بحثت تأثير بذور الكتان على الدم والكبد

[حشيمة دار زايد]

السلام عليكم ورحمة الله وبركاته
اول شي حبيت اقول الله يعطيكم العافيه بصراحه لكل من ساهم في الرد على جميع الاسئله
قد لي يومين ابحث عن مليون سؤال يخص الكتان وبصراحه لقيت كل الاجابات في تفاعلكم في هذا الموقع الممميز اللي اول مره اسمع عنه
ولهذا قررت اني اشترك لان منتدى تفاعلاته ماشالله بناءه حيل
عساه في موازين حسناتكم
ثانيا عندي كم استفسار اتمنى انكم اتردون علي ....
بس استفساراتي بخليها ع شكل نتايج فهمي للموضوع وخلاصة الردود بعذ اذنكم ...
مع العلم اني باذن الرحمن ببدأ من باجر استخدام بذرة الكتان بس بالنسبه لي لعلاج زيادة وزني وللقولون وللامساك عزكم الرحمن ..
وان شالله اذا الله عطاني عمر ببلغكم بالنتايج بين فتره والثانيه ...
المهم اسفه ع التاخير :
- بما ان المنتج طبيعي عندي بنت اخوي عمرها 4 سنين وتعاني من امساك ( عزكم الله ) حاد جدا ، هل استطيع اني اعطيها خاشوقه يوميا ( ملعقه يوميا ههههه الترجمه ) ؟ مايسبب ضرر بسبب كونها بعدها طفله وتراها ضعيفه كجسم فقط وليس ك صحه عامه ؟
- قريت عن طريقة تناول الكتان في كذا موقع واغلبية النتايج كانت تقول غسل البذره ثم طحنها بنفس اليوم ثم غليها بالماء وتصفيتها وشرب الماء ... ويوم سويتها مره لاعت جبدي وكنت بزوع ( اكرمكم الله ) لانها وايد لزجه لدرجة انها كانت تلزق بثمي لانها هلاميه وايد
بس اللي فهمته في منتداكم ان عادي اخذ ملعقه واطحنها في ثمي واشرب عليها ماي صح؟
بس سؤالي ان يجب غسلها قبل والا اكلها بدون غسل ( علما اني مشترتنها معلبه في اكياس )
اسفه ع الاطاله وايد وايد وجعله في موازين حسناتكم جميعا