شهادات المتشافين من مستخدمي قطران الفحم الحجري مع الصور

[لاهدت نفسي]

المشاركة الأصلية كتبت بواسطة أجوان

اختي ملاك ماترين باس عندك قطران ادمه الرياض الملاحظات اللي نقلتيها عن احد الاخوه كانت على قطران
ادمه ( جده ) اما قطران الرياض فيثني عليه كل من جربه توكلي على الله ولاتخافين وإذا كنتي من اهل الرياض خذي 250 مل بقيمة 200 ريال وتركيبة المرهم مثل ماقالت الخاله اشتريها من اي صيدليه
وممكن تركبينها في البيت لان ادمه معروفين بأسعارهم المرتفعه .. تمنياتي لك بالشفاء العاجل .

مرحبا اخت "اجوان" عندي تدقيق بسيط جدا وهو :

انا امس كنت بالرياض ورحت صيدلية ادمة وشتريت عبوتين كل عبوة سعة 250مل ، وسعر العبوة الواحدة 175 ريال يعني سعر العبوتين 350 ريال ، وطلبت منه خصم وعطاني خصم 10% يعني صار سعر العبوتين 315ريال فقط ،

وبالنسبة للأخت "ملاك" وكل الي لسا مابدأو بالعلاج ، اقولهم انا بدأت في العلاج وقعدت اسبوع استخدم فقط الكريم المساعد الي كتبته الاخت "ريم50" الي هو 30غرام دبروسلك + 30 غرام كيناكومب + 2غرام سلسلك اسد (علشان القشور عندي بعضها كثيفة) + فازلين 40غرام ،

استخدمت التركيبة لمدة اسبوع لين راحت القشور من اكثر الاماكن وصارت خفيفة في بعض الاماكن .

بعده استخدمت القطران مرتين بس ، بعض الاماكن راحت انتهت القشور وتساوت مع الجلت وصارت ناعمة ماتفرقها عن الجلد السليم غير باللون اغمق شوي من الجلد السليم ، وأكثر شي اسعدني الاكواع الي فيها صدفية عندي من 25 سنه راحت وصارت ناعمة حيييل ولا بقى غير لونها اغمق شوي ،

انا مقصر في استخدام العلاج ، كان المفروض استخدمه مرتين في اليوم مثل ماقالو الاخوان والاخوات ، ولكن سبب انشغالي وسفرياتي حالت عن التزامي ،

فصرت استخدم يوم الكريم واليوم الثاني قطران الفحم الحجري ، لكن لما احط القطران كنت احط اكثر من مرة يعني مثلا ابدأ بيديني وبعد ماخلص كل جسمي ارجع مرة ثانية وحط على يديني وكل جسمي مرة ثانية لأن القطران ينشف بسرعة ، والحمدلله اشوف النتائج ممتازة ، وأتمنى من الجميع يلتزمون مثل ماقالو المشرفين ولا يسوون مثلي .

ان شاء الله بكمل العلاج وبحاول احط العلاج مرتين في اليوم وبحاول اجتهد اكثر علشان اخلص من هالصدوفة الي ذبحتنا .

وتحياتي للجميع