كل من جرب تركيبة Lactic Acid ضع تجربتك هنا ليستفيد منها الآخرون

[وائل الدوسري]

هههههههههههههههه طيب يابو نواف

بكتب تجربتي

لكن اول شئ أزف لكم خبر علاج ولد بعمر 6 سنوات حالته مثل حالة بنات الأخت شعلال ولله الحمد

وبذلك نسجل الحالة رقم 16

--------------------------------------

انا وصف لي الدكتور كريم كالموريد قبل ولاحظت التقشر لكن بطيئ وخفيف

ودرست المواد اللي في تركيبة كالموريد وتوصلت ان حامض اللاكتيك هو سبب التقشير

وبحكم تخصصي اني كيميائي فكرت برفع التركيز وراجعت الطبيب وذكرت له باللي ناوي اسويه

وأيد الفكرة وبالفعل بدأنا بتجربة من 5 % الى 8 % وكانت النتيجة رائعة

وجربت 20 % واحسست بحكة مستمرة ولما احط التركيبة بعد الاستحمام تحرقني

قللت الى 15 % مازالت الحكة مستمرة بدون حروق

قللت الى 12 % وكانت فقط لسعات مدة 10 دقائق

والطبيب قال ثبت على 12 % التركيز جيد لما قلت له يلسع قال قلل

لكن انا ما طعته كنت محتاج الى شئ يخفف هاللسعات مع نفس تركيز 12 % لأنه مناسب لي لكن يلسع

قرأت وبحثت وبفضل الله وجدت مادة الجليسيرين خلطتها ثقلت التركيبة وصارت التركيبة فيها ثقل نوعاً ما مو مثل اول كريم خفيف مثل اللوشن

صارت اثقل واستمريت عليها ولله الحمد الى اليوم وانا استخدمها

فيه ناس يصابون حروق اللي يشوفها يتوقع انه زيت انكب عليه وتجرح

سبحان الله الجلد يختلف من شخص لآخر ومن مريض سمكية لآخر

فلازم نغير بالتركيز الى ما نوصل الى افضل تركيز ناسب المريض

المهم ان المريض لا يضغط على نفسه ويعذب نفسه مجرد ما يحس انه التركيز قوي يوقف ويخففه ثم جرب مره ثانية بعد زوال الجروح القديمة لأن الجروح مع التركيبة لو خفيفة بيحس بجروح

وبس هذي تجربتي انا والحمد لله مبسوط من النتايج الى ان يقضي الله أمراً بالسمكية ويكون العلاج نهائي