هو القدر الذي اختار لنا هذا ام نحن ....
يوميا قبل ما نام ..بصفن مع حالي ساعات ...
نحن اللي عملنا هيك ...تخاذل العالم هو اللي عمل فينا هيك ...الغرب ...القدر ...
بس انا بحس القدر الو الدور الاكبر ...لان اللي عم بصير بسورية خارج عن الطبيعة البشرية ...
بجوز قربت وقربت كتير كتير كتير ...
بجوز سورية هي البداية و الله يستر من الاعظم ...
هيك مرة قريت بالاحاديث النبوية ...
هي فتنة هي ثورة هي حرب ....
هي لعبة الله اعلم ...الله يجيرنا ويسترنا بسترو و يجنبنا الفتن ما ظهر منها وما بطن ...
لما بفكر بواقع سوريا بحس عقلي راح يمين اجا شمال راح للغرب رجع للشرق بس الشي اللي بعرفو و ربيت عليه ...
اني ضد الظلم و ضد الظالم وين ما كان و مين ما كان ...
ومع الحق و مع المظلوم ...بجوز ما بعرفو ...وما عم ببين بهل ايام وما عم ينعرف ...بس بقلبي بدعيلو و بتعاطف معو ...
و بتوجع معو ...
بجوز اللي شفناه ببلادنا حيرنا اكتر واكتر واكتر ...ما بعرف وين لازم كون و مع مين ....
ما بدنا النظام ...بس كمان ما بدنا هيك لسوريا

فقد دخلت فيها أطراف خارجية كثيرة ...ولم تعد القضية السورية شأن سوري بحت (حسب ما أرى)

حتى التاريخ سيكون عاجزاً عن فهم ما يجري .. لأنه يرى للمرة الأولى حرباً كهذه .. يتصارع فيها المستحيل مع المعجزة!
أكثر ما يثير استهجاني بعد كل مجزرة .. هو طلوع الشمس في اليوم التالي كالمعتاد .. إلى متى ستبقى الطبيعة على الحياد؟!
منقول


بجوز ما تفهمو كلامي ...