يا محلى اللمة عند ام سامي / ج 4/

[راغبة في رضا الله]

معليش حبيبة قلبي ورد جوري سامحيني هالمرة بس واسمحيلي اقتبس عدد الموجودين لانه عندي سبب وجيه

الذين يشاهدون محتوى الموضوع الآن : 9 ( الأعضاء 5 والزوار 4)
‏راغبة في رضا الله, ‏بشير المحمدي, ‏راحلين, ‏عبق الأحبة*, ‏وحش فلسطين

انا اقتبست الموجودين لانه بدي احكي لام سامي وقوللها انتي بتعرفي اديش الناس بتحبك وبتحترمك وشوفي كل يوم عندك ضيوف جدد وقدامى بيجوا على هاللمة الحلوة
بنرحب اليوم بالغالية عبق الاحبة وبالاخ الفاضل وحش فلسطين
اما الاخوة الطيبين بشير وراحلين فهم من اهل البيت واهلا بالزوار
بدي احكي لام سامي ازا اولادك غلطوا معك حقك تزعلي منهم وتعاقبيهم بالغياب ولكن مالازم العقاب يطول لانه في اولاد واخوة تانيين مالهم ذنب ,وحتى اللي أخطؤوا فخطأهم غير مقصود وانا متاكدة انهم رح يعتذروا منك ويعملوا المستحيل لحتى يراضوكي لانك غالية عالجميع وبعدين لازم تعرفي شي انتي طول عمرك كبيرة ومحترمة وين مارحتي ووين ماجيتي وماحدا بيقصد ابدا يقلل احترامك ,اصلا اللمة والملتقى ماله طعم من دونك
فلاتطولي علينا ورح نعمل مظاهرة واعتصام لحد ماترجعي
والا كلنا بنغيب على غيابك وبنجيكي عالاردن يعني وراكي وراكي وين مارحتي ياغالية
لمة ام سامي هو الموضوع الاكثر جاذبية وراحة بالملتقى ,لانه هون بنكون على طبيعتنا متل ما نحنا بالحياة ولاننا بنحكي بصدق وعفوية ودون تكلف ومابنتجاوز الحدود فكل منا اله احترامه ووزنه وهيبته بالحياة الحقيقية وكمان بعالم النت ولهيك الشمس ما بتتغطى بغربال والمحترم بيفرض احترامه عالجميع وماحدا بيقدر يقول غير هيك
عموما هادي سحابة صيف عابرة وحتروح سريعا باذن الله وحيرجعوا الكل ينوروا اللمة اللي فاتحة قلبها للجميع ومهما صار من خلافات فهي عابرة وسطحية لسبب بسيط
انه قلوب الجميع نظيفة صافية وطيبة وعامرة بالحب والخير
واللي بيغلط عن قصد او غير قصد انا واثقة انه حيسارع للاعتذار لانه ام سامي والكل بيستحقوا الاحترام والتقدير وبيستحقوا انه مانخسر اخوتهم
كلمات من قلبي بتمنى توصل للجميع وبتمنى نرجع متل ماكنا كالجسد الواحد اذا اشتكى منه عضو تداعت له سائر الاعضاء بالسهر والحمى
ملاك غايبة مع ام سامي وزعلانة على زعلها ,اصيلة ياملاك بس بنتمنى منك ترجعي انتي وياها لانه نحنا بنحبكم ومابنستغني عنكم ابدا