آخر ماتوصل له الطب في علاج الصدفية

[إتحادي عنيد]

المشاركة الأصلية كتبت بواسطة noway

السلام عليكم

أخواني الاعزاء انا جدا سعيدة بتعرفي على منتداكم الرائع وهالشي كان عن طريق الصدفة وبصراحة استفدت منكم وعرفت معلومات كثيرة ماكنت اعرفها والاهم ان معنوياتي ارتفعت وحالتي النفسية تحسنت من بعد قراءة بعض مشاركاتكم اللي اتضح لي فيها كم الامل والايمان بالله الموجود فيها

انا بصراحة كنت شبه منهارة قبل لا اقرا مواضيعكم ولكن الآن ولله الحمد احس اني احسن كثير


المهم, الموضوع ان انا معاي الصدفية من سنين من كنت طفلة وتعالجت يمكن بكل مايخطر على بالكم من مراهم وحالتي تتحسن وترجع على فترات

في السنوات الاخيرة زادت الحاله وانتشرت الصدفيه بكل الجسم على شكل بثور صغيرة مغطاة بالقشور وتكبر تدريجيا وعالجتها بمرهم جديد بديت استخدمه من 3 سنوات اسمه daivobet يحسن الحالة ولكن لان الصدفيه عندي منتشرة وصايرة نقط صغيرة هالشي يتعبني لما استخدم المرهم يعني لازم ادهن جسمي كله وهذا يخليني استخدم كميات كبيرة من الدهان وهالشي له اثار جانبية مثل ماتعرفون

رحت للدكتور وانا ابكي وقلتله ماقدر يعني احط الدوا وين والا وين!!

قاللي انه في علاج جديد عبارة عن ابر اسمها ((امبريل)) وهي اخر ماتوصلوله في علاج الصدفيه وان مالها اثار جانبية وهي ابر يحقنها المريض لنفسه مثل ابر السكر

انا بسألكم هل سمعتوا عن الابر؟؟ في احد جربها؟؟ هل فعلا مالها آثار جانبية؟؟؟ اذا لها ماهي هذه الاثار؟

باختصار افيدوني انا وجميع المهتمين بكل ماتستطيعون توفيره من معلومات عن هالعلاج

اشكركم واعتذر عن الاطاله

حياك الله اوخيتي
في بيتك الثاني

اوخيتي نصيحة اخ انا عرضت علي الابر هاذي بالمجان

وشاروت ولا خليت احد في مشورتها الكل بيقول

انها ممتازه ولا لها اعراض ولكن

ليست علاج نهائي للصدفيه

ماهي الا مجرد فتره من الوقت وترجع المقروده

او انك تستمرين على هالابر

انا عندي تجارب كثير من بعض العلاجات الشعبيه

والتركيبات والخلطات وحاجات توجع الراس

لدرجة اغلب الاعشاب والعلاجات الاخرى صارت

تاتي بنتايج عكسيه والجلد صار عصبي مايتقبل اي شي

مالك في طوالها انصحك وانا اخوك

شوفي المواضيع المثبته وشوفي النتايج بالصور