ألبينو على كرسي الاعتراف

[سامية الحرف]

أنقل لكم اقتباسات واعترافات إخواننا الألبينو من مختلف الجنسيات
أتمنى أي ضيف يهل علينا يكتب كل اللي يبي ويطرح أي سؤال،أو تجربة.

اقتباس---( ملاك)

السلااام عليكم
كيف حالكم جميعاً؟؟
أنا جديده عندكم وحبيت اشاركم واستفيد من خبراتكم

أحب أعرفكم على نفسي
ملاك وعمري عشرين أدرس في كلية الدراسات الاسلاميه

صراحه أنا أول مره أكتشف ان شقاري وبياضي مرض وراثي اسمه البينو
كنت أتوقع اني طفره جينية

يوم قرأت موضوع أشقر ...ألبينو إكتشفت اني البينو
ماتوقعت ان ضعف نظري والرأرأه الي في عيني من شقاري
انا من صغري ولله الحمد ماعانيت في مجتمعي مثل بعض الالبينو

وفي المدرسه كانوا المعلمات متعاونين معي لأقصى درررجه ولله الحمد ربي مسخرهم طووووول مشواري الدراسي وحتى اذكر فيه استاذه تسحب طاولتي الى السبورة حتى أشوف.

وفي الثانوي إستاذه أعفتني من الدفتر لثلاث مواد ههههههه وفرحت لاني ما أحب .

واستاذة الانجليزي قلت لها اني ما أشوف الخط صغير أعفتني من قرأة القطعه
هذا من ناحية نظري

أما من ناحية إني شقراء كان أحيانا أطفال يقولون :يمه شعرها أبيض !

وبعض الأطفال يفرحون اني اصادقهم
والناس دايم يحسبوني أمريكيه كثيرررررررر مواقف تحصل لي يحسبوني أمريكيه

وإذا أحد استهزأ بي وقلت لأخواتي الي أكبر مني يقولون لي يغارون منك لأنك شقراء
وبكذا صرت واااااثقه ولله الحمد
وأهلي أبد أبد ماحسسوني إني مختلفه بالعكس يحسسوني إني مميزه

وأنا الحين مصوره فوتوغرافيه مبتدئه
إن شاء الله اصير محترفه

وبكذا انتهيت