يا محلى اللمة عند ام سامي /ج3/

[راغبة في رضا الله]

حورية..يا احلى وردة ندية في البستان..
يابنت جدعة واصلية..انزعي عنكِ كل الاحزان..
عودي لاحلى صحبة شفاوية..فالكل هنا لكِ اخوان..


اليوم ياجماعة حبيت خبركم انه ممرضتي اللي كانت ساكنة معي بالبيت سافرت يوم امس الى الرياض وتزوجت فور وصولها من شاب فلبيني مسلم,الحقيقة تركت فراغ كبير لانه صارلها 8 اشهر ساكنة ببيتي والان غادرت وسبحان الله من الصبح لهلأ كل شوي تتصل مع انها عروس وطايرة من الفرحة الا انها مانسيتني كل شوي تتصل وتقلي اشتقتلك ,لسا الدنيا بخير ولسا الدنيا فيها وفاء
بتقلي مستحيل انسى انك احتضنتيني رغم انك مش من بلدي ,لما بنات بلدي آذوني بسبب اسلامي كنتي الوحيدة اللي فتحت بيتها واستقبلتني واحسنت الي ,حكيتلها انتي اختي
ضحكتني بتحكيلي دكتورة رحت على مكان بالرياض اسمه البطحة وفيه كتير فلبينيين حتى سألت زوجها نحنا بالسعودية ولا في الفلبين ,وكمان قالت لي في اكل فلبيني لانه ياحرام صارلها 8 شهور بتاكل اكل سوري
ماسة بتسألني بتقلي :ماما هاي جسيكا عالموبايل
قلتلها ايه ياماما
قالت شو قالت لك ,طبعا هي مافهمت شي لانه جيسكا كانت تحكي بالانكليزي
قلتلها قالت لي كيف ماسة ولين اشتقتلهم
قالت لا ياماما ماقالت هيك
قالت بيكي تك ماك بك
يعمي هي مش فاهمة ولا كلمة

طيب انا متشوقة خبركم خبر تاني كتير حلو بس حاليا مش مسموحلي بالتصريح
اول مايسمحولي رح خبركم فورا لاني عارفة انكم رح تفرحوا كتير بهالخبر اللي صارلي فترة ناطرته على احر من الجمر
فكونوا بالقرب وانتظروا الخبر السعيد في الملتقى