تجربتي مع مرض السمكية ( وأفضل الطرق لإخفائه تماما ) وتمتع بجسد معطر طول اليوم

[بنت تُونس]

المشاركة الأصلية كتبت بواسطة اوراق خريف

يسعد مساء الجميع.
طبعا من بعد غياب دام سنه تقريبا رجعت .فرحت كتير بالخبر الي اعطانا امل كبير بالعلاج .طبعا الشكر الكم الي فتحتولنا قسم خاص عرفنا احنا وين من هل دنيا والشكر كمان للاخ الكريم الي عرفنا عن العلاج الجديد ......
كمان حبيت اخبركم انو انا كمان شفيت بنسبه 100% من المرض صارلي تقريبا بتعالج من 4 شهور وهاد الشهر الخامس والاخير للدواء الي باخدو .بس الكريمات بدي اضلني عليها.بس ما رح اتأمل كتير لانو عارف المرض هيرجع تاني ..
هاي اسم الدواء يلي اخدتو وطبعا الو تأثير سلبي لكن بفضل الله كل فتره وفتره بعمل فحوصات وما بطلع شي سلبي منو
... neotigason حبة يوميا
كريم الاتوديرم مخلوط مع كريم صراحة نسيت اسمو بس بحاول اجيبو مع العلم ان هاد الكريم ما قطعتو طول حياتي من 5 سنين تقريبا بستخدمو
بعديها ستخدمت كريمات للاحمرار والحساسية منها بيتاكورت في , بينثامين, وحاليا بستخدم كريم جديد اسمو سوديرمكس
النتيجه ظهرت من اول اسبوع فقط, واحدثت تغيير جذري حتى الان والكل لاحظو والحمد لله. قبل مثلا ما كنت المس الماء الا بعدو احط لوشن بعدو او فازلين هلا بتوضى متلا او بتحمم وما بحط اي نوع من الكريمات
مع انو لازم احطها باليوم مرتين لكن الصراحه بالاسبوع مره او مرتين صرت احطها بجد غالي كتير متل هيك علاجات.
ما بنحكي الا الحمد لله بس حبيت احكي تجربتي وتحياتي للجميع

السلام عليكم ورحمة الله
أنا كمان اخذت neotigazon لمدة 3 سنوات ونصف.. بأول سنتين كانت النتائج مبهرة.. حتى التجاعيد اختفت تماما.. بشرتي صارت أحسن من بشرة انسان عادي.. بعدين صار شعر راسي يتساقط كتير كتير ونوعيته تغيرت و صار فيه آلام بالشفتين وتشقق.. لكن على مستوى الجلد رائع.. والسنة الي فاتت التحاليل ماكانت كتير كويسة لانو بيأثر على الكبد.. فصرت اقلل الجرعات مثلا اخذه يوم ويوم لا.. ولكن النتيجة قلّت لتقريبا 70 بالمائة.. ومن شهرين تخلّصت منه نهائيا..صراحة تعبت كتير..والتعب النفسي اكثر..لانو رجعت حالتي تدريجيا.. و كمان صار فيه فوق البشرة طبقة قشرة وردية مش كتير سميكة لكن بتغطي الجلد الاصلي ما رضيت تروح حتى بالمقشرات.. خايفة يكون من تأثير ال neotigazon..
كمان لازم قبل أن تفكر المراة بالانجاب انو تتخلص من الدواء لمدة سنتين.. فأنا حاسة اني لو تماديت فيه وتزوجت و تخليت عن الدواء رح اتعب اكثر نفسيا..فقلت لازم ابتعد عنه من الان..
كريم اللاكتيك اسيد جاب نتيجة حلوة..ماعاد فيه قشور متطايرة..لكن للان اعاني من الطبقة الي فوق الجلد الاصلي ما رضيت تروح.. الله المستعان..
ان شاء الله لي موعد مع دكتوري وأستشيره
الله يشفينا جميعا يارب.. والله التعب النفسي أكثر من الجسدي
الله يجبرنا يارب ويخفف عنا جميعا ويرزقنا الصّبر والشفاء آمين يارب