همسات من القلب إلى القلب - الجزء الخامس

[لمسة ملاك]

كان الله بعون الامهات هلا عرفت قيمة ماما وبابا كم عانو معي من كتر طلباتي
احضرت ايهم لنفطر سوا طبعاً هو مابحكي لأنو سنة ونصف ولكن بنادي اسمي مختصر وكل مرة بطلع اسمي غير معه وبموت ضحك فوضعت رغيف الخبز على النار يتحمص والتهيت بأيهم والحقه من غرفه لغرفة فاشتممت رغيف الخبز المحروق وبسرعة حملته ووضعته بالماء ووضعت رغيف تاني وإذا بالصغير بيلعب بكولر الماء وبفتحه وبسكب الماء على الارض التهيت معه برضه انحرق الرغيف التاني ونفس الامر بركض وبضعه وهو مفحم بالماء حتى مايطلع دخنه كتير
ووضعت رغيف تالت وهرب الصغير للصالة وتجنباً للكوارث اللي بسببها وين ماراح لحقته وانحرق الرغيف الثالث وعصبت والنتيجة اني ماافطرت وعملت كأس نسكافيه وانزلته عند امه وانا بردد كان الله بعونك بإذن الله انتي مجاهدة فيه
هاد أكبر كارثة وعلى قول الخالة ام سامي ملحقة على التعب بكرة بتعلم لوحدي وعدت لبيتي فتحت جميع النوافذ والابواب وشغلت مبخرة بعطر العود المبخر وكان يوم والحمد لله مر بسلام